الصمود في وجه الزمن

[img]

[/img]

الصورة لمدرسة السريحة الإبتدائية بنين ( عمر بن الخطاب ) والصورة من الجهة الشرقية للمدرسة وترى زاوية المرحوم الحاج ود محبوب بس يا أبو جاسم الصورة دي قديمة وللا جديدة ونرجو منك أن تقوم بتصغير حجم الصورة لأنها كبيرة لدرجة أن شوهت البوست .

قفا نبكي من ذكرى حبيب و منزل *** بسقط اللوى بين الدخول فحمول

الهدهد كتب:: قفا نبكي من ذكرى حبيب و منزل *** بسقط اللوى بين الدخول فحمول

أها وقفنا ليك أخي الهدهد وأبكي بي راحتك

التحية ليك اخي الريال وللاخ الهدهد على المرور الكريم
وبعدين يا الريال الصورة دي في اجازتي الفاتت دي
يعني لسه ما كملت شهرين لنج وقابلت قبل ما التقط الصورة
الاستاذ الفاضل / عمر الشايقي ودار حوار في تطوير المدرسة
ا

[img]

[/img]

دي هدية ليك يا الريال عرفته الزول ده

دا مردس ؟
والله يا أبو جاسم أنا مشتاق لكل شجرة وطوبة وحصحاصة من السريحة .
وصدقني لما أشوف صورة وللا زول من السريحة دمعتي تجري فررررررررررررررررررررررررررر .

نختبر زاكرتك شوية الصورة دي وين

الصورة دي تقريبا جنب بيتكم ، وعلى ما اعتقد إن الشجرة الكبيرة التي تبدو في الصورة هي شجرة اللالوب حقت ناس أب سعيفة ، ولكن يبدو لي أن هذا الشارع أصبح ضيق شوية .
إنتو زحفتو على المقابر وللا شنو ؟

صورة جميلة يا ابوجاسم
وانا شاركم البوست الجميل بالصورة دي
دي يا الريال لو عرفت الشفع الفي الصورة دي ليك جائزة كبيرة جدا وطبعا شوفهم بلعبوا في شنو؟

جميل يا مهيد والله ذاكرتك ميه ميه انته جيت من السودان متين

والله يا ادمن اشك انو يعرف واحد فيهم حتى
انا اعترف لم اعرف ولا واحد حتى المكان صعب علي

معقولة يا ابوجاسم دا انت الجيت اول امس
وكمان الشفع ديل قريبين ليكم

لك ودي يا ابو جاسم مع انو خليتنا في حالة حزن
والله ايام يا زمان ببكي وبتحسر عليك

الآدمن كتب :
دي يا الريال لو عرفت الشفع الفي الصورة دي ليك جائزة كبيرة جدا وطبعا شوفهم بلعبوا في شنو؟
والله ديل أكان يعرفهم الخلقهم .
والله حرام عليك يا ود بساطي أنا لي ستة سنة من السريحة تجيب لي شفع عمرهم خمسة سنة . جيب لي صور ناس كبار شوية .

والله يا ريال الشفع ديل اقاربك شديد

والله بصراحة أنا من الأول كنت شاكي في اتنين منهم وهم فرح ود النور ود حسن حليلو والتاني علي ود جلال ود بابكر ود العباس ، بس ما كنت قايل الصورة قديمة ، كان تورينا عمر الصورة .
وإن شاء الله أكون صاح .
أما الاتنين الفي النص ديل علي الطلاق ديل حواء وآدم ما يلمني فيهم .
إتشابهو كدا الظاهر عليهم أخوان .

انا صراحة ما بعرف فيهم ولا واحد الا الجنا العريان ما لابس فنيلة دا لانه هو المهم فى الصورة وهو يقرب ليك شديد
اما البقية والله ما اعرفهم ولكن كلامك اكيد غلط لانه الشافع قريبك دا المفروض تشبهه على ابوه المغترب
اها كدا ما قربتها ليك

ادمن النتفاصح ليك شوية

ده لو اخوه مابعرفو ياخي الراجل

سته سنة ماشاف السودان والله

كتيرة انا ماعارف الناس بتطول كده ليه

تحياتي لك الخال العزيز الدحيش

بالمرور الكريم وشايفك متأثر شوية

ياخي دي حالة الغربة مره ومؤلمه

abu Jasim كتب:: ادمن النتفاصح ليك شوية

ده لو اخوه مابعرفو ياخي الراجل

سته سنة ماشاف السودان والله

كتيرة انا ماعارف الناس بتطول كده ليه

ما شاء الله إت زي عصام ود الطيب وللا زي عبد العزيز ود أحمد .
ديل ما أظن قعدوا في السعودية أكتر من شهر وتقريبا إقامات ما طلعوها .
قاعد ليك في غرفة واحدة تسعة سنة وتتكلم فيني أنا ، وكلما نقول ليك خلاص كفاك سافر شوف أهلك تقول لينا هو أنا متين جيت ، أو تقول والله أنا لسه دربي ما إتمسح .

والله دا امتحان أصعب من امتحان الكيمياء !
!!!!!!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خليني أخمن ساااااااااي .
الجنا دا فيهو شبه الطيب ود عبد الوهاب .
ولو كانت الإجابة غلط أرجو منك أن تخبرنا بتاريخ الصورة ، يعني هل هي جديدة في نزلتك الفاتت دي وللا ليها كم سنة .
أو لو بتقدر تطلع الشفع ديل في الشمس دي شوية كدا عشان نشوفهم كويس .
وبعدين الجنا دا أبوهو يشيل ويرسل ليهو في الهدوم مالو ما لبسها ؟

ما تقول لي دا ود العبيد خالي !
والله غايتو أنا كل ما أدخل علي الصورة أشوف فيهو ملامح زول .