المويااااات

[color=[[size=9]justify]violet]هوي يا بتاع الشمار خلي الكلام في الناس يا زول انته ما عارف انو الايام دي شهر رمضان مفروض تكون اكثر
التزام وتخلي البتعمل فيهو دا Mad

بسم الله الرحمن الرحيم انته هسع طلعته من وين Question

قطعته لينا ونستنا دي Question

وبمناسبه شهر رمضان هسع كنا في برنامج جدليه رمضان بين الماضي والحاضر (سنا يا العربيه) كدي دقيقه قبل ما تكمل النجيب لي حاجه اقعد فوقا كت واحد فيكم ما دير يقوم لي ناس اخر زمن Sad

اها بعد مااتحكرتا كدي زي العجب

قال ليك رمضان زمان سمح سماحا كدي خلينا من من سماحتو نحن عارفنها كلمنا عن صينيه المويات زمان وهسع Question

اها جيتني في مجال تخصصي اسمع النقول ليك في البدايه زمان المويات كانت عندها عظمه وكانت تكون من صحن الصيني ودا كان عندو موصفات القطر بتاعو 20 سم وكان مشهور بملك النص (اسحرك هيثم مصطفي )وتاني عندك في المقدمه الهجوميه 2 من المهاجمين جوزجوكاكا واحد من المهاجمين ديل ثابت ما بتغير نهائي الا لي الشديد القوي دا جك الابري وان حدث تبديل يبدلو باابري ابيض والمهاجم التاني جك الليمون بس الايام دي شايف لي متحرفين (انا ناس وجريت فروت وقمر دين)
قايتو اللعيبه الوطنين الليشفو ليهم حته تانيه 0 bounce

اما الدفاع دا خلي ساكت كان فيهو تلاتا عوتولات (كبابي) طول الواحد 30 سم وكان مخزون الواحد 350 مل clown

الاطراف دي فيها اميز اللعييبه صحن البليله طرف يمين وصحن التمر طرف شمال Basketball

اها حارس المرمه اقصد (الصينيه )كان فيهو منو عييييييييييييك اهم حاجه معشوقت الجماهير كورت التقليه سيد اللعيب وكان ضخم البنيه من الصعب تجيب فيهو قون (بتر جك)وكان يحمل الرقم واحد في اللعيبه What a Face

لكن هسع سامع لي محترفين جدد جاين (سلطه ما يونيزوبيض بالطوه وشيه ومندي بالفراخ دي صينيه ولا اولامبياد بكين) بعد ينزلو ليك التشكيله الا ارض الملعب(السباتا) والجماهير تكون متشوقا للماطش ومنتظرين صافره البدايه(الاذان)في ناس من البدايه ببدو المباراه هجوميه من الشوط الاول بنهوها من قولت الله اكبر عرفته كيف يا بيجو ود عجيب و الضربه القاضييه (ينزلو ليك في التقليه والعصيده ست بره)والنوع التاني يبداها متوازنه بين الدفاع والهجوم حبه بليله وتمرا وكوبايت عصير فهمتا يا هشي وابوسالم وابوتسنيم
وديل دايرين التعادل :D النوع التالت يبداها مدافع 5 كبابي عصير 3تمرات 2 خمشت بليله يعني بتشكيله 5و3و2وقع ليكم با ادمن ود النعيم وابو 20
اها بعد تنتهي المباره ترجع اللعيبه الي المعسكر (الفضيه) وتكون حالتون صعبه جدا ذي اسرا الحرب (الكبايه واقعه بجنبه والجك زهجان يكركب داير ينض من الصينيه وملك النص ساكت ساي)-
اها نجي للشي المهم بعد المباره صلاه التراويح ------ هي شوف زولكم نام علي طولو Sleep

يا حاج با حاج قوم اتسحر باقي 5 دقائق Rolling Eyes

[/color]

شتتتتتتتتتتتتتتتتتتتتتتتتتتتره
لي نفسك لوم قيم الليل ونهار لها صوم ازكر الله[/size]

الله رائع يا ابوروئع( الواثق ) طالما انو نحن بنبداء بداية هجومية معناها عايزين نكسر معنويات الخصم من البداية لكن انا شفت زولك نام واخد ليه نومة احسن من كلامك ده (النومة بتريحوووو) بعدين انتو يا الواثق ما اظنكم حضرتو المسحراتية _ اها النكلمك عنو انا لانك اتربيت فى زمن ما اقدر احكم عليه براى !!!!
زمن المسحراتى بقى( المنبه ) وده كان صحيت للمنبه لانو بتكون ساعتها تقط فى نوم عميق بسبب السهر فى المسلسلات واحدة سبعة وواحدة تمانية وواحدة تسعة ومهند عشرة ونص وبعدين تتحول بالريموت كنترول لقناة تانية وهكذا لامن يفوتك السحوووور وبركاته ويفوتك اذان العم حياتى وتفوتك (الصلاة خير من النوم) ويفوتك السحور _
طيب زمنا نحن كان للسحور طعم تانى بنكهة الرز بالبن طيب من هم المسحراتية ؟؟؟ هم شلة اوجماعة من ناس الفريق غالبا الشباب وديل بكونو من ما شربو المويات مع الواثق يتمشو شوية وصلاة التراوئح وبعدين ياخدو ليهم ونسة كاربة مع ود عجيب والجماعة بتاعين المزاج حاتروح ليهم !!!
بعدين فيهم جماعة يفضلو يساهرو حتى ميعاد السحور ويطلعو بالطبول والدفوف وليهم نغمة خاصة ومحببة
ياصائم قوم اتسحر ويا نائم نوم (اتندل) او (ادمدم) وكلاهما معناهما تغطى او تدثر بثوبك لانه سيفوتك حظ كثير ووافر _ وياويلك لو نمت وفات عليك الرز بالبن وتلقا الصبح العيال يضربو فيه وانت خشمك ملح ملح وريقك ناشف واليوم طوييييييييييييل
وبعدين يالواثق خلى الجرسة بتاعتك دى انا عارفك زول جرسة اسع مذكرنا الموياااااااااات دى قبل يومين مالك...

حلوة يا واثق ووين الكركدي سيد الجقاقة ووين كمان النشاء ولا دي برضو كمات انتهت وهاك المقال ده بالمناسبة دي وهو منقول
ياسين ذلك الرجل الذي يعشق مشروب «الحلو مر» في مائدة رمضان ويحرص على تجهيزه بنفسه ويزداد شغفه كلما دنا وقت الإفطار، وفي أحد أيام الشهر طلب من زوجته تجهيز المشروب نسبة لإنشغاله بزائر عزيز لدى الأسرة، ذلك زاد من عبء الزوجة التي كانت تحضر مائدة الطعام، استعدت الزوجة لصنع «جك» الحلومر الذي يعشه أيضاً طفلها الذي دائماً يلازم والديه لتذوق المشروب بعد إعداده.
فبعد إنتهاء الزوجة سكبت لطفلها نصيبه اليومي في «كوب» ولكن سرعان ما صرخ الطفل «ماما العصير ما حلو» أصابت الأم الدهشة، وقامت بتذوق المشروب بطرف أصابعها عندها اكتشفت أنها وضعت الملح بدلاً عن السكر وبذلك ضاع «جك الحلومر» لأن وقت الإفطار كان قد حان.
مثل هذه المقالب والمواقف تكثر في شهر رمضان نسبة لأن المعدة الخالية تتحكم في ذاكرة الأفراد كما ان كثرة الالتزامات تسبب ربكة وتوتراً للسيدات داخل المنازل خاصة اللائي يعملن إذ أنهن يكن في سباق مع الزمن، في هذا الإطار أرجعت صفية «موظفة» الأسباب الى السهو الذي يصيب المرأة بسبب الصيام وضيق الوقت والعجلة للإنتهاء من إعداد المائدة، صفية لم تنج من هذه المواقف وتقول: أثناء إعدادها للشاي في أحد أيام الشهر العظيم بدلاً من وضع مسحوق الحبهان قامت بوضع مسحوق الشمار غضبت وتوترت ولكن سرعان ما أصبح ذلك الموقف ذكرى تحكيها لأفراد الأسرة.
وهذه هويدا ربة منزل تتأثر بفقدانها لفنجان القهوة كثيراً وفي يوم استعدت لصنع القهوة التي أوجعت رأسها كثيراً ولعدم تركيزها استخدمت مسحوق الفلفل بديلاً لمسحوق البن ليزداد غضبها من جديد.

التزين صنقورك بي موس ميتة يالواثق
الشيء مرقتنا ساي بي قد القفة لا ناس هجوم ولا ناس دفاع ولا ناس نص نص ولا حتى مشجعين الحكاية شنو يا اخوي انت قايلنا جالدنو
نحنا يا اخوي بنبداها بي بلحة او موية ( احد الاسودين) ومن ثم النشا ( طبعا ده لاعب ما اظنك بتعرف تاثيروا ولا ما كنت اتجاهلتو بالطريقة المزرية دي وتنسف كل المجد الذي بناه من زمن التكل والسحارة عشان الالفة انا دخلت ليك واسطة وقلت ليهو يا كابتن الزول نساك رغم انك اساس التشكيلة) وبعد داك اللقمة الما خمج وكان فضل فيها نفس نشرب لينا نص كباية آبري وبعد الصلاة ( نضقل بالبليلة) ونختمها بي قهوة . خطتنا دي عنك ليها تسمية يا كمال رمضان شداد Rainbow

[quote="ودعجيب بعدين انتو يا الواثق ما اظنكم حضرتو المسحراتية _ اها النكلمك عنو انا لانك اتربيت فى زمن ما اقدر احكم عليه براى !!!!

القال ليك منو انو انا ماحضرته زمن المسحراتيه نحن كنا شله من اولاد فريق......... كنا بنحوم الحله دي زوقاق زقاق من بيت اولاد الزين لي حي الجاليه النيجريه ومن بيت عمك ياسين الجديدلي لي حي دريم وكنا بنعمل سحور للمسحراتيه زاتن وكنا بنتلم في ساحه المطامير (سابقا)وكن بنجي فريقكم كلهم بكونو Sleep

وبعدين شكللك ما حضرته زمن ازهري لمن يقول (السحور يا امه الرسول)ولا انته رمضان بتقضي في العاصمه .

شتتتتتتتتتتتتتتتتتتتتتتره
تصومو وتفطرو علي خير

[quote="Rainbow"]التزين صنقورك بي موس ميتة يالواثق
الشيء مرقتنا ساي بي قد القفة لا ناس هجوم ولا ناس دفاع ولا ناس نص نص ولا حتى مشجعين الحكاية شنو يا اخوي انت قايلنا جالدنو
نحنا يا اخوي بنبداها بي بلحة او موية ( احد الاسودين) ومن ثم النشا ( طبعا ده لاعب ما اظنك بتعرف تاثيروا ولا ما كنت اتجاهلتو بالطريقة المزرية دي وتنسف كل المجد الذي بناه من زمن التكل والسحارة عشان الالفة انا دخلت ليك واسطة وقلت ليهو يا كابتن الزول نساك رغم انك اساس التشكيلة)

القوس اول حاجه صنقورك دي معناها شنو ها هاهاهاهاها
انتو يا استاذ ناس المقصوره الرئسيه عرفتا ناس المقصوره مالون ديل بمرقو اخر ناس من الاستاد يعني بعملوا مراجعه عامه للصواني ولا انته من الاولاد البيجيبو الكوره يعني بتخلي الناس تقيم الصلاه وهاك يا تقلب في الصواني لمن الناس تقطع الصلاه وا كيف Question

اما النشا دي لاعب قديم بنستفيد منو في الشؤن الاداريه يعني زول خبرا فقط الا يخش الملعب ما في طريقه

شتتتتتتتتتتتتتتتتتتتتتتتره
تصوموا وتفطرو علي خير

الواثق انت نسيت البسون الموياااااااااااات ديل منو يتعبن ويشغن وانتوا تلغفو وتجقموا والواحدة مرات تنسى الاذان اذن وتفطر بعد العشاء من كترة الشغلة موية وعصيدة وملاح روب وملاح تقلية وبليلة وسلطات وبعداك شاي فى قهوة لمن الطراويح تجي ده كان زمنا فى السريحة ايام التلج بالقروش وما عنده قروش للتلج ما يجي يدخل على مرتو ويا حليل ايام زمان
هسع كل حاجات الفطور تتعمل من باليل وتدخل الفريزر والديب فريزر واللقمة دي نسيناها الا يجي مرة خالي العشاء ويعوسنا ليها بالغصب