نرجع للمساطيل تانى

مسطول ماشى وراء واحدة مسطولة فكر يقول حاجة

يشاغلها الحلوة وراها مشوار قالت ليهو وراها حمااااااااااار

واحد مسطول شاف امو مولعة فيها نار قاللية منورة ياحاجة

عجوزة مسطولة بتسبح فى حوض السباحة جاء برق قالت خلاص الشباب قام يصور

مسطول بيشاغل فى واحدة لونها (سمراء) قاليها وين يابيبسى قامت تفت عليهو قاليها وكمان بتفورررى

سالوا مسطول عن اكثر زول صبور قال واحد منتظر نانسى عجرم فى قناة اقرا

مسطول قال لى مرتوا انت طالق المراة بتشيل فى حاجاتة قام قال ليها شايفك زعلتى

الله يديك العافية على البسمه الرسمتيها على وجوهنا

ولكي مني كل التقدير والاحترام يا اخت همس المشاعر

شكــــــــــــــــــــــــــــــــــــــــــــــــــــــــــــــــــــــــــــرا

ابو سلطان يقول سلام كتب:: شكــــــــــــــــــــــــــــــــــــــــــــــــــــــــــــــــــــــــــــرا

قبل كده قلت انو المشاركين في البوست نفسهم مساطيل بس ما في واحد صدقني !!! همس تحكي نكتة قلنا عادي ثم يخش ابو جاسم ويثني عليها قلنا عادي بس يجي ابو سلطان ويقول شكرا دي شوية دايرة ليها قهوة جامدة عشان نفك السطلة Rainbow

من أجمل النكت التي قرأتها و الله دمك خفيف يا همس الشاعر براااااافو عليك.

Rainbow كتب:

ابو سلطان يقول سلام كتب:: شكــــــــــــــــــــــــــــــــــــــــــــــــــــــــــــــــــــــــــــرا

قبل كده قلت انو المشاركين في البوست نفسهم مساطيل بس ما في واحد صدقني !!! همس تحكي نكتة قلنا عادي ثم يخش ابو جاسم ويثني عليها قلنا عادي بس يجي ابو سلطان ويقول شكرا دي شوية دايرة ليها قهوة جامدة عشان نفك السطلة Rainbow

دة الذ ما فى البوست :D :D

واحد تزوج الفنانه نانسى عجرم ومابتصلى داير اطلق
راح للشيخ وقاليهو افتنى فى زوجتى تاركة للصلا
الشيخ قاليهو ياخى الصلاة ملحوقه لاكن دى كان مشت مابتتلقى

موضوع النكت التي تمس الناحية الدينية موضوع منتهي ولا مجال لمناقشته ...فالحكم فيه معروف

أما النكت المرحة التي ترسم البسمة وتروح عن النفس فلا بأس بها ...فضغط الحياة ومشاكلها

يحتاج بين الحين والاّخر لرسم بسمة أو مرح ....أو ضحكة ...و كل أمر وله حدود ...

شتتتتتتتتتتره مسطول وقف تاكسى .. و قال للسواق: " يا إبن العم تودينى وين .. و أدفع ليك كم ؟"
.. بتاع التاكسى زاتو طلع مسطول .. فقال ليه : " أنزل هنا و أدفع البتدفعو

مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى ".. و بلوك لى فى لبانة

قالوا مسطول سودانى قاعد مع مسطول مصرى قام قال
".. ليه:" تعرف .. الدنيا دى كلها مآسـى
المسطول المصرى قال ليه: "
ليه .. هو مقاسك
" أد إيه ؟

مسطول خاش معاينة
قالوا ليه اقرا سورة الناس؟
فال ليهم ياتوا ناس

واحد مسطول عندو اقربائه راقدين فى المستشفى قال ماشى ازورهم ...لما مشى لقى واحد درجه حرارته مرتفعه شديد لمن ارتجف والثانى مركبين ليه درب لمن رجع البيت ناس البيت سالوه
اها لقيتم كيف قال ليهم:واحدلقيتو عاملنو هزاز والتانى خاتنو في الشاحن

قال ليك: مسطول سطلة شدييييييدة سالوه :

أسمع يا أبو الشباب: المسطرة
الطوييييييلة دي البشولوها ناس الجامعات دي شنو؟؟؟

قال ليهم: أظنو دا سيف الجامعة البقولوهو.
********************************
مسطول مرتو ماتت قالو ليه نديك أختا؟ قال ليهم: معقول ياخي .. ديل نسابة ولا
شركة تأمين أًصلو.
*************************************
فى مسطول ورجل متدين وشرطى ساكنين مع بعض يوم المسطول قال لصاحبة
المتدين صحينى صلاة الفجر عشان انا مسافر قام صحاه. المسطول لبس هدوم الشرطى
ومشى لما الشمس طلعت عاين لقى روحه لابس هدوم الشرطى قال عليك الله المسطول
فينا منو اقول ليه صحينى يصحى الشرطى
*****************************************
اثنين عساكر مساطيل في حفلة بنادي الضباط شا فوا العروس لابسه فستان كله نجوم

واحد سأل صحبه دي رتبتها شنو ؟
*****************************************
أربع مساطيل راكبين عربية أنقلبت بيهم لمن طلعو منها و شافوها مطفقة
قالو ننفخ في العادم نستعدل العربية تلاته بينفخو و احد واقف بعيد بضحك
الجماعه أستغربو الزول ده بضحك ليه ؟
سألو البضحك مالك يا زول ؟؟؟؟؟ قال أنتو حمير ............تنفخو و القزاز
مفتوح

***********************************
عريس قالوا ليه حمام الساونه ب50 الف قال ليهم شطفوني
*****************************************
مسطول علق جلابيتة فى الشماعة وقعت منة قال دى سلامة الما كنت جواها
********************************
مسطول بيعمل تجربه فى ضبانه مسكا وقال ليها طيرى طارت .قطع ليها جناحينا قال
ليها طيرى ما طارت كتب ؟؟واثبتت التجارب ان الذبابه لمن تقطع جناحيها تفقد السمع
*******************************
مسطول دقنه كبيييييييييييييييييير

دخل الجامع لي اول مره في حياته

لقاه واحد ساله : لو سمحت يا شيخنا انا فاتتني ركعتين اعمل شنو ؟

قال ليه : في زول شافك؟
قال ليه : لا

قال : اعمل نايم.
*******************************
مسطول هبش بي اصبعو اي حته في جسمو قعد اكورك من الالم....ودوهو
الدكتور ...الدكتور
لقي اصبع المسطول مكسور.....

مسطول حاقد كان يمشي مع أمه في السوق وطلب من أمه فلوس امه قالت

مافي فلوس ومرت من جنبهم سيارة الانضباط العام قام العسكري ساله

من الي معاك دي قال الولد دي صديقتي

******************************
اربعة مساطيل زهجانين لأنوا المطره ما جات في الخريف قرروا إنوا يقوموا
يعملوا مطره براهم
قام الاول حاكي صوت الرعد قال دل .... دل .... دل
قام الثاني حاكي صوت البرق قال شو.... شو ... شو
قام الثالت حاكي صوت المطره قال تن ... تن ... تن
الرابع قام لملم المراتب وخشى جوه

*************************************
مسطول قال: صبرنا للزمن يغير الحكومة قامت الحكومة مقلبتنا وغيرت الزمن.
***********************************
واحد مسطول جابوه للقاضي قال ليه لو قلت لي عشرة حاجات بتعملها من الصباح
بتبدأ بحرف الباء بفكك....
المسطول قال ليه بجيبها بختها بفتفتها بلفها بولعها بشربها بتكيف بنسطل
بطفيها بنوم............

********* ***************************
مسطول حاقد فات الملجأ شغليهم غنيه بابا فين

***************************************
مسطول مشى الصيدليه قال ليه فى شريط اسبرو قال ليه

نعم قال شغلو نسمعو

********************************
مسطول شغال فى الجيش قالوا ليه تمشى الجنوب بنديك شريطين قال لو تدونى مسجل ماماشى
**********************************
دكتور قال لمسطول ولدك متسمم بلبن مدته منتهيه قال ايوه رضعتو حبوبتو.

والله يا هشو النكات حلوة شديد ... خلتنى اضحك براى فى المكتب

شاكر لك مرور العطر يا ناندا، وربنا يديم الضحكة.

حلوة يا هشو والله يديك العافية

خليتنا نسطل في المكتب ياراجل

جميل يا هشام ولوتسمح ؛

اثنين مســـــــاطيل الاول يقول للثاني تصدق انت تشبه الحمــــــار ؟ الثاني قاليهــو قول ماشــاء الله
- ــــــــــــــــــــــــــــــــــ
مسطــول لقي اثنين في المقـابر يفتشو علي قبر ابوهم وهم يتغالطوا .. ياهو ده .. لا ماياهو ..ياهو ده لا ما ياهو...... قاليهم المسطول انتو دايرين تدوهو الفاتحه ولا مصـــاريف !!!
مسطـول إشتري سيــــــاره شبح جديدة لنج وهو ســــايقها فتح الراديو سمع هنا لندن .. قال إنعل ابو الســــــــرعه ذاتو

ســـــــواق أمجـاد راكب جنبو واحــــــد سميــــــــن لدرجة إنو ماقادر يســــــوق . في واحـد مسطـول راكب في الكنبه الخلفيـــه قال للسـواق.. ياإبن العـم شيل دركسونك وتعال معانا بي ورا
جعلي ركب الطيارة حلف على بناته بالطلاق يساعدن المضيفات....

***سكير لاقي ست العرقي في الحج
حلفها قدام الكعبة
تاني ما تزيدو موية .

***مسطول بيضرب بوهية
قالو ليهو خت جريدة تحتك
قال: لا لا كدة محص

اثنين مساطيل واحد سأل الثاني قال ليهو: تفتكر يوم الجمعة بوافق أول شهر؟ رد عليهو قال ليهو: والله لو ضغطنا عليهو يمكن يوافق .

كمساري مسطول جاتو بنت قالت ليهو ... وين ؟ قال ليها : والله قاعديييييين إنتي الما ظاهرة .

مساطيل قاعدين فى غرفة رسلوا واحد يجيب ليهم طحنية من الدكان طلع وجاهم بالشباك قال لهم عندكم طحنية قالوا ليه لا.. ماعندنا لكن تعال اقعد رسلنا ليها اسع !!!!

واحد مسطول خش على مرتو وشايل لي كديسة وقال عايني الغوريلا دي مرتو قالت ليه ياراجل انت جنيت دي ماغوريلا دي كديسة المسطول قال ليها انا بتكلم مع الكديسة .

مسطول سايق تاكسى واحد وقفو قال ليهو: نادي الأسرة من فضلك ، رد قاليهو ناديهم براك.

الأحباب الرائعين أشكر لكم مروركم الكريم و أحياء هذا البوست من جديد.