| هذا البوست للامثال الشعبية | |
|
+8Rainbow Maissa ابو تسنيم هشام السريحه Admin Sheikh Abdul Rehman abu Jasim ودعجيب 12 مشترك |
|
كاتب الموضوع | رسالة |
---|
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: هذا البوست للامثال الشعبية الأحد أغسطس 03 2008, 16:06 | |
| اقترح هذا البوست للامثال الشعبية وكل من يجد مثلا ويعرف معناه ان يضيفه ويضيف المعنى
وانا حافظ لى كم مثل كده اريد ان افتتح بها هذا البوست
1_ ربنا رب العطاء يدى البرد على قدر الغطاء _ وده ما اظنو عايز تعريف _ ولا شنو؟ 2_ ابو القدح بيعرف محل عضية اخيو _ وهنا عندنا وقفه يعنى اى اتنين يكونو اخوان بكونو عارفين اسرار بعض وهكذا قيل( أحبب حبيبك هونا ما عسى أن يكون بغيضك يوما ما ) وارجو ان اكون وفقت . 3_ لصيق الطين فى الكرعين ماببقى ليك نعلين _ وده معناهو لو لم تكن تملك على شئ فهو ليس لك وهنا ا مثال ارجو من الاخوة تعريفها تعريفا جيدا والبجيب المعنى الصحيح ليه عندى بطيخة صيفة!!!!!!!
4 _ ام جركم ما بتاكل خريفين _ ما المقصود بهذا المثل ؟؟؟؟؟؟؟؟؟؟ 5 _ سهر الجداد ولا نومو؟؟؟؟ ما المقصود بهذا المثل ؟؟؟؟؟؟؟؟؟؟؟؟ | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: هذا البوست للامثال الشعبية الأحد أغسطس 03 2008, 16:58 | |
| احييك اخ منتصر على الشعبية دي واديك حاجات انا معزب بيها اخونا هنا غير السودانيين .
1/ البتبلبل بعوم . 2 / السواي مو حداس . 3 / التسوي كريد تلغا في جلدا . 4 / الخيل بجغلب والشكر لي حماد . 5 / حلاوة التوب رقعتو منو وفيهو ..
والله شكلي ما قصرتا . | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: هذا البوست للامثال الشعبية الأحد أغسطس 03 2008, 18:33 | |
| الباب البجيب الريح سدو واستريح
الماشاف البحر تخلعوا الترعة
المال تلتوا ولا كتلتوا
القلم ما بزيل بلم
القرد في عين امه غزال
سمح الغنا في خشم سيدو
الولادة صغرة والمشي صباح
قلبي على جناى وقلب جناي على حجر
درب السلامة للحول قريب
تعيس الحظ يلاقي العضمة في الفشفاش
البيرقص ما بيغطي دقنو
بليلة مبشر ولا زبيحة مكشر
الما كلوا الدبيب يخاف من جر الحبل
الخير في الملعون زي الشرة في القندول
الجمرة تحرق الواطيها
المايهدي الكريم تعبان
البفكك من اكل التوم قل اكلو
الراجل افجخي بصلة قبل ما يبقي اصلة
رزقاً تكوسلوا ورزقا يكوسلك
ــــــــــــــــــــــــــــــ كفاية دة الحد الائتماني انتهى ــــــــــــــــــــــــــــــ | |
|
| |
Sheikh Abdul Rehman مميز
عدد الرسائل : 99 المدير العام : 0 تاريخ التسجيل : 09/04/2008
| موضوع: رد: هذا البوست للامثال الشعبية الأحد أغسطس 03 2008, 18:57 | |
| والله يا منتصر دي اطلالة منك جميلة جدا
لكن حكاية ام جركم دي الا افسرها ليك محمد سليمان
والجداد سهرو ولا نومو في مثل قريب منها امكن اكون نفس المعنى
وهو بقول : عدوك سهرو ولا منامو يعني لو عندك عدو وقادر تخليهو
اسهار ولو بي اي حاجة اعملها احسن من تخليهو نايم مرتاح والله اعلم
وبضيف ليك ايضا:
عيب الزاد ولا عيب سيدو
ادهو البت طمع في امها
ان ما حلاك الصح الكضب ما بحلك
بجي الخريف واللواري بتقيف
الفولا بتتملي والبقارة بتجي | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: هذا البوست للامثال الشعبية الأحد أغسطس 03 2008, 19:00 | |
| _ - اقتباس :
- ام جركم ما بتاكل خريفين _ ما المقصود بهذا المثل ؟؟؟؟؟؟؟؟؟؟
النعجة العندها ابنيني بتموت وما بتلفى خريف السنة الجاية | |
|
| |
هشام السريحه
عدد الرسائل : 1399 العمر : 48 الموقع : الإمارات العربية المتحدة-دبي P.O.Box 122038 Dubai-U.A.E المدير العام : 0 تاريخ التسجيل : 23/04/2008
| موضوع: رد: هذا البوست للامثال الشعبية الإثنين أغسطس 04 2008, 06:47 | |
| ود عجيب ما أروعك و انت تأتي بما يحرك عقولنا و يمتع نفوسنا، حقيقة الفكرة أروع من أن يعلق عليها، ومشاركتي بها مثل لا أدري قالها أحد أصدقائي وربما يكون مثل قديم و قد يكون إستحدثه: وقيع الله ما بترفع، وما خلق لكي يزحف لا يطير أبداً. | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: هذا البوست للامثال الشعبية الإثنين أغسطس 04 2008, 08:24 | |
| احى اخوان ابوجاسم والشيخ عبد الرحمن والادمن وهشام على الاطلالة الحلوة والمرور السلس الجميل وعلى الاضافات التى لم اكن اتوقعها وبالذات من ابو جاسم وانا كنت مفتكرو الزول ده مابيعرف شئ فى الشعبيات دى لكن الزول طلع داهية وبغرف اكتر مننا كلنا والامثال التى اتى بها كافية وفيها امثال اول مرة اسمع بها وبالجد حلووووووووووووة واحيييييك ابو جاسم واحى جزوة الشعبيات التى فيك _ سنة يا انا سنة يا ابو جاسم اتاريك كامن لى بشيتن كتر ما انا وانت لفينا الموانى بالقطارات والمطارات والسفن الاخ الشيخ مشكور جدا على المرور والاضافة الحلوة دى(ادهو البت طمع في امها) والله ده حقيقة طماع والطمع ودر ماجمع _ واخر البضاعة للمرة الطماعة _ (ومعليش للهترشة دى ) وده انبهار فقط لروعة التعليق يا الشيخ _ زى تقول ياداب عرفت الاندهاش !!!!!!! وسهر الجداد ولا نومو دى قربت من الصواب قاب قوسين او ادنى من المعنى الصحيح اما الاستاذ بساطى مشتاقين للفرفشه بتاعتك دى وبعدين ياسيدى (النعجة العندها ابنيني بتموت وما بتلفى خريف السنة الجاية) انا والله قايلو مثال جديد _ عل وزن _ النعجة العندها ابنينى بتموت وما بتلقى حنينى _ مشروع جيد لاختراع وتركيب امثال يابانية وتيوانية !!!!!!!!!!!!!!!!!! الاخ هشام الروعة منك وليك وين تمش ؟؟؟؟ وقيع الله ما بترفع، وما خلق لكي يزحف لا يطير أبداً_ ما مشكلة لو استحدتثه مامشكلة لو طوعته وما مشكلة لو شكلتو المهم يكون تجميع (دبى ) وسنة يا دبى الله الله تقصد شنو؟؟؟ ماعرفتها بس ممكن اقول تجربة خطيرة جد واجتزتها _ الا باكر لما ترجع انا بحكى ليك عن الحصل كلو وشماااااااارات كتيرة جدا اما بخصوص الاضافات الجديدة _ فيمكن ان اقسم بعض الامثال لبعض اجزاء السودان وخاصة الغربى منها (بجي الخريف واللواري بتقيف
الفولا بتتملي والبقارة بتجي _ والخاصة بالاح الشيخ
الما كلوا الدبيب يخاف من جر الحبل / ابو جاسم
الولادة صغرة والمشي صباح / ابو جاسم
الراجل افجخي بصلة قبل ما يبقي اصلة / ابو جاسم
التسوي كريد فى القرض تلغا ه في جلدا/ ابو جاسم
حلاوة التوب رقعتو منو وفيهو ../ ابو جاسم والله ده احلى مثل وحقيقة دى دعوة لرتق النسيج الاجتماعى وشوفو ياجماعة حلاوة التوجيهات والقيم البتضمنها امثالنا الشعبيية المتوارثة والمتواترة عشان كده انا اقترحت هذا البوست ولكم محبتى
ولسه ما عرفتو لى الامثال بتاعتى معناها شنو ؟؟؟؟؟؟؟؟؟؟؟؟؟ | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: هذا البوست للامثال الشعبية الأربعاء أغسطس 06 2008, 16:52 | |
| العريجاء لمرواحها البتسوي كريت تلقى فى جلدها المشتهي الحنيطير يطير | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: هذا البوست للامثال الشعبية الأحد أغسطس 10 2008, 19:11 | |
| البكاء بحرروا اهله هذا المثل يقال عندما يكون هناك امر هام وجامع مثل موضوع رابطة السريحة او موضوع مدرسة السريحة فاذا اصحاب القضية والاهل لم يقوموا بدور فاعل فلا احد غيرهم يقوم بذلك | |
|
| |
ابو تسنيم
عدد الرسائل : 17 المدير العام : 0 تاريخ التسجيل : 10/06/2008
| موضوع: رد: هذا البوست للامثال الشعبية الأحد أغسطس 10 2008, 21:28 | |
| | |
|
| |
Maissa
عدد الرسائل : 22 العمر : 41 الموقع : united kingdom-plymouth city المدير العام : 0 تاريخ التسجيل : 01/08/2008
| موضوع: رد: هذا البوست للامثال الشعبية الإثنين أغسطس 11 2008, 12:13 | |
| الموضوع دا رهيب جدا وثقافة شعبية لاحدود لها..انت دايما بتدهشنا يااخ عجيب اتمنى ليك المزيد من العطاء.... والله ماخليتو لينا مثل نقولو لكن بستحضر البعض منها: مد رجلك قدر لحافك سفرا بالايد مابعيد البتسوي بايديك بغلب اجاويدك الجاتك في مالك سامحتك اهلك قبلي ماتهلك الطشاش في بلد العمي شوف اسمع كلام الببكيك ما تسمع كلام البضحكك المابتلحقو جدعو حلم الجعان عيش | |
|
| |
Rainbow مميز جدا
عدد الرسائل : 145 العمر : 51 المدير العام : 0 تاريخ التسجيل : 23/07/2008
| موضوع: رد: هذا البوست للامثال الشعبية الإثنين أغسطس 11 2008, 13:41 | |
| الجمرة تحرق الواطيها : يعني ما بحس بي الوجع الا سيدو الممطورة ما تبالي من الرش : ده شبيه بي مثل او جاسم البتبلبل اليعوم البعد ولا اللاد ام سعد: ان كن الابتعاد يجنك المشاكل فهو افضل من المكان القريب وفيهو مشاكل عينك للفيل تطعن في ضلو : تترك اصل الموضوع وتذهب لفروعه او للاشياء التي لا علاقة لها بالامر ايد على ايد تجدع بعيد : العمل الجماعي والوحدة ود البدري سمين : ورك لامتي في بكورها الناس في شنو والحسانية في شنو : الانشغال بتوافه الامور عن قضية جوهرية ود الفار حفار : ابن الوز عوام بالمصري باب النجار مخلع : زي البكتلو العطش جنب النهر لو داير تنعنعش زور منتدى السريحة وفرفرش : ده تفسيرو بخلي ليكم انتم يااحبابRainbow | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: هذا البوست للامثال الشعبية الإثنين أغسطس 11 2008, 17:36 | |
| بخيت شكروه قال داك شهر تانى قيل أن عبدا اسمه بخيت رأى بين جماعة هلال رمضان دون غيره واراهم اياه فشكروه وشهدوا له بقوة الإبصار فاغتر بالشكر وقال داك هلال تانى ، يضرب لمن يدعى معرفة الشئ اكثر من الواقع المعتاد بركة الكلام في قلته يعنى الكلام أحسنه ما قل ودل الجاياك ما بتختاك المقدر لك لابد أن يصيبك حساب ولا كوار حاسبني بنظام وزن أو كيل أو تقدر بإجمال والكوار معناه فرض ثمن للسلعة جمله الحساب ولد أي الحساب كالولد لا ينسى يضرب عند المغالطة في الحساب إذا حضر الماء بطل التيمم معناه إذا حضر الأصيل ألغي الوكيل الحلفك كتلك والشكاك عاداك الذي حلفك فهو عرضك للموت والذي شكاك إلى الحكام تعرض إلى معاداتك الحوت ما بهددوه بالغرق يضرب بعدم المبالاة بالوعيد خت الخمسة فوق الاثنين ضع أصابعك فوق شفتيك – يضرب للأمر بملازمة الصمت إن جاتك في مالك سامحتك وان جاتك في نفسك بكتك إذا رماك الدهر بمصيبة في مالك فقد سامحك بالنسبه في جسمك أو ابنك أو عرضك إن جنك ضررين شيل الأخف إذا عرض عليك أمران مخيفان فأختر اخفهما ضررا اسمك خصمك يا علمك الدغاله يا علمك الهباله يعنى من وافق اسمه اسمك وكان معك في مكان واحد ونادى مناد بذلك الاسم فأما أن تجيبا معا فيكون المقصود الاخر فهذا من الهبل واما أن تسكتا معا فيكون سكوتكما عدم مبالاة وهذه الدغاله اصله مارق في الربا والتلاف اصله هنا بمعنى حقيقته الربا الحرام والتلاف الحساب ومارق خارج ومعناه كل أمر حاضره حرام ومصيره حساب اللعور وسط العمى يقدل الأعور يقدل في بلد العمى (يتبختر)يضرب لمن يكون فيه نقص خفى في الأخلاق فينصح من يجاهر بذلك النقص أو يكون به عيب حقيقة في شكله فيسخر ممن يكون به ذلك العيب اكبر مما فيه الأسد ما كتل مرته يضرب تطمينا للمرأة التي تخاف صحبتها لزوجها احتيالا عليه أو تطمينا له واصله إن الإمام على جاءه إعرابي شاكيا زوجته بأنه كل ما جاءها صاحت : قتلني قتلني فقال اقتلها وديتها على ختوه غرض تخاصموا حتى صار الكلام بينهم في مرارة القرض اسمع كلام الكبير و لو كان اسمع كلام المسن وان لم يكن زو جاه أو مال أو سلطه فأن تجاربه لا تخلو من سلطه ابلم مو شقي شقي البتكلم معاه الابلم هو الذى لا يفهم و لا يفهم فهذا الابلم لا يتعب فى محادثته وانما يتعب محادثه فى حالتى الفهم والتفهيم وتفهيمه صعب لضعف عقله الابوه إت ما محتاج لخال قال احمد بك ابوسن لولده علي وهم على الطعام أعط ماعون ألا يدام لأخيك عبدالاله لان خاله كريم فأجابه الذي أنت والده لا يحتاج لخال – يضرب في معناه مباهاة بحسب الوالد أبوك أمير وأبوي أمير مين بسوق الحمير أبوك أمير وأبى أمير فمن منا يسوق الحمير أي من منا يخدم صاحبه – يضرب للمتكبرين الذين لم يتفضل إحداهما بأخذ الفضل والخضوع للأخر أرجى سفيه و لا ترجى باطل انتظر السفيه ليعقل ولا تنتظر الباطل لينعكس ( السفيه من يصرف أمواله في ملذاته و لا يلتفت إلي واجباته الدينية والادبيه أما الباطل فهو الذي يكون عالة على غيره ) خربانه من كبارها حالة العداوة والبغضاء الظاهرة في الصغار موروثة من آبائهم وأمهاتهم خلى خشمه ملح ملح ترك عذوبة ريقه مالحة من خجل او وجل خلى ريحته طير طير ترك رائحته تشبه رائحة الطيور والمعنى أتعبه وضيق عليه – يضرب للفخر الممزوج بألشماته الخواف ربى أولاده الذي يخشى العواقب تطول حياته فيقوم بتربية أولاده بدنا بالغذاء وعقلا بالتعليم – يضرب في الحذر من التورط في المخاطر الخيروه حيروه من خير بين أمرين متساويين أوقعوه في حيرة لان المتساويين يصعب التمييز بينهما الخير تجقلب والشكر لا حماد الخيل تجرى بين كر و فر فى الحرب والنصر ينسب لحماد حماد هذا من أولاد عبد الله جماع كان رئيسا لمنطقة العبدلاب دخانكم يدخن وجوعكم يمحن ترى الدخان من المطبخ و تشم الرائحة والدار يعمها الجوع بظهور اثره على اجسام افرادها وشكاوى ضيوفها دمع ألحن بيقيف ودمع النفع سريف يبكى ذو الرحم والصديق على الفقيد فيقف دمعه ويبقى ذو المنفعة جاريا دمعه وقتا أطول الدين لو درهمين يسود الخدين تأكيدا لحكمة الدين هم باليل وذل بالنهار الذوق يخلق في الاطباع لا يشترى و لا يباع من لم يوجد زوق في تكوينه لا يحصل عليه بالشراء مهما كثر ماله – يضرب لمن لا يأتى بالأمور على مقتضاها بل هو كثير الشذوذ في أعماله ومعاملاته راحت شمار في مرقه ذهبت بلا فائدة كما تذهب فائدة الشمار عندما يوضع في المرق يضرب تحسرا | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: هذا البوست للامثال الشعبية الإثنين أغسطس 11 2008, 19:06 | |
| * الواقعة من السما بتحملها الواطا * العود كان مافيه شق مابقول طق * اب سنة بضحك على اب سنتين * القفة ام اضنين بشولوها نفرين * جارك القريب ولا ود امك البعيد * النسيبة عين شمس * الصابر يعرس مرة راجل * قلِ العروض جفا * الزارعه الله فى الحجر بتقوم * حلم المطلقة فى الرجوع * بليلة مباشر ولا ضبيحة مكاشر * بيت الجدرى ولا بيت النقرى * الكحل مابنفع فى العين الحجر * الماشفتو فى بيت ابوك بخلعك * الشينة منكورة * الواضح مافاضح * العرجة لى مراحا * سيد الرايحة بفتح خشم البقرة * الببارى الجداد بوديهو الكوشة * المرة بدقوها باختها * الماعندو لسان فقرى وفلسان * فى الوش حبايب وفى القفا دبايب * سمحة البتعرّف * البرقص مابغتى دقنو * الماعندو ضهر بينضرب على بطنو * عيب الزاد ولا عيب سيدو * السترة والفضيحة متباريات * البحر بشيل عوامو * العترة بتصلح المشيه | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: هذا البوست للامثال الشعبية الثلاثاء أغسطس 12 2008, 12:06 | |
| اولا وقبل كل شئ انا بعتذر عن الغياب الطال والغياب ما بمرادى ياخوان وعكة وزالت انشاءالله ما يصيبكم مكروه واشكر لكم مروركم واثراءكم لهذا البوست المتواضع مشكورين ابو تسنيم وابوجاسم وبقول ليك يابوجاسم ماخليت لينا حاجة نكتبها يعنى كملت الامثال عدييييييييييل كده يا ابوجاسم بس فى مثل جديد ما اظنك سمعت بيهو (الطمبالة افعالهم بطالة ) وانا زاتى ما عارف المقصود شنو ياطمبل اقصد يا ابو جاسم بالمثل ده . الاخوان ابوتسنيم (ابو النسب ) والاخت ميساء لكم جزيل الشكر على المرور السلس والدهشة وين ؟؟؟ فى انو تجينا امثال حللللللللللللوة زى دى(الجاتك في مالك سامحتك) من بلاد العم سام والله قمة الروعه والاخ رنمبو انت دايما حضورك بهى وليهو نكهتو الخاصة احييك واحى فيك هذا النضال ياجميل ابو تسنيم مرحب بيك مليون مرة والف دشليون مرة اخرى من السريحة ومن قلبى صفي النية ونوم في البرية_ النية زاملة سيدها _ | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: هذا البوست للامثال الشعبية الجمعة أغسطس 15 2008, 00:01 | |
| - Maissa كتب:
- الموضوع دا رهيب جدا وثقافة شعبية لاحدود لها..انت دايما بتدهشنا يااخ عجيب اتمنى ليك المزيد من العطاء....
والله ماخليتو لينا مثل نقولو لكن بستحضر البعض منها: مد رجلك قدر لحافك سفرا بالايد مابعيد البتسوي بايديك بغلب اجاويدك الجاتك في مالك سامحتك اهلك قبلي ماتهلك الطشاش في بلد العمي شوف اسمع كلام الببكيك ما تسمع كلام البضحكك المابتلحقو جدعو حلم الجعان عيش ما شاء الله يا مايسا انا اول فاكراك بت خرطومية وما بتعرفي كلام اهل العوض ولكن طلعت بت سريحة اصيلة | |
|
| |
Rainbow مميز جدا
عدد الرسائل : 145 العمر : 51 المدير العام : 0 تاريخ التسجيل : 23/07/2008
| موضوع: رد: هذا البوست للامثال الشعبية السبت أغسطس 16 2008, 11:42 | |
| زرقاء سكن الانسان لا ينسيه اصله ومن يسكن القرى ليس بالضرورة ان يكون من اهل العوض(بمعناها المتعارف عليه حاليا) البروف عبد اللطيف البوني لو مريتي اللعوتة الخميس والجمعة بتلقيهو في طين الحواشات لي نص كرعيهو ولو تابعتي الجرائد والتلفزيون والمنتديات الثقافية تجديه على قمة الهرم وغيره كثر اهم شيء الانسان يكون مقتنع بي اصلو ومعتز بيهو ولا ينبهر ويقلد كل جديد او يكون سريع التاثر بالبيئة التي ينتقل اليها خاصة السالب منها حتى لايضيع ويفقد هويته ( لا يلم في بلح العوض ولا عنب الحضارة)،،،مع محبتيRainbow | |
|
| |
افكار
عدد الرسائل : 28 المدير العام : 0 تاريخ التسجيل : 23/06/2008
| موضوع: رد: هذا البوست للامثال الشعبية السبت أغسطس 16 2008, 13:50 | |
| عدنا
الله يديك العافية يا استاذ منتصر انت رائع وكلامك بريح الاعصاب وانا طوالى بدخل عشان اقراء ليك كلامك دائما كلام اولاد البلد وحقيقة الناس بتجى المدن وبغشها بريها وينسيها هى كانت كيف وشوف اسع امثالك الحلوة حتى اختنا ميساء ربنا يحفظها فى غربتها وانا من هنا بقول ليها معليش يا اختى طولنا ما دخلنا الحوش الواسع منتدى السريحة ورحبنا على العموم انتى فى بيتك واحييك على الامثال الذكرتيها وده يدل على حسن معدنها مع انها هى فى لندن بتعرف البلديات دى ومشبعة ماشاءالله بارثها وحضارتها الجميلة يعنى كان ديل ناس تانين كانو اتفخشرن وعوجن خشيمهن. الله يكون فى عونن مثلا زى حاجة نفيسة المعانا هنا دى شغالة فى الناس وهى ما نااقشة اى حاجة تلت التلاتة كم ما عارفاهو !!!! بوبااااااااار فى الفاضى وانت يا الازرق ضميرك وهاكم المثل ده دخل القش وما قال كش
ونحن بقينا فاااااااااااااااضين لقديد الاضنييييين | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: هذا البوست للامثال الشعبية الأربعاء أغسطس 20 2008, 02:46 | |
| انت يا اختي افكار رجعتي متين حمد الله على السلامة والامتحانات كيفنها ان شاء الله ما تكوني ربتي --------------------------- الجن جن بت الفقداب العاست عجينها فى الجدول هذا المثل دائما كانت امي زمان زالني بيه كلما اعمل لي حاجة فىها خرمجة تقول لي (الجن جن بت الفقداب العاست عجينها فى الجدول) وكانت مرات تلقاني مشعلقة فوق شجرة النيق عن ناس خالي ومرات يجو شفع يشتكوا ليها بانني دقيتهم وكل مرة تقول ها بنت انت بقيتي كمان تدقي الاولاد00 الجن جن... وهكذا مع كل فعل غير صحيح وقابل للجنون تنتني بهذا المثل وانا ما عارفة المثل ده جابتو من وين؟؟ السؤال موجه لفقدابي ليورينا اصل هذا المثل | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: هذا البوست للامثال الشعبية الأربعاء أغسطس 20 2008, 02:50 | |
| - Rainbow كتب:
- زرقاء
سكن الانسان لا ينسيه اصله ومن يسكن القرى ليس بالضرورة ان يكون من اهل العوض(بمعناها المتعارف عليه حاليا) البروف عبد اللطيف البوني لو مريتي اللعوتة الخميس والجمعة بتلقيهو في طين الحواشات لي نص كرعيهو ولو تابعتي الجرائد والتلفزيون والمنتديات الثقافية تجديه على قمة الهرم وغيره كثر اهم شيء الانسان يكون مقتنع بي اصلو ومعتز بيهو ولا ينبهر ويقلد كل جديد او يكون سريع التاثر بالبيئة التي ينتقل اليها خاصة السالب منها حتى لايضيع ويفقد هويته ( لا يلم في بلح العوض ولا عنب الحضارة)،،،مع محبتيRainbow رينبو ثقافة البلد والبيئة المحيطة هي دائما تؤثر على كل شخص وكونها تكون لسع حافظة الموروث الثقافي فهذا فى حد زاته اجتهاد كبير يحسب لها اهل العوض ديل البوني زاتو منهن مهم ما بنكر ذلك وممكن تكون من اهل العوض وثقافتك عالية جدا ايه المانع من ذلك | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: هذا البوست للامثال الشعبية الخميس أغسطس 21 2008, 13:37 | |
| ياجماعة ما عرفتو المثل البقول (ام جركم ما بتاكل خريفين )؟؟؟؟؟؟؟؟؟؟؟؟؟؟؟؟ والبعرفو ليهو جركماية !!!!!!!!!!!!!!!!!!!!! | |
|
| |
فقدابى1 مميز
عدد الرسائل : 158 المدير العام : 0 تاريخ التسجيل : 02/07/2008
| موضوع: رد: هذا البوست للامثال الشعبية الخميس أغسطس 21 2008, 17:46 | |
| غايتو يا ود عجيب اطيب معناك والبلا ما جاك وتوب العافيه ينشرا فى سماك0 ايدنا فى خشمو واصبعو فى عيينا 0 المى حار ما لعب قعونج 0 فقدابى | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: هذا البوست للامثال الشعبية الخميس أغسطس 21 2008, 18:27 | |
| * البلد المافيها تمساح يقدل فيها الورل
* عينك للفيل تطعن في ضلو.
* مالنا ومال القراية ام دق.
* الكضاب وصلو الباب
* تطلع من بيتك حزين تلقى الفرح وين
* بَـذْرٍٍ بِالْرجـَالْ وَلا َبـَذْرٍ بِالْرمَـالْ
* المرة ان بقت فاس مابتشق الراس. * المرة مرة من الباب ولي ورا . * المرة ان وصلت للقانون ترجع للكانون . مجموعة من الامثال تقلل من مكانة المراة وتستخف بهم وتجعلها كان ضعيف غير قادر علي اتخاز اي قرار وتساهم في نشر وعي مغلوط عن علاقة المراة بالمجتمع والمساهمه فيه . لا اريد ان انفرد بالنقاش وحدي وارجو من الجميع النقاش وخصوصا العنصر النسائي . | |
|
| |
ناندا مشرف منتدى حواء السريحة
عدد الرسائل : 1695 العمر : 43 المدير العام : 0 تاريخ التسجيل : 02/09/2008
| موضوع: رد: هذا البوست للامثال الشعبية الإثنين سبتمبر 08 2008, 09:16 | |
| - Admin كتب:
- _
- اقتباس :
- ام جركم ما بتاكل خريفين _ ما المقصود بهذا المثل ؟؟؟؟؟؟؟؟؟؟
النعجة العندها ابنيني بتموت وما بتلفى خريف السنة الجاية admn ابنينى يعنى مالها؟ | |
|
| |
افكار
عدد الرسائل : 28 المدير العام : 0 تاريخ التسجيل : 23/06/2008
| موضوع: رد: هذا البوست للامثال الشعبية الإثنين سبتمبر 08 2008, 14:56 | |
| يعنى عاملة ما بتعرفيه ايه الحنكشة دى مع انو ما خايلة فيك | |
|
| |
| هذا البوست للامثال الشعبية | |
|