مدرسة السريحة الثانوية بنين وعلامة؟؟

Admin كتب:: تصور يا ريال كلما ادخل فصل من فصول المدرسة قدر ما افتش لي لطالب اعرفه افشل والله لمن خجلت على نفسي وكمان لو عاوز تستعين بأستاذ لتسأله طلعوا كل الاساتذة غرباء ما عدا استاذ مرتضى
فالمفترض يكون كل الاساتذة او معظمهم من السريحة ولكن سياسة الدولة فى التعيين هى التي اعاقت ذلك كما ذكرت لي مديرة مدرسة البنات أ0حنان خالد،، فالتعيين صار الا بالواسطة القوية او يكون لدىك احد المعارف المقربين جدا فى لجنة الاختيار

ما بتصور ! أتصور كيف ! معقولة دي يا آدمن ؟
أكان كدي أنا كويس عرفت ليك الجنا الخاتي علم السودان قدامو في الدرج دا .
دحين دا ما ود علي ود الوسيلة ؟ والجنبو دا يشبه محمد أخوي .
سؤال :
هل تحسن وضع المعلمين إلى درجة أن تصبح هذه المهنة لا يدخلوها إلا بالواسطة القوية ؟ وهل أصبحت رواتبهم مغرية للتدريس ؟
إذا كانت الإجابة نعم فأقول لك إن السودان يمشي للأمام والحمد لله .
فأنا أرى إن المدرس بجميع المراحل والعسكري بجميع القطاعات يجب أن تكون رواتبهم من أعلى الرواتب في الدولة .

ياريال وين اهلك وناسك غربة شنو يااخى تعال وشوف السريحة والله
ما تراجع نحن الخرطو م حاسين بي الغربه
البصر...........البصر.........البصر

خوجلابي كتب:: ياريال وين اهلك وناسك غربة شنو يااخى تعال وشوف السريحة والله
ما تراجع نحن الخرطو م حاسين بي الغربه
البصر...........البصر.........البصر

شكرا ليك يا خوجلابي .
والله الشوق كتلنا عديل كدا ، لكن نسوي شنو ؟
قربت إن شاء الله .
وإن شاء الله نلقاكم تامين ولامين وما عندكم عوجة تب .
آآآمييييييييييييييييين

نعم يا ريال فقد تحسنت اوضاع المعلمين
بصورة كبيرة ولكثرة الخريجين ورحلة البحث عن عمل تكون فى شتى المجالات من وجد وظيفة حكومية تمسك بها حتى لو كان راتبها قليلا وكلن هناك اساتذة
اما معلمي الثانوي فاعتقد ان مرتب اول تعيين يبلغ 700 الف جنية بالقديم يعني حوالي 1500 ريال ويعتبر ارتب محترم جدا ممكن الواحد يعمل منه حاجات كتير
المهم فى الموضوع ان مجموعة كبيرة من خريجي السريحة قد قدموا لوظائف معلمين بالثانوي ولكن لم يقبل منهم احد بل كل الاساتذة الذي يأتوا يكونوا من منطقة المناقل وغيرها وطلباتهم طبعا كتيرة واهمها توفير ميز بمواصفات معينة ( سراير - مراتب - بطانيات - ثلاجة - تلفزيون مع الديجتال طبعا - بوتجاز - واشياء اخرى كتيرة هذا من غير وجبة الفطار التي تتكفل بها ادارة المدرسة يوميا) فلو المعلمين كانوا من السريحة كان حانستغني عن كل المتطلبات هذه وفلوسها تذهب الى الصيانة وترقية بيئة المدرسة0