صور من فوق للحي الشمالي

اخذت هذه الصوره من الميدنا (الميزنه)بالاتجاه الشمال الشرقي .ولقيتها بالصدفه وانشاء الله في الايام الجايه
حنشوف كميه من الصور.

شتتتتتتتتتتتتتتتتتتتتتتتتتتتتتتتتتتتتتره
صورتك الخايف عليها شيلا بتزكاره وشيل معاها الفي عينينا

تسلم ياالواثق ومزيدا من صور امنا حبيبتنا سريحة عامر ...

الله عليك يا الواثق، الصورة في منتهى الروعة و عليك فريق الجامع ما تنساه و لو طلعته فوق المئذنة تبقى آخر حلاوة.

يا سلااااااااااااااااااام عليك يا الواثق
صورة فى منتهي الروعة
ولكن قبل كدة كانت الارض بين الجامع وبيت جدو وحوش الغنم بتاع ناس حاج ابراهميم حمد كانت ارض فضاء والآن عليها بنيان منذ متى هذا
وبعدين فين ورشة عبد العزيز الحاج والباقر عمران التى كانت فى محل القراشات
وهل السيد ود البلال ما زال فى هذه البقالة
والواضح طبعا منزل محمد حمد جيد العتيق(جد هشام ورياض) وهو كان ومازال من ابهى المنازل وافخرها وهو مزدان بالطرطشة التي كنا لا نعرفها ايامها والتي جلب لها عمالة متخصصة من الخرطوم وهم نفس العمالة التي قامت بانشاء المئذنة التي كانت تكلفتها من ماله الحر
ربنا يغفرله ويسكنه فسيح جناته ويجعل الذرية الصالحة فى ابنائه واحفاده

والله يا أدمن ما لآحظته لبيت جدي إلا بعد ما قريت تعليقك سبحان الله رغم اني شفته الصورة، كتلتونا بالحنين، لكن عافين ليكم.

مزيداً من الابداع يا الواثق

وشوية ميل الصورة دي على خفيف

وين فريقنا عاوووووووووووزين صورة ليهو حديثة

وين يا الواثق بيت ناس بسمات بت خالي العشاء

البيت الاصفر بيت ود الصول والقدامو ده شكلو محل فولة كاربة
وصناديق البيبسي المجدعة دي شكلها بقعدو فيها للعشاء
اها دي الحياة ذاتها ومتعتها تقول لي ماشي الكورنيش .. كورنيش ماذا ؟

والله دا الكلام يا واثق
وكتر من الصور دي
لانه من رأى ليس كمن
سمع

ياريت كل الناس انت
والله فكره كتييير روعه
وانت ماقصرت اخذت في السريحه صوره جدعه
ولو ماعارفين السريحه كويس كنا قلنا دي خدعه
بس وين الحقول والجداول والمرعي
بس المره الجايه دايرين واحده احسن وما تنسي الترعه

حقيقة صورة رايعة جدا

هاوى القمر كتب:: ياريت كل الناس انت
والله فكره كتييير روعه
وانت ماقصرت اخذت في السريحه صوره جدعه
ولو ماعارفين السريحه كويس كنا قلنا دي خدعه
بس وين الحقول والجداول والمرعي
بس المره الجايه دايرين واحده احسن وما تنسي الترعه

والله ياخي عندى صورة كتير من السريحه وتشمل كل السريحة واهل السريحه الطيبين
ولكن الزمن الصور (7دقيائق) انت زمنك كيف