المريخ يتخطى الهلال في تصنيف الاتحاد الدولي للإحصاء الكروي

المريخ يتخطى الهلال في تصنيف الاتحاد الدولي للإحصاء الكروي
تأخر المريخ أربعة مراكز في تصنيف الاتحاد الدولي للإحصاء والتاريخ الكروي (IFFHS) لشهر يوليو والصادر أمس، حيث حل في المركز 114 أفريقياً والثاني عربياً خلف النجم الساحلي والخامس أفريقيا برصيد 106.5 نقطة، فيما تراجع الهلال خمسة وثلاثون مرتبة وجاء في المركز 121 عالمياً برصيد 105 نقطة وأبعد الترتيب الهلال عن قائمة أفضل خمسة أندية أفريقية، الجدير بالذكر أن الاتحاد الدولي يمنح الفائز في مباريات منافسة دوري الأبطال الأفريقي 9 نقاط ، و4.5 نقطة للتعادل ولا شيء للخسارة ، فيما يمنح النادي الفائز في مباريات الكونفدرالية 7 نقاط، 3.5 للتعادل و لاشيء للخسارة.

وكان المريخ قد خاض مباراتين أمام أولمبيك خريبكة في يوليو الماضي انتهتا بالتعادل 2/2 في الذهاب وسلبياً في الاياب، فيما خاض الهلال مباراة أفريقية وحيدة في شهر يوليو أمام ضيفه إنييمبا النيجيري انتهت بفوز الأزرق 3/ 2.

وجاء ترتيب أفضل خمسة أندية أفريقياً:

1_ النجم الساحلي التونسي 65

2_ القطن الكاميروني 71

3_ ديناموز هراري (زيمبابوي) 94

4_ ماميلودي صن داونز (جنوب أفريقيا) 112

5_ المريخ 114

ترتيب أفضل خمسة أندية عربياً:

1_ النجم الساحلي التونسي 65

2_ المريخ 114

3_ الهلال 121

4_ الصفاقسي التونسي 131

5_ الاتحاد الليبي 135

مبروك للمريخاب التصنيفات الجديدة دي

عقبال ما تكون عملية .

عملية كيف يعني والتصنيف دا جاء من غير عمل وتعب ونتائج .
هوي يا هلالاب خلونا من الحسادة دي دا السبب المخلي كورتنا ما تمش لي قدام .

مع فائق الاحترام والتقدير .

ياخي قول كلام منطقي أحسد
اليويفي - انتر - ايسي - البرشا- مان يونايتيد - تشيلسي - ليفر بول
ممكن ومعقوله جداً

أحسد المريخ على شنو ياخي ؟!
مافي زول بحسد ليه زول أقل منو في كل شئ يا عزيزي

كن حذر ما تقول وتجيب لي سيرة الكاسات الفالصو ديل .

ومتــــــــــــــــــــــــــــــــــم

[b]معليش حبيت تستعرض ثقافتك الكروية ولكن أقول وبالفم المليان إنت ما تعرف أي شي عن الكرة لا المحلية ولا العالمية .
في زول في السودان يقارن الهلال بالمريخ ديل أهل الصفوة يا أستاذ ديل حشوك في آخر ماتش ديل جابوا الكاسات من شرق وغرب وشمال الكرة الأرضية ديل ناس العجب المنصف الثامن على العالم في العام الماضي ديل وديل وديل لكن أبو الهل شن سوا ثاني أفريقيا ياخي طخ .
وبعدين في واحد في الدنيا يقول تشلسي والمان والبقية الباقية وما يقول ريال مدريد ، النادي الملكي تسعة أبطال أوربا ( رقم قياسي ) واحد وثلاثين دوري أسباني وأربعة سوبر أسباني وثلاثة إتحاد أوربي واثنين سوبر أوربي ديل ناس زيدان ورونالدو وفيغو وبيكهام وروبرتو كارلوس وراؤول وكاسياس ووووووووووووووووو .

حبيبنا ثقافة شنو البستعرضه على أمثالك انت لا تعنيني بشئ هذا واحد ومعرفتي بالكورة خليها على جنب يكفي أني أرفع الرايه الزرقاء خليك أنته البتعرف عن الكورة المحليه والعالمية .
----- حشوك ------ أها ده كلام ياخي خليك راقي شويه ولا انتو مابتعرفو الرقي
- - - المنصف الثامن على العالم - - - دي شنو ؟ وعلى العالم كمان أما عجائب !!!!!

يا زول استغفر ربك _______ ريال مدريد _________ لاحول ولا قوه إلا بالله
في زول عاقل في الدنيا بشجع ريال مدريد ____ لا بالجد دي كبيرة والله ياهو زيك كده
البرشا وبس +البرشا وبس +البرشا وبس +البرشا وبس +البرشا وبس +البرشا وبس

وبعدين الجماعة القلتهم ديل ياخي باين عليك من زمن حفروا البحر وريني قير كاسياس وراؤول في منو
ياخي تابع كويس وتعال اكتب والناس كلها بتهرب من الريال .........
في الختام مايهمنا الا شئ واحد الموج الازرق مكمم أفواه الاعداء
وخلي ريالك ومريخك ينفعوك

بس تجى سيرة الكورة والكل يفقد المنطق

:D :D :D

[b]يا استاذ أنا بكلمك عن التاريخ ما بكلمك عن الحاضر وبعدين البرشا دي شنو مغلوبة من نومانثيا بتعرف نومانثيا دا فريق صعد السنة دي وبهدلوكم .
ولو كان على الموج الأزرق إن شاء الله إن شاء الله حتغرقوا فيه الليلة وترجعوا لينا أيد وراء وإيد قدام .
وبالنسبة للعجب هو تصنيفه الثامن على العالم كان رضيت ولا ما رضيت والتصنيف دا يا أستاذ جاي من الفيفا ما من جريدة قوون وصلح معلوماتك .
وين هيثم مصطفى من تصنيفات الفيفا ؟؟؟
قال سيدا قال

[quote="ريال مدريد"
ولو كان على الموج الأزرق إن شاء الله إن شاء الله حتغرقوا فيه الليلة وترجعوا لينا أيد وراء وإيد قدام .
وبالنسبة للعجب هو تصنيفه الثامن على العالم كان رضيت ولا ما رضيت والتصنيف دا يا أستاذ جاي من الفيفا ما من جريدة قوون وصلح معلوماتك .
وين هيثم مصطفى من تصنيفات الفيفا ؟؟؟
قال سيدا قال[/quote]

معليش انا ممكن اوريك واناقشك في الكوره المحليه لكن العالميه دي خليها ل ابو جاسم وانا عارفو
بحددا معاك يا اخوي واحسن ليك تنسحب ساكت انته ما قريت ابو جاسم ولا شنو .
هيثم مصطفي (حفظه الله ورعاه)يكفيه فخرا انه كابتن المنتخب الوطني
هيثم مصطفي سيدك خمس سنه علي التوالي ولا نسيت .
هيثم مصطفي سفير النواي الحسنه .
هيثم مصطفي اللعب الوحيد الذي يملك جواز سفر دبلوماسي (فهمتها دي
هيثم مصطفي دا يا سيدي ملك المتاز (حصريا للموج)
والعجب بتاعك دا هيثم مصطفي الكابتن بتاعو (ولا دي فيها كلام )
والله يكون في عونك يا ناس (صابببببببببببببببببببببببببرين)
وبعدين انتوادخلتو التصنيف دا بتين ما هسع دي ولا عشان جديد عليكم صاح
(والما بتشوفو في بيت ابوك بخلعك ).

وتذكر دايما انكم لن تلحقو الهلال وان طال السفر .

شتتتتتتتتتتتتتتتتتتتتتتتتتتتتتتتتتتتره

وسيدا وسيدا سيدا حاجه فريده .......................

يا سيدي نحن عارفين الحاج هيثم مصطفى كابتن الفريق لأنه عمره خمسة وأربعين سنة وهذا لا يعني أنه أحسن مني أنا بسأل عن دوره في المنتخب .
بالله عليك سوا شنو مع المنتخب ؟ جاب ليه قون واحد ، صنع ليه هدف والله واقف ساكت المهم مكمل العدد وفي أمم غانا والله فضحنا فضيحة ، صانع ألعاب ولا باص صاح ما يطلع من كراعو .
وإنتو لو ما العجب حبيبي دا ما كان مشيتو غانا ولا إي مكان ، لكن الفضل بعد الله تعالى يرجع لهذا الفلتة التي لن يجود الزمان بمثلها . نعم رجعنا إلى أمم أفريقيا بعد غياب ستة وثلاثين سنة بمجهود العجب لأنه هو الهداف مع إنو لاعب وسط ذي الحاج هيثم ولكن وين حاسة التهديف والله زولكم دا إلا يجيب ضربة جزاء ساكت .
والله كاس الممتاز دا بتشيلوه أرزاق بس والله ما عندكم لعب والدليل على ذلك راجع مباريات الممتاز والله مرقتو بي الجلالة وبي بهاء الدين .
وبعدين الجواز دا ما بستحقوا ولا شيء لكن تقول شنو في المجاملات ، والله لو أنا وزير الداخلية أكان أشيل منو الجواز الأول وأدخلوا معسكر السليت بس يقعد يسوي الأكل للمجندين .
الهلالاب فاكينها في الناس بي سيدا ، بالله عليك ما شفتو في كورة المريخ الأخيرة بعد ما غيروه شات قارورة الموية بي زعل والله الشوطة دي لو شاطها في حارس المريخ كان دخلت قون يعني الواد ما رضيان بي التغيير دا ! إنت لاعب شوطين عملت فيهن شنو أدي فرصة لي غيرك .
وآخر حاجة إنت ما تقول كلام إنت ما قدروا ، إنا ولا فخر ما سائل فيك ولا في أبو جاسم بتاعك دا ولو كان على الانسحاب فالانسحاب دا حق الهلالاب وللا نسيت .

يالواثق وابوجاسم شنو شانين هجمات زى هجمات طمبل كده على مرمى الهلال فى اخر مباراة( وبعدين انتوادخلتو التصنيف دا بتين ما هسع دي ولا عشان جديد عليكم صاح) وبعدين ده مين القال ليك نحن جديدين على التصنيف ارجع لعبده الهلالابى بتاعك واسالو تصنيفنا فى العالمى كيف واسالو برضو عن ان المريخ اتخطى الهلال تمانية مرات على التوالى وناشس ابراهومة كانو احتفلو بتوتى وكان الفنان كابلى ورقص الجميع على انغام سكر سكر سكر

واليوم وبالرغم من هزيمة المريخ امام النجم الساحلى بتونس لكن المريخ قدم مباراة لم ولن يحلم ان يقدمها فريق سودانى اوقول شرق اوسط افريقى ليوم القيامة يالواثق وهذا ما اعترف به الاعداء قبل الاصحاب
وبرغم ان المباراة كانت كانت سودانية تونسية الا ان هناك الكثير من الهلالاب احتفل بعد نهاية مهزلة التحكيم الافريقى والذى لايريد للسودانين غير الدمار ففى مباراة الاشانتى طرد سفارى ظلما وبهتانا
وجلدنا التحكيم على بطننا لاننا لانملك الظهر وتم الناقصة بالامس حينما اعدم المريخ بضربتين جزاء ظاهرات للعيان ولم يعطى ولو مجرد انذار للاعب التونسى حينما قذف بالكرة على الارض محتجا على شنو ما عارف اظنو لانو عاين فيه بس
اى ظلم هذا الذى ظل يتعرض له المريخ وبالذات المريخ دون الهلال هل لان المريخ لايتعامل بنفس الصفات الناقصة والتى غالبا ما يتمها الفريق بالاعتماد مثلا على الحكام او الوزراء او شداد تحت تحت كده لله درك يا زعيم الكرة السودانية وياصفوة عاشقى الكرة فى السودان القطر ونسال الله ان يثبت اقدامنا فى مقبل الايام وللان لم نياس ولن يهداء لنا بال فالكرة المجنونة والمستديرة والتى رجعت الهلال للمربع مرة اخرى عن طريق الصدفة لا عن طريق اللعب هى نفسها التى ابت على المريخ ان يتملكلها برغم جاهزية واداء النجوم الكبار والله انا كم تشرفت البارحة برغم الهزيمة المرة تشرفت ان رائت فتية كهولاء يلعبون وباسم فريق سودانى وهولاء هم فتية المريخ الصغير فى سنو بس فات الكبار والقدرو طبعا الكبار هنا فى السن فقط
بالطول بالعرض مريخنا يهز الارض

في البدايه عمر هيثم مصطفي ليس 40كما ذكرت وبعدين لو ما جاب الكبتنيه خدمه يمين وعرق جبين ما في كان حا يدها ليهو وبعدين عليك الله هسع لو جابو راعي الضان في الخلاء وقاليهو الكبير هيثم ولا العجب حا يقول منو(وبركه العجب)ليس من المهم ان تحرز الاهداف ولكن ان تفوز وبعدين عجب القاعد يديهو باص من حرير
ويجيب قون منو مش ولدنا (حفظه الله ورعاه)وفي مقوله مشهوره جدا انو لو مافي طبق ما في اشاره وهيثم هنا يقوم بمهام الطبق والدليل انو في نهايه كاس الممتاز يكون الهداف من الموج الازرق وذلك بفضل هيثم (معتز كبير خمس سنه طمبل سنتين )والله هيثم دا ذاتوا مرات ببالغ عديل كدا يديك باص بمقاس الماني عديل .اما عن كاس الممتاز نحن بنجيبو رجااااااااااااااااااااله كده اذكرك وما اظنك ناسي في السنه الفاتت انته كنته متقدم علي الهلال بفارق 7نقاط بنهايه الدوره الاولي جينا نحن وقتناك ب7 نقاط وفي استادكم نحن اسيادكم (وبا عين يا عنيه)واذكرك انو الهلال في الموسم قبل الماضي فاز بالدوري دون هزيمه(بركه يا ولد)وفي اللقاءت في الدوري الممتاز الهلال فاز علي المريخ 17مباره مقابل 3(قولوا ماشاء الله)
دا انتو من زمن ابراهوما ما زول طلع منصت تتويج للدوري الممتاز(مدد).
وبعدين بهاء الدين دا كان بلعب حارس للشباب السريحه ما كان حارسكم .
اما عن الاخلاق السيئه فلا داعي لذكرها هنا في هذا المنتدي لا تليق بيه فقط اذكرك (هيثم السعودي قبل موسمين).وكان ابيت ولا ما رضيت سسسسسسسسسيدا حاجه فريده.
واما عن الاتسحاب دا موضوع تاني ............................

حا نشرحو ليك وبالمجان كمان عشان خاطر عجبكا............
وما بتلحقونا..................
شتتتتتتتتتتتتتتتتتتتتتتتتتتتتتتتتتره

وكم انته كبير فينا يهلال

المريخ يتخطى الهلال في تصنيف الاتحاد الدولي للإحصاء الكروي 15751610

شتتتتتتتتتتتتتتتتتتتره

ربنا يخفظنا من كل عين

اقتباس :: وبعدين الجواز دا ما بستحقوا ولا شيء لكن تقول شنو في المجاملات ، والله لو أنا وزير الداخلية أكان أشيل منو الجواز الأول وأدخلوا معسكر السليت بس يقعد يسوي الأكل للمجندين .

الله يجازي شيطانك يا مدريد Laughing

التحية لك الواثق الجميل وبعدين أرفع راسك انت هلالابي أصيل
والنعام ديل هم البدفنو رؤوسهم ناس ...... والله اسمهم زاتو حقو ما نذكرو
وبعدين ديل هم شنو واصلهم ايه البتكلمو عن سيدا- المعلم الكبير بافعاله في الميدان
وعليكم الله شوفو الصورة دي والله العظيم بي لعيبة وجماهير الـ.......... كلهم
سيدا واجرك على الله والله أنا لو لي سلطة على لعيبه المريخ أعدام باكملهم حتى
البلاقيه ماشي في الشارع ولابس أحمر أرشو على طول برشاش عقاب ليه
على لبس أسواء الألوان .
بلله عليكم يا جماعة في واحد عاقل في الدنيا يتكلم عن ابن السودان الاول كروياً
عجيبه سمعنا ناس كتير تتطاول على ناس بس ناس تتطاول على أسيادها دي
كبيرة جداً ياخي الصورة تحكي وكلامنا في حق أي هلالابي يرتدي الشعار
مهما كان قليل في حقو رجال والله رجال وبعدين يا الواثق لوكان المدعو ريال مدريد ده
سما أسمو بغير النادي ده كنا نقول ممكن لكن للأسف من شابه أباه ما ظلم
أنديه منحوسه من أساسها لي راسها .
والله غــــــــــــــالــــــــــب * * لا تعر الحاقدين على الكبار اهتمام ومهما
طال العمر ولا قصر يا الواثق نحن أسيادهم بالفم المليان
والماعاجبو يشرب من البحر - المشكله لو مشو البحر برضو بلاقو لونه أزرق
يطيرو وين الجماعه ديل بالله .
عجبـــــــــــــــــــــــــــــي * * * * عجبـــــــــــــــــــــــــــــي

يا هلالاب أنا داير أقول ليكم سر !
والله عمري ما كرهت حاجة أكثر من الهلال والهلالاب لدرجة إني أكمل شعبان ثلاثين يوما حتى لا أنظر إلى الهلال وأصوم رمضان ثلاثين يوما حتى لا أجول بصري في السماء لرؤية هلال شوال وأنا لا أنظر إلى السماء ليلا إلا إذا اكتمل البدر أو كان الظلام دامسا لأملأ ناظري بالنجوم التي تتلألأ .
لماذا كل هذا ؟
لأنه وببساطة شديدة يوم الهلال دا ما يجيب ليهو كاس من برة إن شاء الله من تشاد والصومال وأفريقيا الوسطى أنا بتجيني سكتة قلبية وبروح فيها عشان كدا يا جماعة قولوا الله يدينا طولة العمر ونشوف أبو الهل دائما في المحلية قولوا آمين .
وبالمناسبة الصورة بتاعك سيدكم دي حركات تعلمها من المصريين وأنا خايف يكون ما بصلى كلو كلو .

يا حبيبي ده أعتراف منك بالكامل أنو نحن أسيادكم كونك
ما تقدر ترفع عينك لي فوق ده دليل الذل
هو صحيح كيف تقدر ترفع عينك على أسيادك
يا محترم خليك ولد كده حليوه وامشي جنب الحيط
أنته مسكين مريخابي ضعيف والشهاده لله
أنو أي هلالابي ممكن يعطف عليكم
ما تقدرو ترفعو راسكم لي فوق ولا تقدرو تعاينو للبحر
شوفو ليكم حوش مقفول كلو رمله أحسن ليكم من ما
تطلعو للعالم الخارجي
عايزين تبقو زي الاهله
وبعدين ياخي مدو رجولكم قدر كرعينكم
هسه في زول بتكلم كلام بطال في حق كتور جبه
فريق ضعيف لكن محترم نفسو
انتو نفس المستوى بس بتتنططو يمين وشمال
الله يكون في العون -

عجبـــــــــــــــــــــــــي

اها يا ابو جاسم عاوزين نعرف رايك تجاه الهزييييييييييييييييمة الهلابية دى ؟؟؟؟

يا ناندا دي ما هزيمة بس دي فضيحة كبيرة خلاص .
الجماعة فضحونا الله يفضحهم ، سبق وأن قلت لهم سوف تغرقون في الموج الأزرق بتاعكم دا ولكن غرقوا في شبر موية ورشة بسيطة .
الجماعة ديل من الله خلقهم ما جابوا ليهم كسب للكرة السودانية ، نحن فقط من يفرح هذا الشعب ،
من غيرنا يعطي لهذا الشعب معنى أن يعيش وينتصر
والمصيبة لسه ماسكين ليهم في أمل وبيحسبوا في حسابات ويقولوا نهزم مازيمبي وأنيمبا يهزم القطن وكلام فارغ .
بالله عليك دا كلام دا ، الواحد بعد ما كانت في كراعو يفتش ليها عند ناس القطن والقمح .
تعالوا راجعين لي أبو سعد وأم بدة أحسن ليكم أقعدوا في الواطة ويعرفوا مقامهم بين العمالقة .

والله يا اخت ناندا قمه الاسف والاحباط كون فريقي ينهزم
لكن في كل الاحول هو فريقي الذي نشأت عليه وعرفته من الوهله الاولى
ولن أشجع غيرة ما حييت وسيظل الهلال الكبير ولو أتغلبنا من اضعف الفرق
كا المريخ وكتور جبه
الهلال يكفي أسمه فقط يا أستاذ مدريد - انته قلت الكفيل وما الكفيل
جاي ناطي عشان تسم بدنا و تقول لينا الكلمتين ديل غلبوكم
الهزيمة شئ عادي ولو مافي هزيمة مافي فوز يا أستاذ
نادي برشلونا بكبرة وشحمه ولحمه أتهزم من خيتافي فريق ضعيف جداً بنتيجه تاريخية
نادي الهلال بكبرة وشحمه ولحمه أتهزم من المريخ فريق ضعيف جداً
وبعدين -_- نحن ناس الهلال ناس الاصاله ما بنتخلى عن نادينا مهما كان -_-

الله غــــــــــــــــــالــــــــــــــــــــــــــــــــــــــب

وين يا الواثق شتراتك في الحارة دي أدينا - مِقيطع صغير كده على الماشي

هاك الشترة دى يا ابو جاسم لانو الواثق ما قادر يبلع الهزيمة المرة ومسكين والله اربعة كتيرة لكن المطرة معليش يوم تقولو الهواء ويوم تقولو المطرة التقول السودان لابعرف امطار ولا بعرف غيرها مع انو فى نفس اللحظة امد رمان كانت كتاحتها فى السماء

الشترة////
نـدعـوك بالأربـعـة والكـتـب الأربـعـة
والـسـور المـائـة والعـشـرة وأربـعـة
بالملائـكـة السـتـة والكـرمـا الأربـعـة
بنبيـنـا محـمـد والخـلـفـاء الأربـعــة
والسـتـة البَعُـدُهـم والأئـمـة الأربـعـة
والفقـهـا السبـعـة وأقطابـنـا الأربـعـة
أوتــاد الأرضِ فــي القِـبَـل الأربـعــة
الأبـدال والنقبـا العـشـرة فــي أربـعـة
أحـفـظ جـوارحـي الثـلاثـة وأربـعــة
وتجـافـي المضـجـع جُنُوبـنـا الأربـعـة
زيل مـرض الجسـمِ فـي طبايعـه الأربعـة
بــارك إسبُـوعـنـا لـيــوم الأربـعــا
أيـام السـنـةِ التسعـيـن فــي أربـعـة
وبُحُورنـا السبـعـة وأنهـارنـا الأربـعـة
نسلَـم مـن أربعـة وُنحشـر مـع أربـعـة
يا صاحِ هِمَّنا لزيارة اُمنا مصر المؤمّنا بأهل الله
والمدحة مهداة لكل الصوفية بالمنتدى واهل الذكر واهلى الهلالاب

انتو يا منتصر قير التصفق الخمسه وسته

عندكم شنو من أيام الاهلي المصري تذكر يا حنين

نحن اولاد اليوم يا ابوجاسم يعنى نحن اولاد او جيل الاربعاااااات وخور الاربعات
وما تزعل يا ابو جاسم نحن مقدرين ظروفكم المطرة وكده
يا مطيرة صبى لينا فى عيننا

منو القال ليك مطرة ولا غيرها نحن واثقين

أبناء الهلال في النار بلعبو جوه عين الشمس بيلعبو
ديل أهل الحارة .

انت يا ابوجاسم البسمعك تتفاصح كده يقول انتو غالبين اربعة مش مغلوبييييييييييين اربعة
وبعدين فى جماعه معاى هنا بقولو ليك الفصاحة ليك شنو وانت مغلوب وطائر طائر من الدورى
وبعدين اسع انتو بقيتو تحت رحمة الظروف والحظ ( حارة شنو البتتكلم عنها انت ) ده انت مغلوب اربعات بس واليوم التوقعات بتاعت البطولة بتقول انو لازم انيمبا النيجرى يغلب القطن حتى يتصدر الهلال وده معناهو انو الهلال من ناحية لعب فهم خلاص طارو طارو لكن بقى ليهم الحظ يضرب معاهم ويفوز انيمبا مش يفوز الهلال !!!!