فكرت كتير ... ولسه محتار

فكرت كتير ...
بي عود العدسي جريت كم خط وسرحت كتر
ليه الناس ما بترد على كل تعليق بيهو اسطر
يا ربي اكون ما بعرف .... اكون اشتر
ولا يكون في ردود وانا زول اعور
فكرت كتير
يا ناس الخير
المارقة عصير
وين الوفاء ويييين .... وين حب الغير
ماني صغير ... في النقد احير وفي الكورة ختير
لو ما مصدق ... تلب في البير ...
بير الابداع تلقاني وزير
ووزارتي الريد صالياني هجير
ما ريد ساكت ... ريد اللقاي لي موية الزير
ريد القمرية لفريخا يطير
ريد لي ناسنا انا ليهو اسير
ريد للحلة كل زول فيها صغير وكبير
ريد للغاليين انا شوقي نفير
بس عندي سؤال شاغلني كتير
ليه الناس ما بترد ؟؟ انا زول اشتر؟؟؟ Rainbow

طلق انته ماك اشتر يا اخوي والله انته فينا كبيييييييييييييييييييييييير
وما تزعل يا اخوي وخليك عندك ثقه ذي احم احم احم .
والله وبصراحه وجادي معاك كتاباتك خطير جد.
ومرات كدا بتحيرني الزول دا بجيب الكلام دا من وين .
وما تحتار ..............................

شتتتتتتتتتتتتتتتتتتتتتتتره
يا مشاوير المحبه الكلمه تقلت والخطيوات النديه الغيمه شالت دمعه مره غرقت ................
الصدق اصبح في عيون الناس مظنه .......................
والحقبقه بقت مخافه وانزوت في عمق اعماقنا الخفيه........

اهو معاك المشاكس وحم حم حمحمات الواثق يا رميو
وبعدين انت زول ليه قيمة وبتسعد الناس بى وجودك وعلى طول والله اقرا لكم وخاصة انت وبتاع الحمحمات الواثق واحب تعليقات ابو عشرين لان فيها شىء من صخرية الشامى محمد زين يا رميو ولا انا غلطان
والقصيدة التى اطلعت عليها حلوة وجميلة لانى من المعجبين بهذا النوع من الشعر الزى اشتم فيه السعف ودخان ( الوقود ) بالدارجى ولدى بالكوووووووووووووووووووم واما من الفصيح ما اشتم فيه رائحة البعيركما قال البروفيسر عبدالله الطيب رحمه الله فزيدنا واستزيدنا يا رميو ان شاء من جوليت وصاحبها
وستجدنا نكتب لك او نرد عليك طواعية وبلهفة لما تكتب فانا على اتصال يوميا بهذا المنتدى وقراءة كل حرف وردى دائما بعد صلاة الفجر نسبة لظروف العمل
والان الان انتهى الدوام فاتركك فى رعاية الله وحفظه وكل الاعضاء ود النعييييييييييييييييييييييييييييييييييم0