دعوة للعودة الى الوطن

الغريب عن وطنه *** مهما طال غيابه
مصيره يرجع *** لاهله احبابه
ينسى الامه شجونه *** ينسى حرمانه عذابه
الا قلبي يا حبيبي *** بهواك طال اغترابه

كثير من الاخوة السودانيين تطيل فترة اغترابهم وابتعادهم عن البلد عن السودان عن الاهل والاصدقاء والاحباب وكثير منهم له ظروف قاسية تمنعه عن ذلك فمنها الوضع المادي والزعل والتخطيط الى رجوع نهائ ينهي آلام الغربة ولكن كلما طالت السنين كلما زادت الجفوة وزاد القلب تحجرا وهناك الاهل فى اشد الشوق وخاصة الامهات اللاتي تجدهن يذكرن ابنائهن ويسالن عنهم ليلا نهارا كلما جاء مغترب او سافر تحمله السلام الكثير من القلب الهيام0
لذلك هذه دعوة لكل من غاب عن السودان فترة طويلة بان يرجع الى الاهل ولو لفترة بسيطة وهي لها فوائد كثيرة جدا منها زيارة الاهل وارضاء الوالدين ورؤية الاولاد وكذلك الاطلاع على اخر التطورات فى البلد من النواحي الاقتصادية والعمرانية وغيرها وهي تعطي دافع اكبر لتعدد الزيارات كلما سنحت الفرصة
وكما قال كابلي
غريب والغربة اقسى نضال
غريب والغربة سترة حال
غريب وبعيد شروق وزوال
ده بعادا اصلو ما بنطال
تساور فى المجرة زوال
تسامر فى العيون اشكال
حليلة السمحة بت الخال
عيون ما عيون اجيال

فهذه الابيات معبرة جدا عن حال كل مغترب وهي لها ابعاد كثيرة وحتى بت الخال ذكرها وهي ان كثير مننا عندما يفكر بالارتباط او واحدة تاتي بت الخال فى مخيلته
وكذلك غني مصطفى سيد احمد عند وداع المسافر
سافر مطارات الوداع ضجت قدامك وراك
وانتحر النهار هسع
غنيناك لمدن شاخت
نغنيك للقرى الراحت
خلاص اشواقى ما ترسى
غنيناك ونغني ونعز الزمن فنان
بطاقات دعوة الرجعة
تذهب عينيك من الفرحة
دموع غطت الدنيا
وعاد فرح الرجوع منيه
صباب الريح ومن السنبل الغناااااااااااااي

هذه ايضا تعبير قوي جدا ضارب فى اعماق كل مغترب حين سفره وترك اهله واصحابه وهم ينحبون وكذلك عند الرجوع الكل متلهف ومنتظر هذه اللحظة الجميلة التي لا تقدر بثمن0
هناك العديد من ابناء السريحة الذين كان يضرب بهم المثل فى طيلة غربتهم وقد رجعوا بدافع الحنين للاهل والوطن وهم كثر وقد كانوا فى بلاد متفرقة مثل السعودية وليبيا والعراق وغيرها0

السلام عليكم ورحمة الله وبركاته
مشكور أخ محمد , لقد ضربت بهذا الموضوع وترا حساسا شديد الغربة و ألم الغربة
أسال الله عز وجل أن يعيد كل مغترب الي أهلة سالما و معفا و طيب 0 ( طبعا غانما مافي )
وفقكم الله
أخوكم المكتوي بنيران الغربة

حمد النيل كتب:: السلام عليكم ورحمة الله وبركاته
مشكور أخ محمد , لقد ضربت بهذا الموضوع وترا حساسا شديد الغربة و ألم الغربة
أسال الله عز وجل أن يعيد كل مغترب الي أهلة سالما و معفا و طيب 0 ( طبعا غانما مافي )
وفقكم الله
أخوكم المكتوي بنيران الغربة

اللهم آمين يا ابوابراهيم وهي امنيت كل مغترب ونحن نقول خير الامور اوسطها فمن لم يقدر ان يرجع فى سنة فليرجع فى سنتين او ثلاثة ولكن اكثر من ذلك يجلب المتاعب للشخص ويدخله فى دوامة صعب الخروج منها واسألوا مجربا لاني اول اجازة كانت بعد 4 سنوات من الاغتراب ولما وصلت ارض الوطن لم اصدق ذلك وكانت الفرحة كبيرة جدا لا توصف وقد استنشقت هواء جميلا عليلا ازاح عني كل هموم ومشاكل الغربة0

يجو راجعين وين يا ادمن

في ناس ساقو معاهم اولادهم

وحتي النسيبة رسلوا ليها

يجي وين

اقتباس :: يجو راجعين وين يا ادمن

في ناس ساقو معاهم اولادهم

وحتي النسيبة رسلوا ليها

يجي وين

والله يا ابعشرين العافية درجات ونحن قلنا ما نطول الغيبة يعني كل سنتين طلة خفيفة كده على الاهل بتخفف كتير عن آلام الغربة
وبالمناسبة سمعت لي طقة كده قالوا انت كمان عاوز تغترب

ابعشرين كتب:: يجو راجعين وين يا ادمن

في ناس ساقو معاهم اولادهم

وحتي النسيبة رسلوا ليها

يجي وين

والله يا ابوعشرين صحيح انت بتاع محن ولو كان كلامك صح انو فى زول رسل لنسيبتو بينى وبينك كده ديل تانى رجعتهم اقرب للمستحيل واخوى انسالك الناس ديل مالهم بكائئئئئئئئن كده والحنييييين ده مورم عينيهم والله الغربة هى كمان برضو سترة حال صح الواحد بياخد بكية صغيرة كده لامن يتذكر الوطن والاهل والاحباب _ لكن خليه يقعد شهر شهرين تانى يقعد يبكى ويتنهد لكن على شنو ؟؟؟؟؟؟؟؟