قال عبد البديع ... و قالت خالدة

انور التكينه كتب:: قابلت اليوم الجمعة الاخ عبد البديع و قد كلفنى بابلاغكم تحاياه مؤكدا ان الامر لم يتعدى عنده المشاغلة مشيدا برد خالدة و رد توفيق و قال ان الاخ منور غبدالباقى الحاج قد رد ايضا بقصيدة ، نرجو ممن يتحصل على قصيدة منور رفعها فى هذا البوست ، بالمناسبة منور نفسه دليل على ان الجميع اهل فجده الحاج دفع الله من اهل التكينة .

عبدالبديع كلفنى بوضع رقم هاتفه لمن يريد الاتصال به دليلا على حسن النية وهو : 0917359916

حمد الله على سلامة الرجوع
انا قلت يمكن يكون واحد من الهكرز دخل بدون علمنا وحذف الصورة

شكرا يا ادمن على الايضاح ، لكن برضو الصورة ما رجعت ، سأحاول رفعها غدا باذن الله

والله يا جماعة صورة عبد البديع دي التقول فيها جان يا كافي البلاء ويا حايد المحن .

مرة تلقاهو قاعد متحكر ، تمش وتجي يقولوا ليك السماء سألت منو الواطة
يا مهندسين شوفوا لينا حل إن شاء الله تربطوه بي جنزير .

الاخوة الادمن / ريال مدريد

و الله فعلا عجيبة ... اول جيت ارفع الصورة تانى لقيت صاحبك قاعد محكر ... احتمال على نية عبد البديع لانو قال عاوز يغير الصورة دى لانها ما حلوة ... طبعا هو اقيف من كده .. و لم اتمكن من احضار الصورة الجديدة لانى يوم الخميس

مشيت سد مروى و فطيت التكينة

ة

يا أستاذنا أنور المثل قال القحة ولا صمة الخشم ، و الصورة دي ما عندها عوجة تب .

خايفين نقعد نغني أغنية وردي :
توعدنا وتبخل بالصورة ، وطبعا الشاعر ما قاصد صورة أخونا عبد البديع . وكل يغني على ليلاه .
ويا عبد البديع عشان ما تزعل بنقول ليك :
صورتك الخايف عليها ونحن ما خايف علينا .

بالغت عديل و ابدعت يا الريال فى استدلالك بى - صورتك الخايف عليها - يا اخى كلامك بالدارجى عسل خلانا نجاريك و

ننسى التزويق و التنميق و المحسنات البديعية .

ملحوظة : ما تربط البديعية بى ابداع عبد البديع .... ابداعو مش فى القصيدة بتاعت حلل الضهرة ، لانو عنده قصائد غزل ابدع فيها جد .

الظاهر عليهو كدا الزول دا ( محنة ) وجرابو مليان وهو كالبحر في أحشائه الدر كامن ولكن أين الغواص الذي يستخرج لنا هذه الدرر . إنه إنت فهلا أتحفتنا بواحدة منها . ونكون ممنونين .

جدا يا ريال ... مساء اليوم او بكرة باذن الله ارفع قصيدته ( طالبة الثانوى ) و دى طبعا عايزة تفريغ من الموبايل _ الظريف انو المعنية تكيناوية تابعها عبدالبديع من طلعت من المدرسة و اورد فيها دكاكين شارع النص كلها المرت عليها لمن دخلها الفريق _ ما فضل الايقول فلانة بت فلان .