هل من مرحب

ألاخوه الاعزاء اعضاء المنتدى اصعب الاشياء الكتابه الى من تعزهم لأن الكلمات لا تاتي بقدر ما تحمله الدواخل .و على قدر اهل العزم تاتي العزائم ومن شواهد عزائمكم هذا الصرح الشامخ منتدى السريحه و نستأذنكم بالانضمام الى هذه القبيله الضاربه فى اعماق الاصاله (سقراط؛ ورد؛ الادمن؛هشام , الزرقاء ؛و الزعيم ود عجيييييب العجيب؛الواثق؛العجب حبيبي؛الفقدابي؛ابوعشرين و العتبى لمن سقط سهوا)

حبابك ألف، ومليون مرحب، ولينا الشرف بانضمامك إلينا.

يا ملياااااااااااااااااااااار هلا وسهلا ونورت المنتدى يا دراغون

اهلا ومرحب بدراغون وحبابك الف

هشام شوف لي التنين ده منو

انت كفت ولا شنو؟؟؟؟؟؟؟؟؟؟؟؟؟؟؟؟؟؟؟؟؟؟؟
بعدين وينو ترحيبك بالزول يارياض اظن الخلعة نستك ههههههه ؟؟؟؟؟؟؟؟؟؟؟

والله حقيقة انا زاتى فى الاول خفت عديل كده وقريت كم سورة حتين كتبت سطر

يا جماعه الخير خلؤ الزول ياخد نفسو شويه وبعدين اسلوه ولا شنو يا رياض وودعجيب.
مرحبتين حبابك يا لينا الله جابك يا دارغون .

شتتتتتتتتتتتتتتتتتتره
كنت فاكر القي عندك الحنان تقمرني بي قلبي انساه..................

يا جماعه ما تبنو الفكره علي المظهر فعلا انا تنين لكني احمل في جوانحي قلب فراش و سهولة نسيم الفجر و اذا كان علي الشكل يا ود عبد العظيم الدواء المر انجع في العلاج و انا بعتبر كلامك ده من منطلق الترحيب و بشكر كل الذين رحبو بي و الذين شغلتهم الحياة عني .
و انشاء الله اللهب الذي يصدر عن تنيني المطيع لن يكون الا لتدفئة اهل السريحه شتاء و انارة منازلهم في ليالي الخريف و اقلي لهم البن في قيلولة ظهيرة الصيف و للسريحه الف تحيه

دراغون الف مرحب حبابك وابقى داخل يا جوه القهوة جاهزه شى سودانى وشى عربى وشى تركى و0000 فقدابى

الشغلة جابتلها تماسيح ( أقصد تناين جمع تنين ) آها ود عجيب شيل شيلتك شوف ليك طريقة لى معّوزك معليش غنمك . تسوى لى فى المسابقات لى الغنم يامن جابتلها تنانين ..... !!! تانى أشودد وسوى ليك مسابقة .. المرة الجاية بتجيب شنو؟

مرحب بك يا دارغون فى منتدى السريحة
لكن ايه سر الاسم المخيف ده

زرقاء اليمامة كتب:: مرحب بك يا دارغون فى منتدى السريحة
لكن ايه سر الاسم المخيف ده

اولا انا متاسف لتأخيري في الرد علي استفسارك لبعض المشاغل التي منعتني من الجلوس امام بوابة الشبكه العنكبوتيه. اريد أن أطمئنك بان لا توجد اي علاقة شريره بيني و بين تنيني سر هذه التسميه نابعه من اعجابي بهذا المخلوق الخرافي و ليته كان حقيقي لاقتنيت اكثر من واحد. اما السبب الثاني فهو رمز لاعظم شعب احبه بعد شعب السودان ألا وهم الشعب الصيني ارجو ان اكون قد ارحت تساؤلاتك يا زرقاء