ديربي الرياض هلالي

أجهز الهلال علي غريمه النصر وحقق فوزا غاليا بنتيجة 2-0 في دربي الرياض الذي أقيم علي إستاد الملك فهد بالرياض ضمن منافسات المرحلة الـ19 لدوري المحترفين السعودي ليتصدر بذلك الهلال جدول الترتيب مؤقتا.

وارتفع رصيد الهلال الي 40 نقطة يتصدر بها جدول الترتيب مؤقتا في انتظار دربي جدة بين الاتحاد صاحب نفس الرصيد والأهلي، بينما تجمد رصيد النصر عند 21 نقطة ويظل في المركز السادس.

يا حليل الرياض وديربي الرياض
كل يغني على ليلاه
نحن هنا بقينا بنعرف ديربي جدة بس الاتحاد والاهلي ويوم تكون فى مباراة بينهما لا تطلع الشارع لانك ما اظن تجي راجع كويس

والله انا معاك يا ادمن دربي جده اقوى هذه الايام
لآن النصر ضعيف جداً مقارنه بالهلال مع أني أميل للنصر
والحاجة التانية المهارات والفنيات والتكتيك في الهلال
وبصراحة النصر عايزلو زمن عشان يرجع والمشكلة
الفي الهلال اذا غاب طارق التايب غابت المتعة مع
انو في محترفين اجانب على مستوى عالي
لكن يا ادمن تتصور انو المهارة موجوده عندنا بكفاية
ام عند الاندية السعودية وهل تعتقد ان الامكانيات
ليها دور في سمعة الكرة السعودية .

[img]

[/img]

Admin كتب:: يا حليل الرياض وديربي الرياض
كل يغني على ليلاه
نحن هنا بقينا بنعرف ديربي جدة بس الاتحاد والاهلي ويوم تكون فى مباراة بينهما لا تطلع الشارع لانك ما اظن تجي راجع كويس

الليلة ديربي جدة ونشوف الآدمن بجي راجع كويس وللا ما بجي .

والله يا ابوجاسم سؤالك دا كبير جدا ومتشعب وعاوز ليه زول متخصص في هذا الشأن ولكن اذا اردت اجابتي فان السودان عنده مهارات لكن عاوزة صقل من البداية يعني العلم فى الصقر كالنقش فى الحجر ولا زم تكون معاهد متخصصة للتدريب الناشئة التي هي اساس المستقبل وهذا يندرج تحت قائمة الامكانيات يعني بالاصح لو القروش البدفعوها صلاح ادريس وجمال الوالي للهلال والمريخ لو انفقوها فى معاهد كرة قدم متخصصة لتدريب الناشئة كان حايكون هناك فريق كرة قدم سوداني يضاهي البرازيل

الاهم من دا كلو يا ريال الليلة البرشة بيلعب وان شاء الله حانستمتع بالعمالقة ايتو وميسي

كلامك في محلو يا ادمن الامكانيات منصبه تجاه ناديين فقط في السودان
لكن المدارس دي ما اضن حتستمر في وجود منافسة بين هلال ومريخ
اي واحد بيبرز ودوهو هلال أو مريخ يعني انتهى والمهارات الفي السودان
مافي زول بختلف عليها بس مافي الرعاية السليمة من المختصين السبب
العنصرية ممكن بين هلال ومريخ حتى ولو على حساب سمعة الكرة السودانية
وده عيب كبير ما هو المشكلة لو عندنا اربعة خمس أندية على الاقل ينافسو
على المراكز الاولى كان حيكون السودان ليه شأن المشكلة من البداية الدوري والكاس
محسوم هلال أو مريخ يعني بقية الفرق بيتعبو ساي
الله المستعان

اتوقع الادمن ده من كلامو بيشجع الاتي

لانه بيشجع البرشا كما هو حال النصراويين

تخيل يا ادمن ريال مدريد فاز على اخر الدوري

ظلم ضربتين جزاء لم يحسبهم الحكم

في الجولة السابقة

ما تتكلم عن الظلم .
وين الظلم لما الريال كان بيلعب مع إشبيلية وكان هناك ضربتين جزاء مع هغوين .
وين الظلم لما الحكم طرد روبن عشان ما يلعب ضد برشلونة .
وبعدين طيش الدوري دا ما كان غالبك لغاية الدقيقة 85 وللا نسيت .

أهم حاجة الآدمن ما يمش يتحاوم في شارع التحلية وللا الكورنيش بعد نهاية مباراة الإتحاد والأهلي .

لا انا من الشغل وعلى البيت على طول امشي اعمل لي عصيدة بملاح روب كارب كدة وهدي نومة Sleep

بالهناء إن شاء الله ، بس أنا قايل أكان شلت ليك بروست من البيك إكون أحسن عشان تغير شوية من العصيدة دي .

بس انته يا مهيد ما مقتنع انو البرشا احسن من الريال
اليومين ديل حتى في التصنيف حق الفيفا احسن
نادي ولا عندك اعتراض

والله نحن الحقيقة دي بنقولها ولو على رقبتنا .
طبعا البرشا أحسن من الريال والفرق بينهما 12 نقطة ولا يعني ذلك أن أترك الريال وأشجع البرشا .
سيعود الريال كما كان ماردا جبارا في كل المحافل .

اجابة دبلوماسية بس وين يا حبيبي تطولوا البرشا تاني
البرشا السنه دي غير تكاتف جماعية اخلاص اقول ليك
شنو تاني ديل حددوها وكملو الطبلون زاتو مافي مشكلة
شاكلو في المركز التاني قبل ما تطير الفرصة

السنة الفاتت إنت جيت التالت ، يعني ما مشكلة نحن نجي التاني وللا التالت .
وأنا أقول سيرجع الريال ماردا ليس في هذه السنة وإنما في السنة الجاية إن شاء الله .
أفرحوا السنة دي وبخيتة ومبروكة عليكم .

الديربي يا جماعة انتهى لمصلحة الاهلي 2/1 مباراة فى قمة الروعة
هسع انا ماشي مندسي بالزقاقات عشان ما تجي عربية تشوتني

الله يستر عليك يا أبو ناجي .
بس كيف تكون ماش بالزقاقات ومتواصل معانا في المنتدى شايل معاك لاب توب وللا شنو ؟
بالله خلينا من النجر دا .

أت آآبو ناجي ، ناجي دا بسوي في شنو ؟

بصراحة كانت قمة في التحدي ومبارة رائعة
وكانت أحسن من ديربي الرياض من جميع
النواحي ولكن للأسف يا فرحة ما تمت
لوكان فاز الاتحاد كانت كملة الحلاوة وليك
حق يا ابو ناجي تمشي بالزقاقات لان
الاتحاد كبير جداً ورقم صعب في الكرة
السعودية.

بالمناسبة يا ابوناجي شفت المتعه أمس
وشفت نجوم البرشا عزفو سيمفونية ضوء القمر
واروع ما يمكن وصفه في عالم المستديرة
الله عليك يا مسي وأيتو وأتشافي وانيستا وهنري
وتوري وابيدال والاسد فيوول وفالدز الحارس الامين
وما ننسى ماركس وكل العقد الفريد متعه يا أولاد
الله يستر من الفضايح التانيين !

ما عليك من الناس التانيين ، خليك في رقبتك .
الناس التانيين ديل قنعانين من الدوري السنة دي ، خلوهو ليكم .

والله ناس السعودية ديل جنهم كورة ... البرشا والريال الحاصل شنو كرهتونا ياخي

شنو يا سانتو ما كنت جنك كورة الحاصل شنو ؟
الظاهر عليك حال الهلال دا ما عاجبك .
وبعدين ما في موضوع نتناقش فيهو غير الكورة لأنها متجددة وما بتكمل .

لا عليك الله ما تقنع ياخي خلينا نحن نقنع
اصبر اكلم ليك ناس ايتو ومسي يتهزمو شويه
بدل البهدله العاملنها في الفرق دي حرام
كل يوم يهزمو فريق رحمة مافي عجيبه
وبعدين يا اخ رياض احنا لوما لقينا كورة بنموت
بقت زي الاكل والشرب بالنسبة لينا