قراصة بالدمعة

حققت انتاجية القمح هذا العام رقما كبير بمعدل 10 جوالات للفدان وهذه تعتبر انتاجية كبيرة لم نشهدها منذ سنوات وهو خير كبير لأهلنا المزارعين اذا بلغ سعر جوال الذرة 140 الف جنية بالقديم في سوق الله أكبر اما الحكومة فسوف تشتري الشوال ب 100 الف جنيه وطبعا معروف ان اسعار القمح ارتفعت عالميا وهذا ما اثر على اقتصاديات بعض الدول المجاورة وكذلك دق ناقوس الخطر لهذه الدول حتى فاقت من نوم ثقيل وبالامس القريب اعلنت مصر والسعودية والامارات انها سوف تزرع مساحات كبيرة من القمح فى الشمالية0
كنت بتناقش مع الاخ منتصر فى الشات وكان( بحندق) فيني فقال لي اليومين دي الاكل كله (قراصة بدمعة- قراصة بام رقيقة - رقاصة بروب- قراصة بسمك.. أول مرة اسمع بيها) وطبعا نسى يقول لي قراصة مع شاي الصباح وربنا يدي اهلنا العافية ويكتر ليهم من الخيرات ما الذ وطاب

انت عارف يا ابو ناجي
جذبني العنوان جدا ( زي لما تجي راجع للفطور من المدرسة ) لحدي ما تصل بيتكم تكون شميت ليك مية قدحة شيء عدس وشيء ام رقيقة وشي ملاح خدرة لمن مصارينك زاتن يفقدن المنطق ولما تصل البيت تلقاها خلاف لكل توقعاتك فهنالك احتمالان اما انك تقول ما داير اكل او ( تبلع وانت مجبور ) وسندك المقولة ( مجبر اخاك لا بطل ) .... نرجع لموضوعنا الخلاني ادخل على الموضوع عنوان لاني بصراحة من الصباح على سندوتش لا يتجاوز 500 جم كاني متخيل حالقى الصينية وحداها كم شافع .... ربنا يفتح على اهلنا ويزيدهم من خيرو ويديهم قدر نياتهم
( طابت لك الحياة ) Smile

السلام عليكم ورحمة الله وبركاته
خلتو الواحد يحس بالجوع و يتذكر محل قراصة كان في السوق العربي تقف صف حتي تجد صحن فاضي تشيل فيه
قراصة و كانت بانواع و أشكال كثيره 0 و تذكرت فطور المدرسة و لحظاته الحلوة( انا كنت كل يوم باخد علقه سخنه من الوالده أمد الله في أيامها 0 لاني كنت مشاغب و كثير الحركة ) 0
ربنا يكثر من القمح والخير الوافر في بلادنا الغالية حتي تكون سلة غذاء العالم ,,
و الله الموفق
أخوكـم

كل الاكل ماحلو ياذاد الشجون الا في السريحة
تذكرو ان هناك من يحتاجون اليكم و,,,,,,,,,,,,,,,

ايمن حسين حسن كتب:: كل الاكل ماحلو ياذاد الشجون الا في السريحة
تذكرو ان هناك من يحتاجون اليكم و,,,,,,,,,,,,,,,