مدرسة السريحة الثانوية بنين وعلامة؟؟

مدرسة السريحة الثانوية بنين كانت سابقا مدرسة السريحة المتوسطة والتي تأسست عام 1987م عندما كل الطلاب يدرسون بمدرسة كاب الجداد المتوسطة وكان 90% من هولاء الطلاب فاقد تربوي بسبب ظروف الدراسة والداخليات والعوامل النفسية وغيرها وكانوا يحكوا لنا عن أشياء يشيب لها راس الفتى من مياه ضحلة واكل غير صحي وعنابر ملئة بالطلبة الا ان جاء افتتاح مدرسة السريحة المتوسطة الذي ازاح كثير من الهموم والمشاكل لهولاء الطلبة فكانت اول دفعة على ما اذكر مكونة من الاخوة معاوية عبد المطلب وحسن عبد المطلب وعمار حمزة ووجدي عبد المطلب وغيرهم من الطلبة آذنذاك وكان اول الاساتذه فيها كمال تنير وياسر حمزة فهم الذين اسسوا المدرسة وكانوا يحملون هما ثقيلا وعبئا اكبر من طاقتهم

بعد مجئ ثورة الانقاذ الوطني تحولت المدرسة الى مدرسة ثانوية من غير تخطيط مسبق وهذا من مساوئ السلم التعليمي فاضحت مدرسة المدرسة ضعيفة فى مستواها لا يوجد بها كادر تعليمي متميز وكانت هناك عدم اهتمام بالمبنى من صيانة وتجديد تأسيسه وغيره مما جعل مبنى المدرسة متهالك غير متوافق مع التغيرات الجديدة

اترك لكم تكملة مشوار المدرسة والذي مر عبر هذه السنوات وما تم فيها من تغييرات وتحقيق نجاحاحات واخفاقات اخرى كل من درس بها يذكرها واتحدث معكم من خلال الصور القادمة

مدخل المدرسة الرئيسي وتظهر فيه اليافطة اعلى الباب

مدرسة السريحة الثانوية بنين وعلامة؟؟ Uuuuuu11

وهذه صورة من داخل حرم المدرسة والجهة المقابله مبنى سوداتيل ويلاحظ كثافة شجرة النيم التي قد تم زراعتها فى عهد الاستاذ على حماد وكنا ساعتها فى ثانية متوسط

الصورة اعلاه تبين الطلبة فى ساحة المدرسة وهم يحملون صواني الفطور والخبز للمشرفين

مدرسة السريحة الثانوية بنين وعلامة؟؟ Img22410

الصور من الناحيا الجنوبية الغربية

تصوير :خوجـــــــــــــــــــــــــــــــــــلابي

بتايخ 12/12/

2008م

مدرسة السريحة الثانوية بنين وعلامة؟؟ W2048

شكرا يا اخي خوجلابي على اضافة الصورة الجميلة والتي تبين الفصول كاملة
ويلاحظ ان هذه الفصول نفسها التي درسنا بها فى المتوسطة ما عدا فصلين جدد ولم يضاف شيئ آخر لكى ترقى المدرسة الى مرحلة الثانوية ومكاتب المعلمين نفس المكاتب مكتب للمدير والوكيل ومكتب آخر لكل المعلمين

ارجو من الاخوة
عبد الله عبد الرحمن ( رئيس رابطة ابناء السريحة بالسعودية
محمد ابراهيم حمد (ابوسالم) السكرتير التنفيذي
هشام مبارك عبد الرحمن 0 العضو الفعال بالرابطة
ارجو من هولاء الاخوة متابعة هذا البوست بدقة لان الجاي تقيل ومحتاج وقفة جامدة منكم ومن الرابطة حتى نرتقى بهذه المدرسة الى رحاب افضل وبيئة دراسية ملائمة لاولئك الطلبة فلذات اكبادنا ابنائنا واخواننا واهلنا

اولا نبدأ دخول فصول المدرسة فصل فصل لنرى العجاب العجاب والبيئة التى يدرس بها هولاء الطلبة وكيف يجلس ثلاثة طلاب فى كرسي واحد ومعظم الكراسي مكسرة وبعضهم يجلس على الدرج لعدم وجود كراسي بالمدرسة

مدرسة السريحة الثانوية بنين وعلامة؟؟ Uuuuuu15

مدرسة السريحة الثانوية بنين وعلامة؟؟ Uuuuuu16

انظروا الى الصورة جيدا وشوفوا كيف يجلس هولائي على الكراسي المتهالكة وكم طالب يجلس على كرسي او ثلاثة على كرسيين

عدد الرسائل : 3 العمر : 36 تاريخ التسجيل : 24/11/2008

شنو يا شباب الوضع دا عاجبكم ولا شنو؟
ولا واحد علق ما فى يعني المدرسة دي ما فى واحد قرأ فيها كلكم قريتوا فى كاب الجداد ولاشنو
نحن عاوزين ارء وتعليقات وذكريات تدعم الموضوع وما شرط الواحد عشان يدخل هذا البوست لازم يتبرع
الكلمة هى فى حد زاتها تبرع -- تبرع ولو بكلمة من اجل مدرسة السريحة الثانوية بنين

Admin كتب:: الاخ ريال مدريد : الرجاء معرفة خمسة طلاب فقط من هولاء ولك جائزة قيمة

انظروا الى الصورة جيدا وشوفوا كيف يجلس هولائي على الكراسي المتهالكة وكم طالب يجلس على كرسي او ثلاثة على كرسيين

أنا شايف الموضوع عبارة عن فضيحة ما أكتر من كدا .
فضيحة للسريحة وفضيحة للمغتربين .
نعلق نقول شنو ، الصورة كافية ولا تحتاج إلى تعليق ، وبالنسبة للتبرعات نحن جاهزين من ريال لألف ريال ، ويعلم الله إني لا أقول هذا الكلام من باب المفاخرة بل على العكس فأنا أقوله وعيوني مليانة بالدموع ( والله أبكي ) ما عارف الأيام دي ببكي كتير لي شنو وفي حاجات يرى أغلب الناس إنها عادية وما بتستاهل الدموع . ممكن عشان الغربة طولت واشتقنا للبلد .
خارج النص :
الصور دي كلها ما عرفت فيها زول .
يكون الناس ديل من أزرق وللا من المحريبات وللا من الخلوات ؟

الله عليكم الاخوه خوجلابي وعيسي وريال مدريد ادمن والله في الحقيقه الموضوع يحتاج الي وقفه كبيره من ابناء السريحه
وانتم صفوه ابناء السريحه .
التابع لحال هذه المدرسه يتاكد ان سبب هذه الفوضه او عدم الاهتمام بالبئه المدرسيه ناتج من سوء الاداره
وليس الدعم المادي ففي الاعوام الاخيره دفع كل طالب ما يقارب 250 الف في السنه لصيانه المدرسه وفعلا تمت الصيانه ولكن لا اعلم كيفه تتدهورت حالتها ومع التدهور في البئه هنالك ايضا تدهور في مستوي التحصيل الاكاديمي ونقص في المعلمين .واذا قارنه مدرسه البنين بالبنات نجد ان مدرسه البنات احسن حالا من البنين
لان اداره مدرسه البنات جيده وتتابع احوال الطلبه عن كثب ولكن مدرسه البنين حتي قبل شهرين كانت بدون اداره فكيف ينصلح الحال
التحيه لك اخي الريال علي هذا الاهتمام كما اعتدناك ..............
شتتتتتتتتتتتتتتتتره
الفارس النتر بيجاي دا اخوي شقيقي براي

والله الفضيحة للسريحة ممكن ولكن المغتر بين لالالالالالالالا
عليك امان الله الغربه دي ما هى هم تاني..............
شوف الاخ ريال يقوال شنو(والله ابكي) الايام بتعمل اكتر من كدا
الله معاكم ربنا يجاكم لنيا بسلاما
والله يعلم انو فى ناس فى السريحة مرتاحه اكتر من المغتربين
ويعين اخوان المغتربين مايسكتوا على الحاصل
البجي من الله كلو خير....

ردا علي تساول الادمن لريال مدريد نوضح اسماء الطلبه الفي الصوره
كل الطلبه علي الاتجاه الشمال ليسو من السريحه ماعدا اخر اثنين علي ما اظن.
اما الطلبه علي الاتجاه اليمين فجميعهم من السريحه
الطلبه الفي المقدمه هم (ابوالحسن ود المك ابن استاذه الجنه والتاني عبد اللطيف رضوان الحاج )
الصف الثاني من الشمال الي اليمين (هجو ود سوار عبد الرحيم و التاني ود عبد الله الشيخ ادريس ما عارف اسمو منو و عبد الله فضل المولي كابو )
الصف الثالث(دا ود ابو عبيده حمزه و احمد ابراهيم الحاج والجنبو دا ود معتصم الحاج)
الصف الاخير ( الواقف دا ود الحاج قسم و البعدو ود الشيخ محمد بابكر وقبل الاخير ود السيد (حنضول )
اخر واحد دا ماعرفتو .
اها بعد كدا عرفتهم يا ريال مدريد
شتتتتتتتتتتتتتتتتره
مابهموا الالوف ان جات مابرجع اصد جاي جاي [/b]

العزيز / خوجلابي :
في أخبار كتيرة بتفرح المغترب ، مثلا الظلط ، البراد ، رخاء السلع ، شالوا نقاط القبانة ،الكهرباء ما بتقطع ، الموية متوفرة ، فلان عرس ، فلانة جابت ليها ولد ، وتكوين الرابطة .
وفي حاجات تزيدك عذاب زي المدارس عايزة صيانة ، الترعة ما فيها موية ، الكهرباء ليها ثلاثة يوم ما جات .
المهم أرجو منكم أن تزودونا بالمعلومة الصادقة مهما كانت مرارتها .

الغالي / الواثق :
دائما ما توضح لنا الأشياء الخافية علينا ونشكرك على كل ذلك .
يا حليلنا نحن بقينا ما بنعرف هجو ود سوار ولا أحمد ود أبراهيم الحاج ولا مجدي ود الحاج باسيلي ( الحاج ود قسم ود حمزة ) .

شتتتتتتتتتتتتتتتتتتتره
شكرا الريال علي الكلمات
شكلك كدا الغربه عملت فيك عمايل ربنا يخفف (امين )
اها قبلي ما انسي دا ما مجدي ود الحا ج دا اخوه الصغير وان ذاتي ما عارف اسمو
ودمتم

تصور يا ريال كلما ادخل فصل من فصول المدرسة قدر ما افتش لي لطالب اعرفه افشل والله لمن خجلت على نفسي وكمان لو عاوز تستعين بأستاذ لتسأله طلعوا كل الاساتذة غرباء ما عدا استاذ مرتضى
فالمفترض يكون كل الاساتذة او معظمهم من السريحة ولكن سياسة الدولة فى التعيين هى التي اعاقت ذلك كما ذكرت لي مديرة مدرسة البنات أ0حنان خالد،، فالتعيين صار الا بالواسطة القوية او يكون لدىك احد المعارف المقربين جدا فى لجنة الاختيار

نمشي لفصل آخر لنشاهد المآسأة التي يعيشها هولاء الطلاب المغلوب على امرهم

فى الصورة المدير واقف على باب ثانية عثمان ونحن على اعتاب الدخول الى الفصل

مدرسة السريحة الثانوية بنين وعلامة؟؟ Uuuuuu19

ثانية عثمان
نفس مشكلة اولى على وهى نقص الكراسي الحاد ويلاحظ تكرار منظر جلوس جلوس اكثر من طالب فى كرسي واحد

مدرسة السريحة الثانوية بنين وعلامة؟؟ Uuuuuu20

الواثق كتب:: شتتتتتتتتتتتتتتتتتتتره
شكرا الريال علي الكلمات
شكلك كدا الغربه عملت فيك عمايل ربنا يخفف (امين )
اها قبلي ما انسي دا ما مجدي ود الحا ج دا اخوه الصغير وان ذاتي ما عارف اسمو
ودمتم

الغربة فعلا عملت فيني عمايل لكن ما للدرجة دي يا الواثق وعشان أثبت ليك إني أحسن منك ود الحاج باسيلي أسمو سيف .
رايك شنو ؟
أحسن منك وللا ما أحسن ؟
وما تفتكر في زول كلمني والله عرفتو براي .