القفة ( ام آضان )

كانت من اجمل( الجمع )جمع جمعه اذا صح التعبير من بدرى صحيت من نومى وشيلونى القفة ام ضان
مش بقولو ليك انت قفة ولا اضان قفة آآآآآآآآآآآها اكان انت قفة تقوم طوالى تشيل القفة وتمشى السوق وتجيبها ملئانة لاضانها _ اما اذا كنت (اضان) قفة تفتح عين واحدة وتشوف الست القفة جنبك وتعمل نايم طوالى كده تبقى اضان قفة و(كيسك فآآآآآآآآآآآآآآضى ) وموضوع القفة والكيس عندى وقفة .
القفة : هو وعاء من السعف صنع خصيصا لزعزعة المساكين والعرسان الجدد خصوصا لامن يكونو لسع قاعدين مع نسابتم وديل ليهم الله من القفة وهى امتحان صعب جدا وناتى للعلاقة بين الكيس والقفة
والعلاقة بين القفة والمصروف طيب العلاقة بين القفة والكيس كلاهما مكمل لبعض ولكن الكيس افضل من وجهة نظرى انا لانو يمكن يكون بحجم صغير ومابيشيل كتير اما العلاقة بين القفة والمصروف
فعلاقة طردية كلما كانت القفة كبيرة كلما كان المصروف اكبر على ما اعتقد _ لانو فى ناس ومن باب التباهى والتظاهر يشيلو القفة الكبيرة وماشاءالله ولا حسد تجى ملئانة تقنت وشوفونى يعنى وفى ناس ليهم مراد تكون صغيييييييييييييرة قدر علبة الصلصة عشان تتملى بالشئ البسيط وربنا غالب
وهاهى الايام تعود بالقفة من جديد وتتربع على القلوب وعلى عرش الجزارات بعد غيبة طويلة عادت تقدل والعود احمد بفعل فاعل وهى المحليات خليناها لله بعد ان اخذ الكيس صولته وجولته ووقف وقفة رجل مع
الرجالة _ وكمان بقو يتفننو فيهو وعملوهو صغير جدا يسمى بكيس (ركشة) كان يستعمل فى تعبئة الفحم والجماعة لقو ليهم مبرر وكده والواحدة تنتظر راجلها فى الباب والله شقاهو كان جاب الركشة (كيس اليآبة والتآبة )
طبعا المحليات قاااااااااااااااااااااااااالو خايفة على صحة المواطن من خطر الاكياس سرطانات وغيرو حمانا الله لكن تفكترو ده السبب !!!! اظنه زيادات للاعباء فى شكل غرامات (وقفف ) طبعا ياجماعة لو لقو عندك كيس الله شقاك الغرامة خمسمائة جنيه (500 ) بالجديد طبعا حتى ولو كيس( تمباك ) بلا مؤاخذة وما معروف يمكن يكون فى سجن لو( كيسك كبير )
يعنى لو فى كيس جابو الهواء طاير تجر من جرئ واتخيلو معاى منظر واحد ساكيهو كيس فى السوق
بعدين المفترض طالما المحليات حرمت تداول الاكياس (تداول ) دى حلوة مش كده !!!!!! المفترض توفر البديل مثلا اكياس ورق وبعدين اكياس الورق ظريفة وصغيييييييييييييييرة ومافى زول (بشوف ) الفيها _ فى ناس كده بتاعين شماااااااااااارات لازم يعرفوك انت شايل شنو !!!!!!!!!!!

مرة انا مشيت السوق ولقيت الاسعار مولعة نااااااااااااااار فقط الرخيصة كانت الطماطم والعجور قمت اشتريت نص (صفيحة طماطم ) وقريب نص (شوال) عجور والباقى خلوهو فى سركم !!!!
وانا راجع البيت لقيت مشكلة مدورة وطوالى كعادتى دخلت حجآز والحجآز بدوهو عكاز وتمزق الكيس
الى نصفين وانكشف المستور وفى واحد واقف جنبى مسيخ ترمس بس _ قال لى ياخوى انت ما كان تمشى
الحواشة ساى جاى الجزارة مالك " شفتو نوع المساخة دى !!!!!!!!!!!!!!!! ده كان فى عهد الكيس
اما فى العهد الجديد واخر مرة زرت فيها الفرن اشتريت عيش بالفين جنيه 2 جنيه بالجديد يعنى عشرة (رقيفات) صاحب الفرن دايرنى اشيلن فى يدى وقال مافى اكياس واصر على انى اشيلن فى يدى وياريت لو لابس جلابية كنت شلتهن فى طرفى المشكلة لابس بنطلون جينز وقميص آآآآآآآآآآآها احلها كيف ؟؟؟؟؟؟؟؟
مشيت جبت لى (مطرق عدسى ) وقديت العيش من النص وبقيت زى الوابور المركب محرات دكس !!!! وقلت ليهو خت ليك (كليقة ) عدسى جنبك !!!!!!!!!!!
ودى كانت رسالة استنكار واضحة للوضع وياريت تكون الرسالة وصلت

لك التحية العزيز منتصر ومعليش طولنا ما اتلاقينا عبر الدردشة وذلك بسبب الانشغال فى العمل الخارجى
وجميلة جدا حكاية القفة والتى اضحت رمزا لستر الحال او كشف الحال وربنا يستر الحال

ياخى المقصود شنو (القفة ام اضنين اشيولها اتنين)؟؟؟؟؟؟؟؟؟؟؟؟؟؟؟؟؟؟؟؟؟

اقتباس :: مشيت جبت لى (مطرق عدسى ) وقديت العيش من النص وبقيت زى الوابور المركب محرات دكس !!!! وقلت ليهو خت ليك (كليقة ) عدسى جنبك !!!!!!!!!!!

يخربني خراب خريكبة كان فهمت حاجة

الله يديك العافية و أتقبل مروري.

مشكورين الاخوة ياسر وهشام والزرقاء على المرور ويالزرقاء الفهم قسمة و (نسيب ) اقصد نصيب
يعنى العدسى ده ماحصل استعملتيه فى (عواسة ) الابرئ ولا فى الكسرة ولا ما بتعرفيهن ديل كمان بتاكلى بس ولا شنو؟؟؟؟؟؟؟؟؟؟؟؟؟ ولا دايرة تقولى برضو ما بتاكلى الكسرة ولا بتشربى الابرئ
(مطرق) يعنى حطب (كليقة ) حزمة من الحطب (الوابور) البابور (محرات الدكس) يعنى محراث له اطارات مستديرة يلحق بالوابور ويعمل على تقليب التربة لمسافة قد تكون 60 سنتم حتى يستفيد النبات من التربة الداخلية الغنية بالاملاح المعدنية لان التربة الخارجية تكون قد نفدت من الاملاح المعدنية وبالتالى لابد من استخدام هذا (الدكس) لاستبدال التربة

~~العدسى~~ : نبات من فصيلة البقوليات ارتفاع 150 سنت له اوراق عريضة وقوية وكثيفة اما الساق يكون دايم الخضرة يستعمل كوقود (مطارق ) (الحطب ) ويستعمل فى عملية البناء (سقف ) اما ثماره حب صغير احمر قاتم اللون يسمى (اللـوبـياء) يجفف ثم يحصد واخيرا يباع فى الاسواق الكيلة ب (32 ) جنيه ويستعمل فى عمل (البليلة ) السودانية فى كثير من المناسبات مثل الاعتقاد بان البليلة تدفع البلاء فى شكل صدقات نخرج صحون " البليلة" الكبيرة المشبعة (بالثمن ) مع اضافة السكر وما احلاها خاصة حينما تكون فى حرم الجامع فـيتعطّـر الجـّو برائحة اللـوبـياء الذكـيّة بحـبيبات القـمح و العدسي

وهناك انواع كثيرة من اللوبياء _ لوبياء عدسى / (عفن ) كما يظهر فى الصورة تقريبا / لوبياء القيزان وهو ابيض اللون / والحنيطير /
وفى المثل ( المشتهى العفن يندفن والمشتهى الحنيطير يطير )

ياعالم فهمتو ؟؟؟؟؟؟؟؟؟؟؟ ولا لسع خريبكة ؟؟؟؟؟؟؟؟؟؟؟؟؟؟؟؟؟؟؟

[quote]

اقتباس :

العلاقة بين القفة والكيس كلاهما مكمل لبعض ولكن الكيس افضل من وجهة نظرى انا لانو يمكن يكون بحجم صغير ومابيشيل كتير

[/quote]

الكيس يا ود عجيب فيه ثغرات كثيرة ممكن ما تملاه وتجيب نصه وعندما تصل البيت تعمل فيه خرم بسيط وتقوم عامل فيها زعلان وتقول شوفو الكيس انقده ووقع الكبدة وام فتفت ولحمة الشية وتقوم الماكنة تمشي فيهم اما القفة دي لا بتنقد ولا بتنشرط والله الا تولع فيها نار0

اقتباس :

مرة انا مشيت السوق ولقيت الاسعار مولعة نااااااااااااااار فقط الرخيصة كانت الطماطم والعجور قمت اشتريت نص (صفيحة طماطم ) وقريب نص (شوال) عجور والباقى خلوهو فى سركم !!!!

الظاهر كانت عندكم سماية يا ودعجيب

قصة القفة دي ذكرتني موقف حصل لينا فى البيت طبعا ظهرت من زمان موضوع home delivery انه فى ناس عندهم كواروا صغيرة يوصلوا بيها اكياس وقفف السوق الى المنازل ويفضل رب البيت فى السوق اما ان يكون تاجرا او متسكعا فالمهم جات الكارو الفريق محملة بالاكياس وبدأ التوزيع وكان نصيبنا كيس كبير ضخم فيه ما الذ وطاب من اللحوم والخضروات والفواكه ونحن استغربنا قلنا ياجماعة ود البيه ده صرف القطن ولا شنو فالمهم ما صدقنا وقعنا ليك فى شية الكبدة والمرارة وام فتفت ما خلينا حاجة وبعداك قمنا حلينا بالفواكه الما خمج وبعداك يجي ليك صاحب الكارو شايل ليه كويس صغير قال ده كيسكم رجعوا للناس كيسهم(حصل تبادل ولخبطة فى التسليم) وكان على ما اعتقد حق الجيران فقلنا له والله بعد ده النقر ما يرجعو0

دعنى افتئك فى هذه المشكلة العويصة دى وما تنسى عندك محامى قوى جدا
تبدا المرافعة
الفاضى : سيد الكارو انت يازول ماعارف الكيس ما حق ناس ود البيه !!!!!
سيد الكارو : لا طبعا والاكياس عندى كتيرة
الفاضى : انت كان تعمل علامات على الاكياس
الفاضى : ود البيه انتو ما عارفين الكيس ده حق منو ؟
ود البيه : لا والله : وانا زاتى ماحضرت ديل الاولاد (الضربو كيسكم التقول ضربو خزنة الدولة )
الفاضى : خلاص تدفعو للناس الفرق ؟
ود البيه : على الطلاق ما ادفع ولا جنيه واسع دى كان جانا كيسك انتا زاتو غنمايتى تضربو والله قال فرق
الفاضى : حكمت المحكمة حضوريا على سيد الكارو باتنين كليو لحمة ضان واتنين كيلو لحمة بقرى وواحد كيلو كبدة تلاتة امتار (كمونية) وام فتفت بالفين ونص كيلو كبدة ابل
سيد الكارو : ياجناب القاضى انت ازول بتعوض سااااااااااااى الحاجات دى والله كان فرمتنى انا زاتى ما تلقاها الحاجات ما حقت الزول سيد الكيس هو كلو كلو عندو نص كيلو بقرى وليمون بتلتموية وكيس فول مدمس تقوم تخت فوقى الفرق ده كلو
الفاضى: واتعابى انا وين ؟؟؟؟؟؟؟؟؟؟؟؟؟؟؟

ياودعجيب اليوم الشايل العجور والطماطم شكل اليوم العزمتنا الغداء وعملتنا سلطة عجور مع الطماطم -وعجور ساده -وعجور محشي وكانت صينيت صفره مكتمله من عجور وطماطم وجبه نباتيه .

ايوة بالضبط وماشاءالله عليك زاكرتك كبيرة 8 قيقا ياهو اليوم زاتو يوم ضبحت ليكم عجور لانو انا كنت نباتى

قمت بدري صحيت في عجل
وعست كسري مليت التقل
ورحت أكابس أكوس في الحِلل
وجيت صنقر أحش في البصل
وريحتي ريحـة طير الرخم
وقمت جاري وأخم في الفحم
عيني سـايلي ونفسي إنكتم
كلـو للـدوبال آ السجـم
راجـي جيتك وربع اللحم
جيتني فاضي قفيفتك عـدم
مزرزرني انا في شنو ..؟
تشنفني أنا في شنو ..؟ والكلام ده منقول ماحقى يابهيج ماتقول لى نزار قبانى

ده شكل من اشكال القفة اما اليوم صارت هذه لقفة لها مآرب اخرى مثل الزينة ولزوم الموضة واصبح ليس لها ميزة القفة البتخوف واظن الصورة التالية صورة لقفة (حنكوشة ) ولا شنو ؟؟؟ قايتو انا نظرى ضعيف كدى شوفوها دى قفة ولا جنى (ولد) قفة

بالمناسبة اكبر خطا ارتكبته المحليات هو منع الاكياس فكان لابد من تغيير مكونات صناعتها حتى تتوافق مع بيئة السودان اما منعاها نهائيا بدون وجود اي بدائل فهي مشكلة اكبر من منعها والقفف دي ممكن تستخدم فى الريف عادي لان المسافة بسيطة بين المنازل والسوق ولكن واحد يشيل قفة من الخرطوم من الخرطوم لام ضريوة فاكيد سوف تكون الاشياء التي فيها غير صالحة للاتهلاك الآدمي0
قال قفة قال؟؟

ود عجيب يا عجيب حيّاك الله ... مواضيعك قُفف لكن نسوى شنو نرد عليك مجبورين .
لكن آآود عجيب القفة حقة الناس المرتاحين ناس القروش وناس البندر ... وبشيلنها النسوان فى البندر لأنهن هن البمشن السوق أما نحن ناس قريعتى راحت بنشيل فى الخُرج (بتعرفوا أنا عارفك ) ولا أكان إثقفنة تبْ الكيس المسونو من شوالات الملح .
هسى آآود عجيب آآخوى تعال النسعلك مسعول من الخير امانة فى زمتك قاعد تشيل ليك كيس للسوق البوبار ليك شنو ماتكضب على الزريقة وتخمها متين قاعد تشيل ليك كيس قال كيس !!

العجب اخوى لو ما قاعد اشيل كيس اشيل شنو؟؟ اشيل جرايد !!!!! يعنى انت اظنك ليك زمن وماالاقيتنا هازول الناس كبرت والهموم كترت حررررررم الكيس زاتو فيه كلام بعد كده الواحد الا يشيل ليه (خرج) زى ما قلت
الناس ماشاءالله ساكنة ام ضريوة الظاهر عليهم عشان كده ( بتدلعو فينا) !!!!!!!!!!!!!!!!؟؟؟؟؟؟؟؟؟؟

ام ضريوه هى دي زاتها وين لمن اسكنها انا سامعه بيها قالوا جنب الكدرو وهي دي زاتها احسن منها تسكن عشوائ

الاخت زرقاء ام ضريوه معروفه وعدم المعرفه ليس حنكشه بلعكس جهل بالشي ثم التريق يجب الاتكون وفهمك للعشوائيه فهم خاطي الكثير يفهم العشوائيه عدم الانتظام ولكن العشوائيه هي النظام والترتيب فعليك الرجوع الي المراجع التي تخص مادة الاحصاء تجدي معني العشوائيه ومعرفتها بوسع أوالرجوع لودعجيب.

لا يا بهيج العشوائيه هي عدم انتظام randam ومعروفة الكلمة دي للجميع وهي تطلق للسكن العشوائ او يقول ليك بهيج وصاحبه ديل عشوائيين اي غير منظمين وحياتهم تقوم على العشوائية واذا كان غير ذلك فهات الادلة التي تثبت ذلك

زرقاء اليمامة كتب:: لا يا بهيج العشوائيه هي عدم انتظام randam ومعروفة الكلمة دي للجميع وهي تطلق للسكن العشوائ او يقول ليك بهيج وصاحبه ديل عشوائيين اي غير منظمين وحياتهم تقوم على العشوائية واذا كان غير ذلك فهات الادلة التي تثبت ذلك

Random

صراحة يا بهيج اول مرة اسمع انو العشوائية تعني النظام
العينة العشوائية في الاحصاء اوخطوط الانتاج هي العينة الماخوذة بدون نظام او دون اسس ثابتة يعنى ليس هنالك قواعد تحمهما ( ولو ما خاف الكضب اقول ليك انو هنالك علاقة وطيدة بين العشواتئية والهمجية) وكلتا الكلمتين تنافي النظام ولا اعتقد انه سيسر لك بال اذا قلنا بهيج عشوائي
sorry طلعنا برة الخط ود عجيب بقطع اضنينا لاننا قطعنا اضان القفة اقصد قطعنا عليهو موضوعو
مع خالص الود
Rainbow

[quote="هشام السريحه"]

زرقاء اليمامة كتب:: لا يا بهيج العشوائيه هي عدم انتظام randam ومعروفة الكلمة دي للجميع وهي تطلق للسكن العشوائ او يقول ليك بهيج وصاحبه ديل عشوائيين اي غير منظمين وحياتهم تقوم على العشوائية واذا كان غير ذلك فهات الادلة التي تثبت ذلك

Random[/quote
شكرا على التصحيح ولكن هي غلطة مطبعية ليس الا

زرقاء اليمامة كتب:: لا يا بهيج العشوائيه هي عدم انتظام randam ومعروفة الكلمة دي للجميع وهي تطلق للسكن العشوائ او يقول ليك بهيج وصاحبه ديل عشوائيين اي غير منظمين وحياتهم تقوم على العشوائية واذا كان غير ذلك فهات الادلة التي تثبت ذلك

ها جماعة العشوايئة كيف اكتر من شتارتكم دى البوست فى وادى وناس العشش فى وادى ؟
نحن فى شنو ؟؟؟ ودولى فى شنو ؟؟؟؟؟؟؟؟؟
وهذه ملاحظة خطيرة جدا اتكررت اكتر من مرة فى كذا بوست والناس البنظرو ديل هم اكتر ناس (عشاء ) وئئئئئئئئئئئئئئئئئئئئئئئئئئئن (متقوقعييييييييييييييييييييييييييييييييييييييييييييييين ) كوكايييييييييييييييييييين

جدعه : ديك (خالى الغداء ) كان مسطول طلع الشجرة ياذن قال (كوكائئئئئئئئئئئئئئئئئئئئئئئئئئئئئئئئئئئئن )!!!