ديربي الرياض هلالي

إيتو دا ما تحسبو .
برشلونة دي كلها ميسي بس .
لو غاب ميسي غابت برشلونة وظاهر من النتائج .
إيتو دا بتاع ملح ساكت .
وبعدين الظلم الذي تتكلم عنو أمس ظهر جليا في هذه المباراة .
نقض الحكم هدف صحيح مية المية بشهادة المحلل طارق ذياب ، واحتسب الحكم هدف برشلونة من كرة متسلل فيها دانيل الفيس .
دا كلو وكانت النتيجة صفر / صفر .

العبرة في الخواتيم يا باش مهندس
طيب احذف هدفين مش برضو البرشا فايز
وما تقولي حاله معنوية انته عارف البرشا
لما بيجي فيها هدف ما بكفيهم عشره
زي البرازيل تحترم نفسك وما تجيب فيهم
هدف احسن تلعب للتعادل من انك تتهور
وتجيب في البرشا هدف وبعدين ياخي
ايتو ده حكاية هداف الليقا يكفي ان كل
سنة معدل الاهداف هدف في كل مبارة
يعني المباريات البلعبه وميسي اتحدى
العالم لوكان في زيو اناقه ورشاقة ده
بريال مدريد ولاعبنهم ومشجعينهم

نحن ميسي ما بنتكلم فيهو ولافي واحد في الدنيا ممكن يقول فيهو كلمة واحدة والعالم كلو معترف بي موهبتو وسحرو الكروي .
لو ما متابع أو ما متذكر أنا بذكرك :
فريق نومانسيا دا في المرحلة الأولى إتهور وغلبك واحد / صفر .
لماذا لم تستطيع أن تعادل فقط .

يا ابوجاسم لحتى الان ما وريتنا النتيجة كم؟
لانه كرت الجزيرة حقي خلص وما عارف اتابع المباريات

النتيجة الاخ ادمن 4 / 1
طبعاً 2 ميسي
ايتو و هنري
وبهذا يكون النادي الكتلوني قد رد الصاع بصاعين

[img]

ديربي الرياض هلالي - صفحة 2 F7up-01f56edaf8

[/img]

الليلة الريال لاعب يا ريال مدريد بالله

لا تنكسف اذا اتغلب وخلي الامور عادية

احسن حاجة عندكم كاسياس وبس

لو ما هو الله اعلم كنتو تكونو في ياتو درجة

اول حاجة ياجماعة الهلال دائما كبير في كل مكان كبير
تاني حاجة ديربي جدة إنتهى للأهلي 2/1
والصراحة البرشا السنة دي خطييييييييييييييييييييييييير
والريا كان في البداية نائم

التحية ليك ابو سلطان وبعدين فعلاً البرشا خطير
والريال نايم فاقد مخدة وبطانية على سرير أو عنقريب خليهو
بالامس كان فوز الريال هزيل 1 / 0 ام ديبورتيفو لكرونيا
احرز الهدف راول طبعاً صدفه ضربت في راسو عكسها ديارا
وانقذ كاسياس الموقف في عده كرات يعني كان في ضغط
على الريال مقابل هجمات تكاد تكون معدومه للريال

أحسن تخلو الأسد نائم لأنو لو صحيتو تاني تبقوا في البنومكم .
دي بسموها استراحة محارب .

ياراجل نتمنى للريال نوم العافية ونومه ابدية انشاء الله

شنو يا معلم سافيوله يا خي عتت في

الريال في الكنبه وقال ما عاوز خلقة الريال ده

صحيح المعلومة دي الريال التاني

سافيولا شنو دا البلعب في الريال .
وكلامك متناقض :
مرة تقول عتت في الكنبة ، يعني ما لاقي طريقة إلعب .
ومرة تقول ما عايز خلقة الريال ، بل بالعكس الريال ما داير خلقة سافيولا .
خليهو إنقلع الله لا رداهو ، نحن فكينا فطاحلة في الكورة تقول لي سافيولا والله أنا شايف الجمبور أحسن منو .

الجنبور الماعاجبك ده عندو هدفين فاهمني يا باشا احسن منك

وحالياً بالعب في دوري المحترفين السعودي على ما اعتقد الرائد

يا سيدي إن شاء ربنا يزيد أهدافو ونحنا ما حاسدين وإن شاء الله يكسر الرقم القياسي كمان .

والله تعليق جد جميل يا الريال افرحني كثيراً

وشايفك وانته بتقول الكلام ده وانته ما راضي

يعني زعلان اعترف .

ما هي المشكلة انته لو لقيت واحد يديك

كورة مرتده كنت هاجمت وخلصت الهجمة بي

هدف جميل وممكن يكون ذهبي ولو انو تم الغاء

الهدف الذهبي ده .

أنا فعلا محتاج لي صانع ألعاب زي زيدان أو ميسي عشان أظهر كويس في المباريات .
المشكلة أنا بجي راجع لغاية الدفاع حقنا وأشيل الكورة وأمش بيها ولما أصل خط 18 يكون نفسي أنقطع .

ههههههه الله يديك العافية يا الريال

والله صحي براك يا خي طيب عيد تشكيله الفريق

وكرب النص ودخل ليك لعيبه اجانب في النص والدفاع

بالفريق دا ما في طريقة أنا لازم أغير جلد الفريق بالكامل يعني تسجيلات أو إن شاء الله إعارة لمدة ستة شهور ولو ما نجحت بنتقل لي فريق تاني أو ممكن أعتزل الكورة مرة واحدة .

تعتزل دي ما بأيدك عليها يا الريال انه لسه شباب بس ما عليك وفر الملاعب الكويسه والمناخ الجيد للعيبه واستعن بالله ونوم بدري خلي الحفلات الكتيره دي وخش الملعب
بي قلب جامد وان جاتك عكسه ما تتردد وتقول ياها ولا ماياها شق الدفاع واتوغل
وسدد في الثمانيات اصعب موقع الحارس يكون يفكر فيه خاصه الشمال وبعدين
ما تستنى زي بحيري الكورة لمن يدقدقوها ليك

أنا الأيام دي متابع لي لاعب وشايفو كدا عندو مستقبل في اللعبة ، وما معروف سعرو كم بس مهاراتو كويسة وسريع وبيلعب بي رجليهو الإتنين وعندو باصات بينية قاتلة ، يعني لو قدرت أسجلو معاي في الفريق ممكن نلعب ون تو ونسوق الهجمة لغاية ما ندخلها في الشبكة ، والظاهر علينا كدا حانكون متفاهمين في الميدان وممكن نشكِّل ثنائي خطير يرهب كل المدافعين .

ما تكون ناوي تفشل انتقال كاكا للريال وتشتريهو انته
بالمناسبة عندي ليك جناح فلته السر الاخيدر - امريكي -
ممكن يقشر ليك الكورة فوق راسك وتلاقي حسن
ابوعلي يطمعك بي كور عرضيه ومستعد انا اجر ليك الحارس
واديك باص وما عليك الا تهدف وبس . بالمناسبة اللاعب ده
شكلي عرفتو انا ومستعد اقولو ليك ,,,,,,
زي ما بقول الادمن يتبع

اللاعب دا ما في زول شافو ، أنا متابعو من وكت كان بيلعب في فريق الناشئين ، وأنا عندي نظرة بتاعت مدربين ، يعني اللاعب دا لو اهتم بي نفسو شوية وسمع كلام المدربين ممكن يسجلو المريخ وبي شوية توفيق واجتهاد ممكن يلعب في ريال مدريد .

قصدك شنو يعني انا ما بعريفو على

العموم هو مميز فعلاً ممكن بتقصد

مصعب همزه لمن كان يشوت الكوره

وهي واقفه ويجليها كان الاخيدر يقول

ليه هازول انته كراعك دي مقدوده

نضرب ليك مثل بي ناس القادسية عشان ممكن تعرفو :
ليهو سرعة البعيو ، ومهارات سليمان محمود ، وشوت فتوح ، وقوة ود السيد علي ، وبسالة مهند ود جدو ، وقوة راس الطيب ود الفكي قسم السيد ( عكليت ) لو بتتذكر الطيب دا كان تجرو بي جاي يجيك بي جاي وتجرو بي جاي يجيك تاني بي جاي لغاية ما تزهج وتديهو الكورة وتقول ليهو هاك ليها شيلها .

يا الله على زمن القادسية يا الريال

تزكر لمن لعبنا مع جابك اجلك

الاخيدر خاش في تحدي وقال ليهم

الشوط الاول ما بنلعب معاكم ونخليكم

تلعبو براكم والشوط التاني اخر الدقايق

ندخل ليكم الحارس مع مهاجم واحد

يجيب قون واحد نفوز عليكم لعبنا المبارة

كلها وقلبونا 2 صفر الغريبة ناس جابك اجلك

الواحد بيتدرب بي كورة اسمنتي وقفازات الحارس

من حديد والكدارة شوك ملصقنو في ارجل اللعيبة !!