فلم امريكى ومصرى ومكسيكى وهندى

فيلم أمريكي

سيارة مسرعة تصدم قط إمرأة عجوز يصاب القط تتصل العجوز ب911 ثلاثة سيارات شرطة تطارد سيارة المشبوه التي تنطلق بسرعة يراوغ المشبوه من سيارات الشرطة ....يطير فوق سيارة الشرطة الأولى
فتصدم باص طلاب مدارس يسبح تحت سيارة الشرطة الثانية فتسقط في النهر وتغرق بقيت سيارة واحدة ... إنها تستمر بالمطاردة يطلق الشرطي المقدام النار على عجلات سيارة المشبوه ...
فتنفجر العجلة لتتقلب سيارة المشبوه ثم ترتطم بمحطة للوقود ........ بوم

نال المشبوه جزاءه ومات حرقاً

النتيجة : تضرر باص مدرسة وسيارة الشرطة الأولى وموت تلميذ + غرق الشرطين وسيارتهما + موت المشبوه وحريق بالمحطة + وقبلة في النهاية بين اثنين ليس لهما أي علاقةبالموضوع

فيلم مصري

بحبك يا زيزي بحبك يا حنفي بس لازم شقة لو حتى أوده واحدة كفاية حنفي في الشركة يعرض عليه رشوه ويقول : أنا ما أبعش ضميري العصابة تلاحق حنفي وتبدأ المطاردات أصوات تشحيط عجلات السيارات وهي تمشي بسرعة 10 كيلومتر
حنفي يموت قائلاً العبارة الشهيرة :ــ
أتـلـتـني يا مجرم

فيلم مكسيكي مدبلج

روزاليندا عندها من الفريد خمسة أولاد وهي حامل السادس قرر الاثنان بأن يتزوجا أما ماريا فهي حامل من أخو زوجها رينالدو إلا أن زوجها لا يدري ، ولوسيانا تريد أن تتزوج من إغناسيو إلا أنها لا تعلم أن ابن عمهاهو خالها .. ــ
ينتهي المسلسل بعد حوالي عشرة قرون حيث تحل جميع المشاكل في آخر خمسة دقائق من الحلقة الأخيرة ..

فيلم هندي

يحبها وتحبه ...تغني له ربع ساعة ....يغني لها ربع ساعة

فجأة كل الذين حولهم يبدأون بالرقص.. وتظهر أصوات الموسيقا لا أدري من أين وهم في الجبل ابو البنت يغضب من بنته التي أحبت ذلك الشخص الفقير ، ثم يقوم يحبسها يأتي حبيبها إلى نافذتها ويغني لها ربع ساعة ، تغني له ربع ساعة وفجأة يبدأ الحراس وأبو البنت بالرقص تأتي صديقة البنت لتزورها في غرفتها... وتسألها عن حبيبها البنت تغني ربع ساعة ورفيقتها تغني ربع ساعةيسمع الأب ابنته وهي تغني فيرحمها ويعفو عنها يتجه الأب لبيت حبيبها ويطلب منه يزور بنته ويوافق على زواجهم يهرول الحبيب فرحان إلى حبيبته ويغني لها ربع ساعة تغني له ربع ساعة ويبدأ خدم البيت بالرقص يعود ابن عم البنت من السعودية تاركاً عمله هناك لم يعجبه الوضع ..فقام بقتل حبيب الفتاة تصيح الحبيبة وتبكي على قبر حبيبها ثم تغني بحزن ربع ساعة ثم تموت ...لم ينته الفيلم هنا

روح الحبيبة وروح الحبيب تجتمعان وتغنيان ساعة وربع

منقوووووووول

فلم سودانى

خرج ابو احمد صباحا بعد ان ترك حق القفة والخضار وترك لابناءه حق المواصلات وحق الدرس وبعد ان ترك لزوجته حق الحنه وحق الكوافير وحق الخطة وحق الصندوق وحق الدكان وحق اللبن وحق وحق وحق وخرج ولم يعد حتى الان اوصافه كالاتى اسمر اللون طويل القامه فاقد الوعى يتكلم براهو ...لو صادفك فى الشارع تجده يضحك بصوت مسموع ولكن بالرغم من ذلك له وجه طفولى وابتسامة جميييلة وعريضة وبالمجان وبلا شغلة تلقاهو يتبسم

سنا يا انا البسامة دى ليها كم سنة

[quote="ودعجيب"]فلم سودانى

اي كدا خليك في السوداني احسن ليك من الهندي والعب في المضمو ن

جيت زايق من الجماعه بهناك ولا كيف Question

شتتتتتتتتتتتتتتتتتتتتتتتتتتتتتتره
شديت سرجي فوق الريح عشان القاك بدور اطوي المسافات طي

صراحة يا ناندا إختصرت كل الافلام في تلك المشاهد،
ودعجيب تميت الناقص،
الواثق ما أحلى شتراتك.

فلم : قصة مغترب
اتخرج من الجامعة ولما ليهو كم شهادة خبرة ودبلوم كمبيوتر وطيران على الخليج " عد ما عدم ابوه طافي النار من البقيرات وحصاد العام من القمح والعيش واقي الصرف " صاحبنا دون احلامو في دفتر
خرطة البيت + مشروع استثماري صغير " نقاطة " وفي اخر الملف صورة الحبيبة
الشهر الاول والثاني والثالث والعام الرابع وصاحبنا عايش في جو مغترب ومعيش المعاهو بي هنا في نفس الجو اخيرا لما صحى وراجع حساباتو لقى كم شيبة نطت في راسو والصلطعة عبدت طريق رسمي في نص الراس اخونا فكر في الرجعة لانو لقى العلاقة بين الاغتراب والمصايب علاقة طردية كلما زدت في سنين الاغتراب ازرداتالهموم والمشاكل اخونا قرر ارجع
اول طفل قابلوا كان ود الحبيبة الاولى اما ملف الاحلام شفتو بعيني في واحد من الدكاكين الصغيرة لافن بيهو تسالي وطحنية شهادات الخبرة اتعلقن تاني في مكانن القديم وفرحت بها اسراب العناكب بعد طول غياب
نهاية الفلم يطلع صوت جهوري على خلفية صاحبنا وهو لامي في الجماعة بري ونقة عن رفاهية دول الخليج وان الناس عايشة كيف والحضارة ويلعن ابو واقعنا نحن المتخلفين"
الصوت بيقول " ليست المشلكة في عدم التوفيق فكلنا معرض للفشل لكن المشكلة في الذين يرفضون واقعهم ويعيشون في جناح الامنيات "
النهاية Rainbow

ياسلام يالريمبو يا سلام عليك يارائع بالضبط انت تنفع مخرج مش انا. انا طبعا بتاع لبط ساى كده بس
والله يكفيكم بتاعين اللبط ديل وانتو ما اهل الفن واصحاب فكر وروى اخراجية جيدة طوالى نقوم نبقيك انت المخرج وزمان الواحد كان فى المسلسل عامل مخرج براهو تلقاهو يخمن بكرة البطل بقتل فلان الفلانى وفلانة ديك بتموت ويصبح يلقى القالو كلو غلط عشان كده بجيه احباط فنى وتمسكو قشعريرة فى الاخراج وبروده فى الاطراف وارتفاع ضغط عند الاصحاب حماكم الله وحمى جيرانكم
ولك كما يقول صاحبنا هشام نرفع القبعة اجلالا

فيلم سوداني 100%
جلست على مقعد الحافلة والغنج بعينيها وكل مفارط الدلال ، وقالت للكمساري:-
انا لا اريد احدا بجواري فى المقعد
الكمساري: موش بتديني حقي ؟ ان شاء الله تحجزي الحافلة كلها وانا مالي0
فوضعت حقيبة يدها على المقعد الخالي كناية على انه محجوز 0
وبعد قليل طلبت من الكمساري ان يملا لها كوب ماء اخرجته من حقيبتها ،ابدى الكمساري شيئا من الامتعاص لان الحافلة لم تتحرك بعد وهو لا يريد فتح بند الماء مبكرا ، وبعد ان تحركت الحافلة بقليل ، مدت كوبها مرة اخرى للكمساري فحاول التعامي عنها منشغلا بجمع الاجر من الركاب فصاحت فيه قائلة:
يا ولد ما قلنا ليك جيب موية انت اطرش ولا بتتطانش؟
الكمساري: يا حاجة ما دايرين اساءة ... اطرش ولا اعمى انت مالك ومالي0
تدخل احد الركاب وهدأ الموقف واعطيت لها الماء0
بعد حوالي نصف ساعة اخرجت كوبها للمرة الثالثة فقال لها الكمساري:
يا حاجة انت مقابلانا الليلة مالك
هي:اقابل ليك شنو هو انت بتتقابل؟
الكمساري: يا حاجة كفاية اساءة والله انا بعد كدة الفها معاك
هي : يلف عينك انت قايل نفسك بني آدم عشان انا اصرف معاك كلام؟
تدخل احد الركاب قائلا للكمساري: يا ولد ادي الحاجة موية يمكن يكون عندها سكري؟
فانتفضت قائمة واتجهت نحو الركاب مظهرة ذهبها الكثير الذي على رقبتها ويديها وبدأت للركاب مثل الجنية الحسناء التي خرجت من جوف الحافلة قائلة :
ده منو القال الكلام دا ؟ لم تنتظر اجابة وواصلت (اولا انا ما حاجة ؟ حاجة انت وحاج الجنبك، ثانيا انا ما عندي سكري ، انا فاطرة سمك وانتو عارفين السمك بدور الموية حي ولا ميت، ولا انتو ما قاعدين تاكلوا سمك ، اهو ظاهر انتو بتاعين بوش وطعمية وعدس ، والله دا ما مستوى انا اركب معاهو0
انبرى لها احد شخص آخر من الركاب قائلا:
يتبع

يا ود عجيب انتو ما اهل الفن والابداع وريشتك ملونة المنتدى انا اتنازلت ليك عن منصب الاخراج وخليني مساعد مخرج لو ناندا ما عندو اعتراض
اخونا الادمن " اصحى يا اخوي ده باص مواصلات ولا باص سيرة نحنا " يتبع " دي في كشوفات التوظيف البيجيبوها في الجرايد مكرهانا جبتها لينا هنا في البوست اللذيذ ده ، بعدين " بطلة قصتك دي ضاربة سمك ومستفة دهب " زي دي مفروض السوناتا تكون عندها زي اللبان يبدو ان الرؤية الاخراجية حقتك عندها مغص انصحك بالذهاب لاخصائي اخراج ولا شنو يا ود عجيب Rainbow

هههههه جميلة يا استاذ رينبو
لكن المحيرني انت كنت استاذ رياضيات يعني لا ليك دخل فى الاخراج ولا التمثيل يكون درست معهد الدراما والموسيقى بعد داك
طبعا انت اخذت السعفة الذهبية بفيلمك العجيب والواقعي جدا وتستاااااااهلة ونحن خلي لينا باقي المقشاشة البرونزية
انا كنت عاوز حد يكمل فيلمي واشوف الـسيناريو والاخراج حاتتطابق ولو تطابقت سيكون هناك جائزة كبيرة والفرصة متاحة حتى نهار اليوم وبعداك حانزل الجزئ الثاني الذي سيحمل مفاجاة عجيبة لكل المشاهدين

Rainbow كتب:: ناندا ما عندو اعتراض
Rainbow

ناندا ما عندها اعتراض

بوووووووووووووووم

اقوي افلام الساحه
تعرض اول مره علي الشاشه
من انتاج الواثق جروب .......
ومن اخراج الواثق.......
سيناريو الواثق .............
شاهد ومعك اخروووووون......
ياتيكم في الاوقات التاليه ........
1.30بتوقيت الجنينه .........
الثلاثاء 17.شباط الرابع.......

شتتتتتتتتتتتتتتتتتتتتتتتتتتتره
خلي عينيك مفنقلا

فيلم سوداني 100%
الجزئ الثاني
انبرى راكب آخر قائلا: يا حاجة نحن سكتنا ليك كتير واخلاقك دي ما اخلاق مركبة عامة، اكان تركبي ليك عربية خاصة بدل الحركات البتعملي فيها دي0
ردت قائلة :والله العربات الخاصة فى البيت زي كبابي الشربوت فى عيد الضحية ، لكن لسع ما لاقية سواق0
دخل واحد من الشرامة وقال دون ان يرفع رأسه(طيب ما تسوقي براك ولا تجيبيني انا)
ردت عليه وهي تقلد آخر جملة قالها (تجيبيني انا؟ اجيب ليك شنو انت فاكر بيوت الناس لعبة اي زول يدخلها ، كدي انت آخر مرة اكلت فيها سمك بتين)
تدخل راكب آخر يبدو عليه التدين قائلا ( يا استاذة البتعملي فيهو ده حرام عليك ، رافعة صوتك وواقعة فى الناس استفزاز ، يا زولة احترمي نفسك واحترمي الركاب)
ردت عليه قائلة (يا زول احفظ لسانك، انا بت ناس ومحترمة وعاملة حسابي حتى المقعد حجزته لوحدي وما دايره اي زول يقعد جنبي ، وبعدين حكاية الحلال والحرام والله نحن بنعرفها كويس اكتر منك، والله نحن اسرة تفتي على المذاهب الاربعة)
سكت الجميع عنها فجلست فى مقعدها وهي تتكلم بصورة مسموعة تندب فى حظها وتفتخر بثراء اسرتها المشهورة 0
اوقف احدهم الحافلة بنية الترجل منها لانه وصل محطته وعندما جاء بالقرب منها وهي تتكلم ، لم يتمالك نفسه ونهرها قائلا ( يا وليه اسكتي سكت حسك على الطلاق تاني تفتحي خشمك دا كان دي تاباك) وكان رافعا يده0
رفعت بصرها اليه فوجدته اسمر نحيف على راسه طاقية حمراء فقط ومشلخ تي وفي فمه سفة تمباك
.............................................................................................
معليش ياجماعة يدي فترت من الكتابة
نواصل الجزئ الثالث والاخير قريبا
ويا رينبو ان شاء الله تكون لقيت اجابة على تسأولاتك فى الجزئ الثاني
وطبعا جائزة تكملة الجزئ الثاني راحت عليكم لانتها الزمن المحدد ولكن برضو بعطيكم فرصة لتكملة الجزئ الثالث وهناك جائزة قيمة لمن يكمله على وجه صحيح ومتطابق مع الفيلم

Admin كتب:: [u]وهناك جائزة قيمة لمن يكمله على وجه صحيح ومتطابق مع الفيلم

غلبك صاح وما لقيت ليك نهايه قولته احسن اي زول يختار نهايه الفلم حسب هواه Question

عفارم عليك دا النوع المتطور من الدراما وهو جعل المتلقي يشارك في نهايه العمل الدرامي

وقبلي ما تتم فلمك حا نديك جائزه الاسبوع علي احسن عمل درامي (اظن مافي زول يجيب فلم احسن من دا)

وهي عباره عن بطيخه بااااااااااااااارده +جك ابري +صحن بليله بالمايونيز
وستقدم الجائزه وسط لفيف من اهل الدراما في المنتدي (همس المشاعر+افكار+الرينبو+ناندا +الملثم)

شتتتتتتتتتتتتتتتتتتتتتره

وبي سكرو تملكني واعجبو كيف بي سكرو

ناندا : حقك علينا ،،، انا كنت خايف من" المضب ده " بس نعمل شنو" الشقي يلقى العضم في الفشفاش "
الواثق : اقعد حرر في الدلوكة ساااااكت وشكر في الناس ، انت فلمك وينو ؟؟ ولا ما فاضي من الشترات بالمناسبة شتراتك دي لو لميتها بتعمل ليها فلم معتبر بس لازم تعرضا على ناندا من اجل السيناريو وودعجيب من اجل الاخراج والادمن للتمويل وهمس المشاعر للملابس والديكور و سقراط في لجنة الرقابة وابعشرين لمعراجعة خلو الفلم من اي مساخة زهشام في الجرافيك وود النعيم للنواحي اللغوية وابو جاسم في الرؤي الحلوة البعيشا في صحوتي او حتى في عز المنام sorry للشترة انا قاصد في الرؤى الفنية وانا ممكن اساهم بعد داك في الاعلان والترويج كان فلمك مرق من الكماشات دي Rainbow

دا منتدي السريحه ولا مدينه الانتاج الاعلامي .
طلق الجماعه ديل لو اتلموا يعملوا مسلسل يوازي مهند ونور ولا كيف Question

ود عجيب دا ما نافع في الاخراج شوف ليك زول تاني احسن ليك .

شتتتتتتتتتتتتتتتتتتتتتتتتره
والله القسمه ما معروفه لي وليك كانت خافيه يدوم سعدك مع غيري ..............

[quote="الواثق"]
ود عجيب دا ما نافع في الاخراج شوف ليك زول تاني احسن ليك .

quote]

ايه ده يالواثق المانافع ده انا حرام عليك توصف اخراجى كده اسع انا ناس كلية الدراما قرب يعملو معاى عرض مغرى ليه تضيع مستقبلى كده ياخى

شترررررررة
انا استاهل وضعتك فى كرسى بلاستيك

فيلم سوداني 100%
زواج غريب جدا
الجزئ الثالث والأخير
.........................................................................................................
رفعت بصرها اليه فوجدته لونه أسمر نحيف الجسم يلبس على راسه طاقية حمراء فقط ومشلخ تي وفمه ملئ باتمباك وهو ظاهر من شلاليفه المكرضمة، وبسرعة ردت بصرها وخفضت رأسها وسكتت واعتدلت فى جلستها، من جانبه قال للسائق (أطلع يا اسطى)مبدئا تراجعه عن النزول فى المحطة وبدون ادنى تردد جلس فى المقعد الخالي الى جانبها وسط دهشة الجميع وصمتهم، وعندما وصلت محطتها طلبت بأدب شديد من الرجل ابسفه ان أن يفسح لها الطريق فوقف وترجل من الحافلة قبلها والركاب ينظرون بتعجب، بعد ان تحركت الحافلة سألها ان كانت متزوجة؟ فاجابت بالنفي ، وسألها عن والدها فقالت له له موجود، فتقدم سائرا امامها وهي تمشي خلفه وتتجه نحو منزلها، عند الباب قابل والدها ودون مقدمات وقبل أن يدخل قال له أنه يطلب يد ابنته هذه فاندهش قائلا(الملعونة دي) والله ترضى بيك أكان ازغرد هسع دي!! ياخي دي عذبتني
وورتني النجوم عز الضهر، فرد الرجل ابسفه قائلا (هي موافقة كدي أسألها) فاتجه ابوها نحوها فأومات بالايجاب
وحينها لم يتمالك والدها من الفرحه وزغرد بصوت رجالي أجش...يووووي...يوووي..يوووووي.....................................................................................................
طبعا يا جماعة ضيعت عليكم الجائزة واكيد كلكم ما متوقعين نهاية الفيلم بالصورة دي
ويا الواثق الظاهر عليك المويااااااااااات والخربشاااااااااات اخدن عقلك وبقيت ما فاضي للاخراج
ناندا صاحبت العرض الرئيسي لافلام الموسم رأيك شنو في فيلمي ده ما بنافس فى مهرجان كان واخواتها

فلمك ده يالادمن يمكن ان ينافس فى مهرجانات (ان وخالاتها)

طبعا يا جماعة ضيعت عليكم الجائزة واكيد كلكم ما متوقعين نهاية الفيلم بالصورة دي
ويا الواثق الظاهر عليك المويااااااااااات والخربشاااااااااات اخدن عقلك وبقيت ما فاضي للاخراج
ناندا صاحبت العرض الرئيسي لافلام الموسم رأيك شنو في فيلمي ده ما بنافس فى مهرجان كان واخواتها

طبعا الجميل فى الموضوع السيناريو العجييب و النهاية غير المتوقعة تماما ... عشان كدة فيلمك ح بنافس فى مهرجان ليس ( واخواتها ابدا .. لا ... نهائى) :D :D :D

اشكرك يا ناندا على الجائزة الكبيرة وترقبي افلامنا القادمة (أكشن) زي الاكشن بتاع تبديل الصور فى البروفايل بتاعك؟؟؟ كل ساعة نشوف صورة جديدة ... ايه الحكاية؟؟ )!!

Admin كتب:: اشكرك يا ناندا على الجائزة الكبيرة وترقبي افلامنا القادمة (أكشن) زي الاكشن بتاع تبديل الصور فى البروفايل بتاعك؟؟؟ كل ساعة نشوف صورة جديدة ... ايه الحكاية؟؟ )!!

انا بحب التجديد :D :D :D

اقتباس :: انا بحب التجديد

كلنا من أنصار التجديد ولكن بمفهوم آخر"تجديد فى الفكر - تجديد فى الحياة - تجديد فى الصداقة- وهكذا دواليك" انما تجديد فى صورة بروفايل كل ساعة حقيقة دي جديدة علىّ ولكن انا فى نظري صورة الطفلة الامورة اجمل وانسب للبروفايل
Surprised