سماحة الزول فى الطول والعلا

قالوا إحتمال تنفجر بقيف معاك والله مابجر
لا بخاف الصد والهجر والبتحصل أنا بقبلا

العيون سلاح الموت والخشيم دا كاتم صوت
بي البر وبي البرشوت جيوشك علي انقلها

السنون زي در وبلي والخد مسدس سته مل
ياعيوني ماتملي الشوف والعود والسنبله

الايدين كلاشنكوف والقوام يشهي الشوف
الحنان المالي الجوف مسح العزاب والبلى

رائكم شنو يا الحبان رائكم شنو فى الحرب دى اسع عليكم الله دى اغنية ولا دفاع شعبى بعدين تلقى الشباب
فى الحفلة شغال شغل صح ولا واحد بسمع الفنان بقول فى شنو مافى !! وتلقى العرق حدو الركب (جمع ركبة) انشاء الله ربنا يهيدهم والغريب ولا وجيع ولا حزين على زمن حقيبة الفن (فى الضواحى ) والزمن الفلانى ؟؟؟؟؟

والادهى والا مر يجى فنان جديد وعندو اغنية ممكن تموت من الضحك وانت بتسمعها
البغنو ديل كشة مشة بس بغنو دايرين عشاء والله يكون فى العون يالكشة مشة
جدعة :
قنبلة سماحة الزول فى الطول والعلا

اخ عجيباك هذه اغاني الزمن دا هي تعبير عن واقع الشباب الحالي وهنالك من هم معجبون بهذه الغرز(تسميه لنوع هذا الغناء)وانت تدرك تمام انا الاغاني تعبير عن الواقع وبعدين يا اخي متخلينا نهجج .
في النهايه الاغنيه عندها رساله هي تحريك المشاعر فقط قد تتختلف طريقه التعبير من شخص للشخص اخر . يعني في ناس لو ماغنيت القنبله ذي الما غنيت يعني غناء الحقيبه والرومانسيه والاحلام الورديه (عشه صغيره نعرشا ليك برموش عينينا ) ما بنفع معاهم .لك كل الغرز(اقصد الود)

شتتتتتتتتتتتتتتتتتتتتتتتتتتتتره
ناس الدنيا ناس خاينين يا خساره ناس غدارين ناس الدنيا ناس شينين

ياتو واقع يا الواثق ياتو واقع البخلى الفنانيييين يبقو كشا كمشا ويغنو بس دايرين عشاء وين يا اخوى الواثق اغانى زمان واغانى الحقيبة واغانى ناس مصطفى سيد تقول لى شنو تقول لى منو !!!!!!

السلام عليكم
الاذواق بتختلف ... ودا ما معناه انه الشباب الايام دى ماعنده ذوق ... لكن المشكلة يمكن تكون فى طريقة التعبير.... فى اغانى مفرداتها ركيكة لكن بتوصل حاجات حلوة