زولى الاخدر (خسارة )

خســـــــــاره

خسارة يا قلبي الحزين هجروك احباب السنين

من غير سبب ظلموا الغرام الكان حلو و الكان أمين

يقولوا عننا ظالمين يا حليلنا حليلنا إحنا المخلصين

خســـــارة يا لحني الفريد جرحي المنور كل ليــل

وااحــــاري من هجر البريدو ولهفت الزول البــــريـد

أبكيــــك و وين القى الدموع يـا ريتا من بعدك تطــيب

يـــا قلبي إنت الفي هــواك دايما وفي و دايـما أميـن

أشقــــاك احب الناس اليك رغم الحنين الطال سنين

يا قلبي ســـامح في المحبه في الدنيا ما في محبتين

و القالوا ليك عن الفراق إنشااللـــه يوم ما تشوفوا عينك
بالمناسبة سوف اخصص عمود (زولى الاخدر ) للاغنيات المكتوبة

يا زول ما قلنا ليك اكتب اسم الشاعر ولا الكاتب
هنالك احتمالان اما انك عايز تكوش على القصيدة وتضيفها لاشعارك
او انك بتفترض انو كل الناس عارفين الشاعر وفي الحالتين انا بختلف معاك
لو عندي سلطة ( بضم السين ) كان خليتك تكتب اسم الشاعر او اسم الكاتب اجباري
لكن نسوي شنو !!! حكم القوي لاني عارف لو فتحت السين بيكون في كلام تاني Smile

والله يافيقا ماعارف اسم شاعر (خسارة ) وطبعا ده فى حد ذاته (خسارة )
بعدين احتمالك الثانى ده الصاح (بعتبر كل القراء بيعرفو الاسم )ياخسارة يافيقا الحنين تبقى قاسى وما تلين
لزول فاقد( لحلتك) خرمان سنين
لفتتك وبوشك والسخين
ابكيك لو القى الدموع ابكيك بالدمع السخين
(ثم انى وضحت ان هذا العمود خاص بالاغانى المكتوبة وطبعا ليس من بينهم (اى الكتاب ) ولذلك لا يمكن ان اكوش كما ذكزت على شىء ولك منى كل الود

ود عجيب ايه سر الزول فى اشعارك هذه
انت ذكرتني الشعر الجاهلي دائما ببدا بالخمر او بوصف الاطلال
كما قال عمرو ابن كلثوم
الا وهبي بصنك فاصبحينا--- ولا تبقي خمور الاندرينا
مشعشة كان الحص فيها --- اذا ما خالطها الماء سخينا

يعني انت كل قصائدك بادية بالزول لماذا لا يكون هناك تنوع مثلا بدل زولي الاخضر تقول
حبيبي الأخضر
سميري الاخضر
يعني كثرت التكرار بتجعل فى تشابه فى النصوص حتى الواحد يشك فى انه قرأها قبل كدة ولا وكذلك العنوان يجب ان يختلف تماما من عنوان ىخر ولاحظ انك فى منتدى يعني يمكن واحد دخل قبل يومين ووجد زولي الاخدر القديمة ثم دخل اليوم ووجد نفس العنوان اكيد ما حايدخل لانه حايقول ان قبل كده مر عليه

ولك منى كل المنى يا شاعر الزول

ود بساطي كلامك صاح بنسة 85% و الـ 15% خليناها عشان المانجل ما يزعل علينا
يا منص
عدا فات زمن الجضوم الفتة والعدس الشتات
وقراصة القمح التلون لمتنا بحب الونسات
بعد الرغيف الكان كبار اتلاشى واصبح زكريات
روح مرسالي و في وراه اجرت لي كمين دفار
كتاحة ملت عيوني وشعرنا ماليهو الغبار
ونتيجة الدفسة الكبيرة عيشتين اتنين صغار
لا يحوقو في ام العيال لا يكفو دمعات الضغار
لك الود على امل اللقاء حول قدح لقمو بي روب سمنو نازي
طابت لك الفتة .... عفوا ( طابت لك الحياة ) Smile

ياجماعة الزول الاخدر ده اكيد( سر ) وماتخلونى( افتو) ليكم

شكلك كده حتفتو براك قبل ما نقول ليك فتو وتنطبق عليك حكاية الزول القوال الرجع الريال عرفتها ولا احكيها ليك ؟؟ Smile