| خربشاااااات | |
|
+3ياسرعبدالمنعم على الجاك Admin الواثق 7 مشترك |
كاتب الموضوع | رسالة |
---|
الواثق مميز جدا
عدد الرسائل : 388 العمر : 39 المدير العام : 0 تاريخ التسجيل : 26/05/2008
| موضوع: خربشاااااات السبت سبتمبر 06 2008, 12:28 | |
| قوموا با شباب نمشي للبتاع البقاله دا ونعمل لينا (عشه الفلاتيه).با عمك كيف الحال عليك الله اعمل لينا (فاتن حمامه)تكون مظبوته واعمل لينا في صحن يكون (معتز كبير) ولا اقول ليك اعمل ليها (قسم السيد )اصلوا الشباب ديل كتيرين . اها يا شباب (شعبولا)ولا نعمل (زيدان ابراهيم)خلاص بعد شبعتوا نمشي نضرب لينا (عبد الباسط)باسطه شنو ياخي في الشتاء دا احسن حاجه نشرب لينا(شاهيناز عثمان) عند عمتك دي. ****************************************************.
قال عثمان لصديقه خالد وهو يجر نفسا عميق من الشيشه التي بيده (تعرف يا فرده اكتشفت انو خطيبتي عامله لي (ابراهيم خان )مع واحد عامل فيها(غرباتشوف)في السعوديه .وانا من عرفته الخبر واجهتها قامت نكرت وعملت (امير حلفا)انها ما عندها معاهو حاجه لكن انا عملت ليها (احمد الصادق)رغم انها عملت(باكنباور)ودموعها عملت (صديق منزول )عشان قلبي يعمل (حنان ترك). لكن انا طوالي عملت (نديب القلعه)للدبله وجدعتها ليها في وشها وقلت ليها (شكر الله خلف الله)وعملته (كمال ترباس)للموضوع دا...........
لو ما فهيتوا حاجه تبقي ىمصيبه
شتتتتتتتتتتتتتتتتتتتتتتتتتتتتتره جرحت هواي لمن مشيت وخطبتها | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: خربشاااااات السبت سبتمبر 06 2008, 19:45 | |
| شتات يا فردة دي موجودة ولا اندثرت | |
|
| |
ياسرعبدالمنعم على الجاك مميز جدا
عدد الرسائل : 188 العمر : 52 الموقع : yaseer_meneem@yahoo.com المدير العام : 0 تاريخ التسجيل : 22/04/2008
| موضوع: رد: خربشاااااات السبت سبتمبر 06 2008, 21:03 | |
| جماعة راكبين لورى فقال احدهم :
(الفردة دقس واتلحس ودى شوية شرتيت جمعناه من الفرد )؟؟؟؟؟؟؟
تحياتى لك الواثق فسر لى الجملة اعلاه وتقبل مرورى ... | |
|
| |
هشام السريحه
عدد الرسائل : 1399 العمر : 48 الموقع : الإمارات العربية المتحدة-دبي P.O.Box 122038 Dubai-U.A.E المدير العام : 0 تاريخ التسجيل : 23/04/2008
| موضوع: رد: خربشاااااات الأحد سبتمبر 07 2008, 07:05 | |
| الواثق والله انت بتاع محن، و الله أخير من الفلم الهندي بتاع واحد صاحبنا. | |
|
| |
ناندا مشرف منتدى حواء السريحة
عدد الرسائل : 1695 العمر : 43 المدير العام : 0 تاريخ التسجيل : 02/09/2008
| موضوع: رد: خربشاااااات الأحد سبتمبر 07 2008, 10:47 | |
| - ياسرعبدالمنعم على الجاك كتب:
- جماعة راكبين لورى فقال احدهم :
(الفردة دقس واتلحس ودى شوية شرتيت جمعناه من الفرد )؟؟؟؟؟؟؟
تحياتى لك الواثق فسر لى الجملة اعلاه وتقبل مرورى ... دقس : نام _ ما انتبه __ حاجة بالشكل دة اتلحس : وقع ولا حاصلة ليه حاجة شرتيت : قروش الفرد : الاصحاب | |
|
| |
فقدابى1 مميز
عدد الرسائل : 158 المدير العام : 0 تاريخ التسجيل : 02/07/2008
| موضوع: رد: خربشاااااات الأحد سبتمبر 07 2008, 11:08 | |
| الاخ الواثق الله اديك العافيه نحنا عملنا (كبروس) عشان كدا بعد ( عشه الفلاتيه ) طوالى بنركب(بص المنامه) فقدابى | |
|
| |
الواثق مميز جدا
عدد الرسائل : 388 العمر : 39 المدير العام : 0 تاريخ التسجيل : 26/05/2008
| موضوع: رد: خربشاااااات الأحد سبتمبر 07 2008, 12:17 | |
| - Admin كتب:
- شتات يا فردة
دي موجودة ولا اندثرت دي زمان انتهت جات في بدلا(كبر اللفه يا معلم)يعني زوغ شتتتتتتتتتتتتتتتتتتره من طرف الحبيب جات اغرب رسائل | |
|
| |
ياسرعبدالمنعم على الجاك مميز جدا
عدد الرسائل : 188 العمر : 52 الموقع : yaseer_meneem@yahoo.com المدير العام : 0 تاريخ التسجيل : 22/04/2008
| موضوع: رد: خربشاااااات الأحد سبتمبر 07 2008, 21:34 | |
| تحياتى ناندا ووافر احتراماتى على تفسير الجملة الحلمنتشية السابقة .. قد تكون الجملة السابقة من نسج الخيال والله اعلم . وارجو ان تفسر لى هذه الجملة وثق تماما انها ليس من نسج الخيال وانما قيلت وحدثت لاحد زملائى عندما كنت محاسبا فى وزارة المالية بود مدنى وحكاها لى كما يقولون بعضمة لسانه وبالتحديد فى احد قروى المناقل فلهم التحية والاحترام .....
(البوبر كسرن النوكس وحمن السكاسك ايخشن)؟؟؟؟؟؟؟؟؟؟؟؟؟؟؟؟؟؟؟؟
| |
|
| |
الواثق مميز جدا
عدد الرسائل : 388 العمر : 39 المدير العام : 0 تاريخ التسجيل : 26/05/2008
| موضوع: رد: خربشاااااات الخميس سبتمبر 11 2008, 18:46 | |
| [
(البوبر كسرن النوكس وحمن السكاسك ايخشن)
البوبر يعني مفردها بابور وهي اداه تستخدم للحرثالبوابير كسرن يعني كسرن النوكس يعني جمع تكسير للناكوس ولو ما عارف الناكوس مشكله السكاسك يعني دي والله ماعارفها اخشن يعني يدخلن الحواشه
شتتتتتتتتتتتتتتتتتتتتتتتتتتتتتتره
والمالك شعوري | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: خربشاااااات الخميس سبتمبر 11 2008, 19:04 | |
| البوبر كسرن النوكس وحمن السكاسك يخشن
البوبر _ جمع بابور كسرن _ التكسير الهدم النوكس _ جمع ناكوس والناكوس هو قناة تدخل بها المياه وهى غالبا قناة غير رسمية للحواشة ويقولو ليك انت بتفهم بالناكوسى وكذلك الفنان الامين عبد الغفار على ما اعتقد وحمن _ رفضن ومنعن السكاسك _ على ما اعتقد العربات او البكاسى او الدواب فى معناها العام يخشن _ يدخلن | |
|
| |
ياسرعبدالمنعم على الجاك مميز جدا
عدد الرسائل : 188 العمر : 52 الموقع : yaseer_meneem@yahoo.com المدير العام : 0 تاريخ التسجيل : 22/04/2008
| موضوع: رد: خربشاااااات الخميس سبتمبر 11 2008, 21:38 | |
| تحياتى الواثق تحياتى ود عجيب على التفسير
اصبت ياود عجيب فى تفسير السكاسك والتفسير الاوضح الشاحنات الكبيرة (زيدواى -كيواى سيكسويل ) | |
|
| |
| خربشاااااات | |
|