الــــــــــــــــــوداع

ولم أر في حياتي اليوم أمرا * * * أمر علي من يوم الوداع
أرى كبدي تفتت فيه حزنا * * * ودمع العين سال بلا انقطاع
وتختلف الضلوع علي حتى * * * أرى جسدي وروحي في النزاع

لحظات مريره ويصعب علي أن أفارق أحبتي في منتدى السريحه
ولو لبرهه من الزمن بسبب الاجازه القصيرة التي ساقضيها
مع احبتي في مدينتي الغاليه وارجو من كل الاعضاء أن
يتقبلو اعتذاري اذا كنت قد جرت على حقهم واقول لهم
انتم على العين والراس وتقبلو أسفي لمن يحمل في نفسه شئ
تجاهي ونعيد عزومة العرس الميمون ثالث أيام عيد الفطر المبارك
لجميع سمار المنتدى المتواجدين في السودان الحبيب
ودمتم في رعايه الله وحفظه آملن من المولى العزيز القدير ان يجمعني بكم
اخوكم / بو جاســــــــــــــــــم

الأخ الحبيب أبو جاسم محمد بن عبدالمنعم / السلام عليكم ورحمة الله ،
وده خبر شنو ده ياخي ليش ما كلمتنا من بدري عشان عندنا ليك حجر طاحونة توديهو لينا معاك ، لكن طالما الوداع الي الأهل و العشيرة ما في مشكلة لا نملك إلا أن نقول لك رافقتك السلامه و نستودعك الله الذي لا تضيع ودائعه ، و مع ألف سلامه ، آآآآميييين

الاخ ابو جاسم قطعت كبدتى بكليماتك دى وانا اصلى دميعاتى قريبات لكن طالما انت اصلا جاى مشرفنا اذن ده براهو مكسب ونحن الكسبانييييييييين بس لكن انا اكلمك للمرة الاخيرة شعرك الملفلف ده ما تجى بيه عندنا لجنة منبثقة من اللجنة المنبثقة من لجان الحلاقين انو اى شعر (مفلفل ) يعنى فيه فلفل وتوم بقومو يحلقوهو ليك اول حاجة حتين تانى يسلمو عليك وانا حكيت حكاية شعرك دى على الحلاقين لامن خافو
بعدين ياخى اسرع تعال نحن فى انتظارك ومعاى واحد صاحبك طبعا دى مفاجاءة اسمها اسكت ساى

اما الاخ هشام مبارك كل سنة وانت طيب لو ابوجاسم ما شال ليك وصيتك ونساها ما تخاف انا عندى ليه شوال لوبة عدسى موديه السعودية بعدين فى الرجعة بجيك معاهو وانا حقيقة فخور جدا كونك من الاساتذة الذين اخذو بيدنا فى وقت العسرة واتو بنا الى بر الامان وتحياتى عبرك للاساتذة / النعيم (ازرق)/ عبد المنعم (ازرق) وكمال تنير وكل الكوكبة النيرة
الجمعه الماضية كنت بالسريحة وبعد صلاة الجمعه اخدنا لينا نومة فى الجامع القدامى (طبعا ما داير اقول جامع انصار السنة وكده لانو نحن اتعودنا على جامع المستشفى المهم طراك الاخ طارق عبد الرحيم واسترجع كل ماضى الذكريات
الوداع ده نحن ما نقبلو ابدا
انت بس اقطع تعال بجاى
كل سنة والكل بخير

سنفتقدك كثيرا اخي ابوجاسم وفي الليلة الظلماء يفتقد البدر
ولكن لقاء الاهل والاحباب فى ارض السريحة الطيبة له طعم خاص لا يتذوق حلاوته الا من جرب مرارة الغربة

سافر
مطارات الوداع
ضجت
قدامك
وراك
وانتحر النهار هسع
مداك
اتعدى حد الشوق
هواك
اتخت جوة الجوف0

دم على العهد واحفظ الوفاء ستجدنا دوما
boon voyage

ودعجيب كتب:: الاخ ابو جاسم قطعت كبدتى بكليماتك دى وانا اصلى دميعاتى قريبات لكن طالما انت اصلا جاى مشرفنا اذن ده براهو مكسب ونحن الكسبانييييييييين بس لكن انا اكلمك للمرة الاخيرة شعرك الملفلف ده ما تجى بيه عندنا لجنة منبثقة من اللجنة المنبثقة من لجان الحلاقين انو اى شعر (مفلفل ) يعنى فيه فلفل وتوم بقومو يحلقوهو ليك اول حاجة حتين تانى يسلمو عليك وانا حكيت حكاية شعرك دى على الحلاقين لامن خافو
بعدين ياخى اسرع تعال نحن فى انتظارك ومعاى واحد صاحبك طبعا دى مفاجاءة اسمها اسكت ساى

اما الاخ هشام مبارك كل سنة وانت طيب لو ابوجاسم ما شال ليك وصيتك ونساها ما تخاف انا عندى ليه شوال لوبة عدسى موديه السعودية بعدين فى الرجعة بجيك معاهو وانا حقيقة فخور جدا كونك من الاساتذة الذين اخذو بيدنا فى وقت العسرة واتو بنا الى بر الامان وتحياتى عبرك للاساتذة / النعيم (ازرق)/ عبد المنعم (ازرق) وكمال تنير وكل الكوكبة النيرة
الجمعه الماضية كنت بالسريحة وبعد صلاة الجمعه اخدنا لينا نومة فى الجامع القدامى (طبعا ما داير اقول جامع انصار السنة وكده لانو نحن اتعودنا على جامع المستشفى المهم طراك الاخ طارق عبد الرحيم واسترجع كل ماضى الذكريات
الوداع ده نحن ما نقبلو ابدا
انت بس اقطع تعال بجاى
كل سنة والكل بخير

الإبن ود عجيب السلام عليكم ، و كل سنة و إنت طيب ، طبعا يا ود عجيب أنا ما مصدق التطور السريع اللي حصل ليك ده ، ولعلك سبقت عمرك العلمي و الثقافي ، وهذا فضل الله ، وما نملك إلا أن نقول ما شاء الله و ربنا يزيدك ، والله الجماعة هنا كلهم في المملكة ذاكرنك بالخير و مساهماتكم في الرابطة مشرفة جدا ، بس يا ودعجيب سمعنا إنو منظر السريحة الخارجي أصبح غير مشرف للسريحة لأنو فيها سكن عشوائي و عناصر غريبة سكنت البلد وربما يكون لها تأثير سلبي علي البلد ، أرجو أن تهتموا بهذا الأمر مع اللجنة الشعبية و تحاولوا بأي شكل كان تؤثروا فيهم لتغيير الفكرة في تسكين الغرباء و الإهتمام بمظهر هذه البقعة الطيبة السريحة!! أرجو الإفادة في هذا الخصوص يا ود عجيب !!