افطار منتدى السريحة الجماعى

الحمد لله الذى جعل فى صيام هذا الشهر فضلا وثوابا كبيرا والحمدلله على جزيل نعمه
انشاءالله سيكون هناك افطار جماعى باسم المنتدى بالسريحة يوم السبت باذنه تعالى كما نتشرف بوصول الاخ الفاضل سالما باذنه تعالى (هشام شريف ) لارض الوطن بعد غيبة وشوق وهذا الاقتراح كان قد تقدم به الاخ الواثق مشكورا ولهذا ندعو كل الاعضاء لحضور الافطار فى ساحة المحلية يوم السبت ونرجو الحرص على الحضور

تتداخلت الكلمات وتحرشت الحروف وجف المداد عطش لللقيا
ايها العحيب ود عجيب انتم دوما سباقون بالافكار النيره انت و الواثق
لجمع و لم شمل ابنا السريحه ومن خلالكم نحيى شباب السريحه وهاكذا عهدناكم
يا ود عجيب
وتصوم وتفطرو على الف خير
ولكم التحيه

تصوموا وتفطروا على خير يا شباب السريحه العامرة
ونتمناه لقاء فكر وتشاور وربنا يديكم العافيه
والتحيه للأخ / منتصر والواثق
وربنا يوصل الحبيب / هشام إلى أرض الوطن سالماً
وكل الشكر والثناء موصول لكم

جميلة منكم يا شباب وان شاء الله يكون افطارا هنئا شهيا ولا تنسونا بصالح الدعوات والصور اهم حاجة انا عاوز يا ودعجيب تكون الصورة واليد غاطسة فى ملاح الروب والسباتة وجقاقة الابري والبليلة كلها عاوزبين ليها صور يعني بالواضح كده عاوزين نفطر معاااااااااااااااااااكم
وكمان لا تنسوا تصورا لينا مدرسة على ابن ابي طالب عشان نحىى الموضوع تاني ونكمل هذا المشروع المهم
ويا هشام ولا احم ولا دستور ولا ذكرت لينا انك مسافر السودان وانت عارف ان هناك بوست خاص بالاجازات وطبعا عمله الحكيم سقراط

يا السراج تحياتى لك وانت هناك تعيد النضال من جديد عبر منتدى السريحة اليك اسوق التحية لكل سودانى غيور ولكل سريحاوى مثلك ايها السراج

ابوجاسم وينك انت والله اشتقنا ليك بيناتنا تصورو معى الفرشة من اليمين للشمال الادمن واعمامك كبار كده وبعدين ياسر عبد المنعم وجنبه ناس فريق قدام وطوالى لليسار قدس وامين تنير وكل الجماعة ويفصل بين واحد والتانى جردل ابرى وعصيدة دخن وصحن بليلة اها ازول الصف يبداء من ناس ود الزين وينتهى عند ناس الشيخ ود حاج الخليل وبعد الشراب والصلاة الناس تبقى فى كبايتى وكبايتك وصحنى وصحنك وجقى وجقك ويا دمن ما تتخوف انشاء الله اصور ليك ابوجاسم كرعينو الاتنين فى الجردل
ما تتخلعو وتقولو ابو جاسم بشرب بكرعينو يعنى انا اقصد انو نص النهار لامن يعطش شديد يدخل كرعينو فى جردل ملئان موئة باردة
اما المغرب فا سا اصور ليكم ابوجاسم ويدينه الاتنين فى ملاح( الويكاب )

تصومو وتفطرو علي خير