| قال عبد البديع ... و قالت خالدة | |
|
+6ابوعمر Admin حاتم سقراط رياض عبد العظيم محمد الطيب الطاهر ابراهيم انور التكينه 10 مشترك |
|
كاتب الموضوع | رسالة |
---|
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| موضوع: قال عبد البديع ... و قالت خالدة الثلاثاء نوفمبر 11 2008, 21:05 | |
| القصيدة التى كتبها الاخ عبد البديع و اغضبت اهلى فى السريحة كانت هى السبب لاطلاعى على هذا المنتدى الرائع و انضمامى اليه ،و هى فى نظرى لا تعدو المشاغلة و الفكاهة بما نعرف بين اهلنا فى ونستهم و مكاواتهم بين بعضهم البعض ، و ارجو الا تخرج عن هذا الفهم ... و بنفس المفهوم اورد القصيدة كاملة وما ردت به ابنة السريحة خالدة :
..............................................................................
قال عبد البديع :
لبست جلابية و عطرتها بالريحة
و الشبشب جديد تمرتو بى طريحة
و رأسى اخرنى اديتو كم تسريحة
و يا داب انا جهزت و جاييك يا سريحة
ركبنا العربية و عكرمة السايق
يا رب يا كريم نصل بى مظهرا لايق
عدينا الردمية و المزاج رايق
وصلنا راس الترعة و مافى اى عوايق
شقينا النوايم شوتنا السموم اللافحة
لا همبريب لا ريحة جروفا نافحة
الناس فى التكينة قاعدة مرتاحة
ونحن فى بلدا كان النعاج السارحة
التراب دفنا يا حليل جلاليبنا
الغبار التقول محرش اصلو مابى يسيبنا
الدقداق موت احمر يا ربى ما تصيبنا
و احفظ تكينتك و بى جاها ما تعيبنا
ياربى نصل العديد و نفوتا بى سرعة
كملت الفينا و كرهنا الكنار و الترعة
فارقنا بحرنا و زلطنا الروعة
و الخلا اب تراب دخل فى نفوسنا الخلعة
ود لميد اسم بى شيخ ابو من برة
حمد لله فى حياتى خشيتا فد مرة
يارب يا كريم يا مفرج الضرة
تمرقنا من بلدا منو العاقب اتبرا
النابتى زول تقول ما عايش فيها
حميرا عايره كرهانه واليها
موكرة فى النوايم العيش مضاريها
بيوتن تراث القدم راميها
من بعد النابتى بركات قابلناها
جاهرنا الرهاب السرايا ما شفناها
من شفنا ازرق ريحة الشطة شمينها
استسلمنا للدقداق و هدومنا لجناها
السريحة ما فيكى زول برتاح
عيشتكم كمر اتفانيتو فى الكفاح
الجداد يكاكى و صوت البهايم ناح
اتفاجئنا بالواقع السريحة ما سريحة نصاح
ملعون ابو الضهارى الطوره المشروع
لامة المزارع و السبابى و المقطوع
السبب المخلينى اطرش عوع
شجر البرم وسط البيوت مزروع
وقالت خالدة :
جايى السريحة و سبسبت لى شعراتك
لو ما عجبك وصفه ما كان تزيله شناتك
تعال نديك منديل لى مسح نعلاتك
بتشوف فى الورود الشوك و تنسى الروعة الفيها
ما لاقتك المزارع و الجمال حافيها ؟
ما لاقتك الطيور تمرح تغرد فيها ؟
و ما لاقتك النعاج تتباهى تفخر بيها ؟
العيب مافى السريحة و لا القرى الحواليها
العيب فى النفوس الاصلو الحقد ماليها
خليها التكينة و ركز معاى شوية
ما تعجبك نفسك و جلابيتك الكاويها
بلبسا اى راعى و ما بنعاين فيها
قام الغبار زعلان لمن نظر لى ذاتك
غضبان الدقداق نطط تحت عجلاتك
و حمير النابتى عارت من طلتك و حياتك
و ريحة الشطة فاحت ما دايره اصلو صلاتك
و اكان المعاك كملت استحملن اماتك
السريحة ام القرى لى كل النفوس هى حبيبة
خصاها الاله بى جمال و رقة و طيبة
اسأل علينا منور و البشاقرة قريبة
لو بترجع من البرم ما كنت تغشى طبيبه
لو ناس التكينة زيك و الله تبقى مصيبة
عدل سابقا من قبل انور التكينه في الأربعاء نوفمبر 12 2008, 06:59 عدل 1 مرات | |
|
| |
الطيب الطاهر ابراهيم
عدد الرسائل : 106 العمر : 63 المدير العام : 0 تاريخ التسجيل : 12/10/2008
| موضوع: رد: قال عبد البديع ... و قالت خالدة الأربعاء نوفمبر 12 2008, 04:24 | |
| حقا هجاء جميل لاناس جميلون بظرفهم فكلكم سريحة وكلنا تكينة فالتحية لعبدالبديع وخالدة ولانور التكينة | |
|
| |
رياض عبد العظيم محمد
عدد الرسائل : 190 العمر : 49 الموقع : الإمارات العربية المتحدة-دبي المدير العام : 0 تاريخ التسجيل : 02/04/2008
| موضوع: رد: قال عبد البديع ... و قالت خالدة الأربعاء نوفمبر 12 2008, 06:24 | |
| التحية لخالدة بس وبعدين ياعبد البديع السريحة لو ماشايفها حاجة عظيمة مسرح ومتريح ولابس ليك اجمل
جلابية مالك | |
|
| |
حاتم سقراط مشرف المنتدى العام
عدد الرسائل : 914 العمر : 46 المدير العام : 0 تاريخ التسجيل : 04/05/2008
| موضوع: رد: قال عبد البديع ... و قالت خالدة الأربعاء نوفمبر 12 2008, 06:39 | |
| - رياض عبد العظيم محمد كتب:
- التحية لخالدة بس وبعدين ياعبد البديع السريحة لو ماشايفها حاجة عظيمة مسرح ومتريح ولابس ليك اجمل
جلابية مالك
والله عبد البديع يستحق التحية فقط
لانه خلانا نسمع احلى كلام ورد من خااااااااااااااااااااااالدة | |
|
| |
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| موضوع: اقول لكم الأربعاء نوفمبر 12 2008, 07:58 | |
|
* الاخ / الطيب الطاهر
Iهذه هى الروح التى اتمنى ان تسود .
* الاخ رياض عبد العظيم
اشكرك على المرور و حقيقة عبد البديع لم يحسن من هندامه الا لمقام السريحة عنده ...بالمناسبة انا قابلت عبد البديع و قد اشاد امامى بكلام خالدة و قال بالنص ( و الله كلامها صاح ) بس انت يا رياض لسع زعلان ..الموضوع مشاغلة خلى روحك رياضية .
* الاخ رياض عبد العظيم
اشكرك على المرور و حقيقة عبد البديع لم يحسن من هندامه الا لمقام السريحة عنده ...بالمناسبة انا قابلت عبد البديع و قد اشاد امامى بكلام خالدة و قال بالنص ( و الله كلامها صاح ) بس انت يا رياض لسع زعلان ..الموضوع مشاغلة خلى روحك رياضية .
* الاخ حاتم سقراط
أقدر مشاعرك الحلوة تجاه الحبيبة السريحة و يا ريت تجى السودان و تاخد معانا جولة على ظرفاء التكينة و نوادرهم.
عدل سابقا من قبل انور التكينه في الأربعاء نوفمبر 12 2008, 08:15 عدل 3 مرات | |
|
| |
حاتم سقراط مشرف المنتدى العام
عدد الرسائل : 914 العمر : 46 المدير العام : 0 تاريخ التسجيل : 04/05/2008
| موضوع: رد: قال عبد البديع ... و قالت خالدة الأربعاء نوفمبر 12 2008, 08:01 | |
| - انور التكينه كتب:
- *
[b][size=21]
أقدر مشاعرك الحلوة تجاه الحبيبة السريحة و يا ريت تجى السودان و تاخد معانا اشكرك لتفهم وجهة نظرى حول النشر و هذه جولة على ظرفاء التكينة و نوادرهم .
الله يخليك يا استاذ انور
وازدنا من الاابداع
وما تزعلش يا ريااااااااااااااااض | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: قال عبد البديع ... و قالت خالدة الأربعاء نوفمبر 12 2008, 16:24 | |
| التحية للمبدع عبد البديع والخالدة خالدة وقد كتبوا شعرا حلمنتيشي جميلو اعتقد انه ممزوج بروح دعابة عالية جدا لا ترقى للاستهذاء او التقليل من شأن مكانة السريحة او التكينةوالتحية لأنور التكينة الذي اطلعنا على الحقيقة كاملة ولولا ذلك لكانت لنا اعتقادات اخرى وانا اول مرة اعرف هذه الاشعار وكنت متخيلها عكس ذلك تماماوهذه قصيدة اخرى من الاخ توفيق خالد قد بعثها لي عبر الايميل لتنزيلها وهذه صورة الاخ توفيق خالد ارسلها بناء على رغبة الاستاذ انور التكينة ،،،،،،،،،،، ويا ابوعمر هل الصورة دي قبل عمر ولا بعده؟؟؟؟ ود بساطي زي ما عاهدتكم ساظل عين ترقب المنتدى من بعيد لبعيددي قصيدة نظمتها ردا على ود التكينة " الله يسامحو" بالله تنزلها في بوست " قال عبد البديع وقالت خالدة " للكاتب انورارجو توخي الدقة في النقل طبعا ان سجلتها بالبلتوث بصوتي ايضا " لدى حسبو زريق " في الرياض اتمنى اشوفها في البوست اليوم ان امكم وتقبل تحياتي ........ بسم الله ببدا القول وبصلي على قايد الحق واماموود السمري جدك في السريحة عالي مقامو بالاذان ينادي للغافلين والناموطيبان في تعاملو وراسي ديمة كلاموما جرح خلوق ما خالف وصية امامو الا النار تلد الرماد مثل قالو الجدود قداموفي وسط التكينة كم لي من صديق وعمةنشوانين بالمحبة جمعتنا قعدة ولمةوفي وقت الصعاب نتكاتف بي عزيمة وهمةالعيب ما في التكينة العيب في الوليد الطمةالولد اب ضراع ما بتهمو جلابية ومشط وتسريحةوجدعة شال وشبيشب متمر في الفريق بي طريحةالولد الفنجري هو البباشر ضيفو ضبيحةيقنع المكشوفة ويركز لو من جارو جاتو الصيحةدي قيمنا وميراث جدودنا كان في تكينة كان في سريحةود لميد منارة للبعيد والدانيفي العديد الطيبة حافاها اسمى معانيبركات اصيلة قول وعقب فيها يا لسانيازرق شموخ وعزة اهديها أحلى تهانيفي النابتي الكرم والجود طبع ربانييا سريحة الخير عارف عزك ومستريح والجرحك مريض بيعاني سريحة عامر ما منتظرة منك شكرةاهل الثقافة والجود والعلم والفكرةحافظين حقوق الجار والرحم والعشرةاولاد الكرم الخير طبيعة وفطرةنباشر ضيفنا يشبع شية ومرارة وكسرةوات يا زول مهلوس راجع طبيبك بكرةبي عزيمة الرجال قامت مدن في صحاريوالخير الوفير بفضل الاله والهمة أصبح جاري العلة ما في الغبار ولاها كمان في ضهاريالعلة في الزول وسط البنادر يباريلا ماسك قلم لا صاحب فهم لا قاريقنعان في سوق القيم لا بايع ولا هو شاريبتفخر بي الشبيشب ؟؟؟؟ حقيقة أنت حضاري؟
عدل سابقا من قبل Admin في الخميس نوفمبر 13 2008, 09:25 عدل 1 مرات | |
|
| |
ابوعمر
عدد الرسائل : 92 العمر : 54 المدير العام : 0 تاريخ التسجيل : 05/04/2008
| موضوع: رد: قال عبد البديع ... و قالت خالدة الأربعاء نوفمبر 12 2008, 20:34 | |
| - اقتباس :
- ]نباشر ضيفنا يشبع شية ومرارة وكسرة[/b
ها زول ما جميت خشمنه يديك العافية يا ابوعمر وحقو المواهب الدفونة دي تظهر ومنتظرنك تسجل بسرعة | |
|
| |
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| موضوع: يا سلام ... يا سلام الأربعاء نوفمبر 12 2008, 22:02 | |
| اهو ده الكلام ، و ده الابداع ، و دى الروح العاوزنها تسود ، عرفت من استاذ عبد البديع ( هو طبعا معلم بعلم القراية يا توفيق ) عرفت منه ان كثير من الردود وصلته باليد و سأـحاول الحصول عليها لانزالها فى البوست اثراءا لهذه المجادعة الفكهة . يلا كمان زيدونا ابداع بروح طيبة نتمنى ان تكون ديدنا جميعا . | |
|
| |
الطيب الطاهر ابراهيم
عدد الرسائل : 106 العمر : 63 المدير العام : 0 تاريخ التسجيل : 12/10/2008
| موضوع: رد: قال عبد البديع ... و قالت خالدة الخميس نوفمبر 13 2008, 04:49 | |
| انا هسة مافي التكينة والسريحة لكن في الكلام الرصين والقاموس الحلو بتاع توفيق خالد وسلاسة كلامو وانسيابو انتو عارفين عبدالبديع ما هين ..ما تشوفو كدي قاصد يطلعكم من طوركم عشان يثري ويطلع المكنون ويحرك هذه البرك الساكنة الم تسمع بالطيب صالح في موسم الهجرة الي الشمال يقول ...داخل كل انثي بركة ساكنة اعرف كيف احركها كان ذاك علي لسان مصطفي سعيد (فالسريحة انثي وباريس بين المدائن انثي (نزار قباني جميلة ممشوقة تزكرني بولادة بنت المستكفي عندما زجرها زوجها الامير في علاقتها باب زيدون حين قالت في معني كلامها الا يامرها فهي نفعل ما تريد فقالت انا بنت العلا امشي مشيتي واتيه تيها وامكن عاشقي من صحن خدي واعطي قبلتي من يشتهيها وهي كانت تقصد ابن زيدون علي ما اظن ولا تقصد لكل من هب ودب لكن خلونا في عبدالبديع فالرجل حسه فاق حسكم في طرق الموضوع وها انتم شئتم ام ابيتم انبريتم كلكم علي الرد عليه فيا له من بديع اقام الدنيا ولم يقعدها بس نفسي اشوف الزول ده بيفهم في البروتوكول والاتيكيت وانه مهندم مظبط زي انور التكينة ولا انه لم يستوعب الحضارة او استوعبها فدمرته فصار يهيم ..لكن شكلو كده الزول ده غارق في المحلية فدعونا نستدرجه ونستفزه ونكلمه بلغة لا لا يستطيع الردد عليها اها رائكم شنو يا جماعة انا عارف انو اي زول في دولابو 36 عطر من ماركات عالمية وانو اي زول عندو لاب توب وانو اي زول بيعرف بيل قيتس ولنو اي زول عارف بيفهم في الرهن العقاري واوباما واوبامو ده ذاتو ما سوداني طيب كان طلعناهو من السريحة اها عبدالبديع بسوي شنو ما شايفو بيشبه الناس البيلقطو القطن عندنا التحية لتوفيق خالد ولخالدة ولعبدالبديع ولاخونا انور كل الود
| |
|
| |
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| موضوع: اقول لكم الخميس نوفمبر 13 2008, 07:48 | |
| عشان الشوت يكون صاح نسيت ان اذكر الاسماء كاملة للشعراء الظرفاء : عبدالبديع بابكر الامين بابكر خالدة الامين تنير * شكرا الطيب الطاهر و اتمنى ان اتمكن هذه الجمعة من مقابلة اسناذ عبدالبديع و انزل صورته فى البوست و يا ريت تتمكنوا من جلب صورة خالدة
عدل سابقا من قبل انور التكينه في الجمعة نوفمبر 14 2008, 06:58 عدل 1 مرات | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: قال عبد البديع ... و قالت خالدة الخميس نوفمبر 13 2008, 09:27 | |
| - انور التكينه كتب:
عشان الشوت يكون صاح نسيت ان اذكر الاسماء كاملة للشعراء الظرفاء : عبدالبديع بابكر محمد بابكر خالدة الامين تنير * شكرا الطيب الطاهر و اتمنى ان اتمكن هذه الجمعة من مقابلة اسناذ عبدالبديع و انزل صورته فى البوست و يا ريت تتمكنوا من جلب صورة خالدة الاستاذ انور : لقد تم تعديل مساهمتي السابقة والخاصة برد توفيق خالد وقد اضفت لها صورته فيمكنك الرجوع الى المساهمة ومشاهدة الصورة وقد ارسلها بناء على طلبك لكي يكون الشوت واضح للعيان | |
|
| |
Sheikh Abdul Rehman مميز
عدد الرسائل : 99 المدير العام : 0 تاريخ التسجيل : 09/04/2008
| موضوع: رد: قال عبد البديع ... و قالت خالدة الخميس نوفمبر 13 2008, 10:54 | |
| التحية لكم جميعا اهلي واحبابي في المنتدى
والتحية الخاصة جدا لعبدالبديع الذي كنت اتمنى ان اقابله لانظر للذى تطاول علينا
ولكن بعد ما اتطلعت على هذه المشاركات والآراء وذى ما قال الاخوة فعلا عبد البديع
راجل ممتاز لانو عرف كيف يخرج منا هذه الدرر الكامنة في دواخلنا كما هو الحال بالنسبة
للاخت خالدة والاخ توفيق والله انا سعيد غاية السعادة بهذا المستوى الراقي من الردود
او كما يقول اهلنا من شعراء البادية المجادعة.
طبعا انا سمعت كلام عبدالبديع عبر البلوتوث وكذلك رد الاخت خالدة
فكانا قمة في الروعة كما تنمنى ان استمع لنص الاخ توفيق (ابو عمر).
واقول ليكم ايضا حاجة عبد البديع ده ذكرني تصريح اوكامبو ضد البشير فالراجل قال ليهو كلمتين بس
لكن اهل السودان وحكومته قاموا ولم يقعدوا وكل يدلوا بدلوه وبالجد الراجل اشتهر من خلال تصريحو
اكتر من بوش وسمعنا اشعار كردود على ما قاله اكثر من اي وقت مضى.
فلعبد البديع التحية ولخالدة وتوفيق واخونا انور التكينة الذي قام بعرض هذا الموضوع
ودمتم في رعاية الله وحفظة | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: قال عبد البديع ... و قالت خالدة الخميس نوفمبر 13 2008, 13:47 | |
| ب[color=darkblue]سم الله الرحمن الرحيم الأخ العزيز/ أنــــــــــــــــــــــــــــور بعد التحيه والإحترام والتقدير . جزاك الله خيراً فأنت تحاول أن تطيب النفوس بعد الإساءة الكبيرة والإهانة الأكبر التي وجهها المدعو/عبدالبديع للسريحة ولأهل السريحة وما جاورها من القرى وأنت تقول أن الأمر كله مجرد دعابه أو فكاهه أو مزاح وأنا أقول لك هل تكون الدعابه بالإساءة للغير ؟؟؟؟؟؟ وهل تكون الفكاهة بالتندر بالآخرين والإنتقاص والتنقص منهم ؟؟؟؟؟؟ وهل يكون المزاح بالحط من أقدار الناس ؟؟؟؟؟؟ لا أظن أن الأمر يكون كذلك؛؛؛؛؛؛؛؛ لا يكون الأمر بالإساءة إلى الناس مع سبق الإصرار والترصد ويكون بتعمد الإساءة للغير ؟؟؟ أبداً لا يكون ذلك كذلك ؛؛؛؛؛؛ ثم أين هذا المدعو/عبدالبديع والذي لم نسمع له صوتاً من قبل في فن الفكاهة والمداعبة ولم نعرف له صديقاً يمازحه ويحاوره من أهلنا ناس السريحة ،،،،، وهب أن له صديقاً يمازحه هل يكون ذلك على حساب الغير ؟؟؟؟ ثم أين إعتذاره لأهل السريحة بعد أن علم ( عتب ) أهل السريحة عليه وأنا لا أظنه عتب بل الأمر فوق ذلك وأكبر من ذلك ؟؟؟؟؟ الأخ الفاضل/أنــــــور أنت مشكور على كل حال وأرجو أن لا تفهم من كلامي هذا أن أحمل عليك ذرة من عتاب ولوم ؛؛؛؛ معاذ الله من ذلك ؛؛؛؛؛ بل على العكس تماماً لك كل الود والأمنيات الطيبه ؛؛؛؛؛؛؛؛ و أخيراً أقول للأخ / أنور : الكلمة بمعناها في نفس قائلها لا سامعها ؛؛؛؛؛؛؛؛؛؛؛؛ هذا وإن أردت أن نلقي على الموضوع نظرة شرعية أفعل بإذن الله سبحانه وتعالى . أخوك/ الهدهد[/color] | |
|
| |
ريال مدريد مميز جدا
عدد الرسائل : 821 العمر : 51 المدير العام : 0 تاريخ التسجيل : 09/09/2008
| موضوع: رد: قال عبد البديع ... و قالت خالدة الخميس نوفمبر 13 2008, 16:42 | |
| والله أنا صراحة بشوف الموضوع هذلي ولا داعي لكل هذه المشاحنات ونحن عارفين ناس التكينة ناس نكتة . وكل الكلام دا لا يؤثر في علاقة السريحة والتكينة لأنها علاقة متأصلة وكلنا عارفين إنو السريحة متكونة من التكينة والبشاقرة وكلنا أهل ، وكلنا نعرف مدى الحساسية بين السريحة والتكينة في كرة القدم بالذات وكانوا في أستاد الكاملين بيقولوا لين ناس الشطة وشوال الشطة بقى بي كم ، وحاجات زي دي كتيرة وظريفة . إذا أردتم أن تعرفوا مدى ارتباط البلدين ببعضهما البعض فانظروا إلى كمية البشر الذين يأتون في الأفراح والأتراح وأسألوا أصحاب البكاسي عن عدد الطرحات التي يعملها في اليوم الواحد . من حق كل فرد أن يفتخر بي بلدو وللأوطان في دم كل حر يد سلفت ودين مستحق أذكر في هذا المقام إنو واحد من أعمامنا ناس التكينة كان بيفتخر بي بلدو وقال ( علي الطلاق لو الجنة في الواطة في التكينة ، ولو في السماء عدل التكينة ) . أرجو ألا يخرج الموضوع عن هذا المجال إلى مجالات أخرى . وشكرا لكل الإبداعات التي ظهرت والتي سوف تظهر إن شاء الله . | |
|
| |
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| موضوع: [b]lمساكم سعيد[/b] الخميس نوفمبر 13 2008, 17:08 | |
| و انا أقرأ للاخ الهدهد ساورنى الشك اننى اقرأ لبن لادن الاصولى المتشدد لما احسست فى كلامه من تشدد يحاول ان يشحن به النفوس المتالفة ... يا أخى حرام عليك... ازرع المودة و المحبة بديلا عن بغضاء يمكن ان تتسرب للنفوس من كلامك ... و كمان تقول عاوز تفتى من ناحية شرعية ؟ ياتو شرع الذى يبيح ( المديدة حرقتنى ) ؟ خليها مستورة و خلينا فى كلامنا الطيب الله يرضى عليك ... قل خيرا او فأصمت ...... و فى الحالتين افصح عن شحصك حتى يكون حديثك متصفا بالمصداقية ...... الملاحظ ان الكلام المشاتر دائما يتستر وراء الاسماء المستعارة ... الشجاعة احسن .. * شكرى للاخوة ود بساطى الادمن و الشيخ عبد الرحمن و ريال مدريد على الموضوعية و الكلام الطيب . | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: قال عبد البديع ... و قالت خالدة الخميس نوفمبر 13 2008, 20:45 | |
| ا[justify]لأخ العزيز الفاضل الأستاذ/ أنــــــــــور التكينة المحترم السلام عليكم ورحمة الله نعالى وبركاته . أخي العزيز لقد تحدثت إليك في رسالتي بكل إحترام وتقدير ولم أقصد من كلامي إلا الرد على قائل القصيده والتي قال فيها ما قال عن السريحة ولم أزد على ذلك وعلى كل حال أكرر أنني لم أتعرض لشخصكم بشيء لا من قريب ولا من بعيد و إن شاء الله تعالى لن ( قال العلامة/ إبن مالك : لن تفيد تأبيد النفي ) لن أتعرض لشخصكم الكريم إلا بكل التقدير والإحترام و إن إختلفت وجهات النظر بيننا و أنا والله لا أعرف عنك إلا خيرا و حتى كاتب القصيدة تكلمت عنه كلاماً عامًا ولم أتعرض لشخصه بشيء وكان الكلام على سبيل العموم فيمن يقول شيئاً لا يرضي الغير . وأنا أعيذ نفسي أن أقول ما ليس لي بحق ،،،،، قيل أن رجلاً شتم المهلب بن أبي صفره فقيل له لم لا ترد عليه ؟ قال : لا أعلم له عيباً ؛؛؛؛؛ وأنا أشهد الله لا أعلم لك عيباً ولا أظن بك إلا خيراً وحتى كاتب القصيده لا أعرف عنه شيئاً غير ما قاله في القصيدة . عموماً أخي الكريم / أنور النص السابق موجود بين يديك يمكن إعادة قراءته و إن كان فيه شيئاً خفي على شخصي الضعيف أو لم أستطيع إيصال الأفكار كما ينبغي فأنا أعتذر ولك العتبى حتى ترضى وهذا النص الحالي الذي أكتبه لك الآن ليكون عربون صداقة وفاتحة خير بيننا وأرجو أن أكون قد وفقت في إيضاح ماتصبو إليه نفسي من حب الخير وعدم الإساءة لأي شخص خصوصاً شخصكم الكريم . وللإخوة والأخوات من أعضاء المنتدى كل التقدير والإحترام وأقول للجميع : رحم الله من أهدى إلي عيوبي ختاماً أكرر شكري وتقديري للأخ الفاضل / أنــــــــــــــــــــور هذا وبالله التوفيق وصلى الله وسلم على سيدنا محمد وعلى آله وصحبه وسلم .[/justify][/b] | |
|
| |
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| موضوع: يا سلام عليك يا هدهد الجمعة نوفمبر 14 2008, 07:05 | |
| [الاخ الهدهد تحياتى و كثير تقديرى و تجلتى احجلنى ردكم المهذب و فهمك العميق لادب الحوار .... و ما قصدت الا ان ننشر الكلام الطيب و ندعو للتالف و المحبة بين الاهل . حرام ان يحتبئ قلم بهذا التهذيب وهذه العذوبة خلف اسم مستعار . لك ودى و محبتى .
| |
|
| |
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| |
| |
خوجلابي
عدد الرسائل : 361 العمر : 36 الموقع : ام در/ث تاريخ التسجيل : 03/11/2008
| موضوع: رد: قال عبد البديع ... و قالت خالدة الجمعة نوفمبر 14 2008, 21:08 | |
| بسم الله الرحمن الرحيم ا التحية لكل الأبناء والأهل بالتكينة والبشاقرة والسريحة , ونحب نوضح للكل ا ان الســـــريحة هي بنت التكينة والبشاقرة , وأكثر من 90% اصولهم يا التكينة أو البشاقرة والعين مابتعلى على الحاجب , وأبننا عبدالبديع هو تكلم عن جزو من الحقيقة , فالراكب من الردمية إلي السريحة يجد (الغبار / الدقداق/ وترع مكسرة / ومشي فوق الكنار , وأكيد أنه زار السريحة في لم ين فيه زراعة , أما وصفه للسريحة والقرى الحوليها هو قول مجافي للحقيقة .والشكر كل الشكر للأستاذ أنـــــــور التكينة وهو رجل نحسبه حكيم لمعالجة هذه الإمور البسيطة .. وحقوا من أولادنا أولاد السريحة يكونوا فهمهم عالي . لأن قبل فترة طلعت مقوله أنو السريحة تستحق الظلت والتكينة وقعت غلط , وأهلنا ناس التكينة مشو الموضوع لأنهم بحسوا إننا جزء منهم .... ونرجوا أن نستفيد من كلام عبد البديع وشد حيلنا علي شارع الزلط وتطوير البلد ..... | |
|
| |
خوجلابي
عدد الرسائل : 361 العمر : 36 الموقع : ام در/ث تاريخ التسجيل : 03/11/2008
| موضوع: رد: قال عبد البديع ... و قالت خالدة الجمعة نوفمبر 14 2008, 21:12 | |
| هذا الرد السابق من عبد اللطيف الحاج خوجلى | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: قال عبد البديع ... و قالت خالدة السبت نوفمبر 15 2008, 05:35 | |
| - خوجلابي كتب:
- بسم الله الرحمن الرحيم
ا التحية لكل الأبناء والأهل بالتكينة والبشاقرة والسريحة , ونحب نوضح للكل ا ان الســـــريحة هي بنت التكينة والبشاقرة , وأكثر من 90% اصولهم يا التكينة أو البشاقرة والعين مابتعلى على الحاجب , وأبننا عبدالبديع هو تكلم عن جزو من الحقيقة , فالراكب من الردمية إلي السريحة يجد (الغبار / الدقداق/ وترع مكسرة / ومشي فوق الكنار , وأكيد أنه زار السريحة في لم ين فيه زراعة , أما وصفه للسريحة والقرى الحوليها هو قول مجافي للحقيقة .والشكر كل الشكر للأستاذ أنـــــــور التكينة وهو رجل نحسبه حكيم لمعالجة هذه الإمور البسيطة .. وحقوا من أولادنا أولاد السريحة يكونوا فهمهم عالي . لأن قبل فترة طلعت مقوله أنو السريحة تستحق الظلت والتكينة وقعت غلط , وأهلنا ناس التكينة مشو الموضوع لأنهم بحسوا إننا جزء منهم .... ونرجوا أن نستفيد من كلام عبد البديع وشد حيلنا علي شارع الزلط وتطوير البلد ..... لا فض فوك يا حاج عبد اللطيف فقد اوجزت فاوفيت وخير الكلام ما قل ودلّ | |
|
| |
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| موضوع: اليكم الأحد نوفمبر 16 2008, 08:17 | |
| الاخوة خوجلابى / عبد اللطيف الحاج خوجلى اشكركما على المرور ، وباذن الله سأفرد بوست خاص لزلط السريحة و ما تجمعت من معلومات مبشرة حوله . | |
|
| |
انور التكينه مميز جدا
عدد الرسائل : 239 العمر : 70 الموقع : جريدة الصحافة / الخرطوم المدير العام : 0 تاريخ التسجيل : 30/10/2008
| موضوع: فهمونا الأربعاء نوفمبر 19 2008, 12:21 | |
| يا ادمن صورة عبدالبديع مشت وين ؟؟؟؟؟؟؟ | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: قال عبد البديع ... و قالت خالدة الخميس نوفمبر 20 2008, 18:28 | |
| - انور التكينه كتب:
يا ادمن صورة عبدالبديع مشت وين ؟؟؟؟؟؟؟
يا استاذ انور ما فى عدل فى هذا البوست وانا سألت كل المشرفين والمدراء اكدوا انهم لم يعدلوا فى شيئ ولم يحذفوا هذه الصورة فالاحتمال الوحيد انك قمت بالتعديل بدون ما تقصد فانحذفت الصورة لذلك نطالب بارجاع الصورة مرة اخرى | |
|
| |
| قال عبد البديع ... و قالت خالدة | |
|