الصمود في وجه الزمن

عندي ليك حل ياريال أدخل البيت بعد الفجر وشيل هدايه بسيطه لمن يرافقوك وحدتك وجهاز بلستيشن وجوزين كتشينه واخرج بعد شهرين من البيت وواصل الاربعه أشهر عادي.

معقولة كدا يا روز ؟
نحن هنا شغالين بي نفس البرنامج دا ، نجي السودان وما نغير حاجة ؟
وين العرس ووين الكورة ووين السوق ووين الرحلات .
إنتي دايرة تسجنيني ؟

السلام عليكم ورحمه الله وبركاته الاخوه ابوجاسم والريال المشكله مافي كدي اوصيك ياريال البس الساعه

صيني لانها لم تستقر في يدك اكثر من اسبوع والجلابيه دي عجباني خليه لي بعد تجي مسافر أحتفظ ليك بملابس

ماتلبسه من اجل ماشوفها علشان ترجعبيها مري اخري والاانك سوف تشتري من الخرطوم انت مسافر0

والله يا بهيج صعبتها خلاص .
معقولة وصلت الأمور للدرجة دي ؟
والله شكلنا كدا دقينا خروج نهائي من السودان .

اعزوروني يا شباب ان قلت لكم هذا الكلام غلط ولا يعكس صوره جميله عنكم وعن السريحه
الناس هنا صارت تعلم بوضع المغترب وانها قد تكون احسن منه فلم يعد المغترب هو مغترب زمان الذي كانت كل الحله تسمع به اذا وصل من ارض الغربه الناس صارت تفكر في هم المعيشه وما جايبه للبجي والبفوت
الناس بقت داير جيت المغترب عشان بكون في كميه من الحنين والاشتياق الي ونستو وبعدين هنا الحياه لو عندك الف بتعيش ولو عندك ميه الف بتعيش ، لذلك اخوتي لا تصعبو الامور (الداير يدقس يسمع كلامي دا )
الريال جاي بتين (جيب لي معاك ........هههههههههههههههههه)
شتتتتتتتتتتتتتتتره
كل طاير مرتحل عبر البحر حملتو اشواقي ............(عثمان حسين )

والله يا الواثق كلامك دا ما تعرفو هظار وللا جد !
أنا داير أدقس رايك شنو ؟
جاي إن شاء الله بي باظ البحر .
المهم بعد ما أجي ما في واحد يجيني ويحنف لي وشو .

والله جادي معاك تعال ساي يا زول ،لكن ما تجي نهائي كدا

خلاص أنا جاي .
بس ظبطوا البيت كويس ما ألقى لي حيطة مشرومة والبيت القدامي جيروهو وقشوا الفريق .

يا الريال انته ما قلت لي انك ناوي

اخر ريال في السعودية تشاكل

فيه وبعدين انته ما عارف انو الريال

بقى قدر الجادة الموكيت يعني ما بتقدر تشيلو ؟

انا بنصحك لو ما عندك 100 الف ريال تعدي بيها اجازه شهرين

ما تنزل وممكن تتدين لمن تجي راجع !!

أنا منتكل على الله ثم كلام الواثق .
وناس الواثق ديل بسدوها وبقدوها وللا شنو يا الواثق ما تقوم تحرجني مع الناس .
اثبت ليهو إنو وراي رجال .

خليك مع الواثق يا ريال ...

ناندا كتب:: خليك مع الواثق يا ريال ...

مشكلة الواثق إنو هلالابي والهلالاب ديل كضابين وما عندهم أمان وممكن يخذلوك في أي وكت .
غايتو أنا بتجرب وفي الحالتين أنا كسبان .
إما أن أقضي إجازتي في أمان الله وإما أن تزيد قناعتي بالهلالاب .

ناندا كتب:: خليك مع الواثق يا ريال ...

مشكلة الواثق إنو هلالابي ونحن عارفين الهلالاب ديل كضابين وما عندهم أمان وممكن يخذلوك في أحلك الظروف .

خلينا يا الريال من هلال ومريخ انته ما سمعته
الاغنيه البتقول الناس عندهم مردونا ونحن اولادنا
ديل مرضونا .
عاوز اقول ليك حاجه لمن تمشي اجازه كتر من الكلام
ده / اشفيك - حياك الله - وين الربع - البزوره - يعني
سعودي بقولو على طول الزول ده رويان طبعاً خليها
وهمه ولمن يسألوك عن الهدايا اعمل فيها رايح اش تقولون
وبين انك ما عارف حاجة

العضوة روز لا تأخذي بالظاهر و أمعني التبصر في خباي و دواخل المغترب الذي هجر الأهل و الأخوة و ربما المحبوبة ايضاً، إن سويعات يقضيها مع من يحب تسوى كل سنين غربته، و ربما قصر اللحاف هو الذي يجعل بعض المغتربين و يمنعهم أن يمدو ارجلهم لتصل الى الوطن و الأهل، انا أحمد الله اني كل عام أعود لأتزود بالعزيمة و اشحن بطاريتي التي لا ادعها تفرغ نهائياً حتى لا أتوقف عن الحياة، و كل مغترب أمله أن يعود الى الوطن و ان ينهي سنوات بؤسه رغم الحياة الرغيدة و الوضع الأفضل الذي نعيشه في الغربة، اما سمعتي القصيدة التي يغنيها صلاح إبن البادية و التي هي بشكل خطاب، و اسم الأغنية هي الهدف و التي يقول فيها:
مناي ياهدفي تتحقق وارجع للوطن ظافر
كفاي غربة وفراق احباب، وراك لمتين انا مسافر
* * *
سنين في الغربة متألم، أعاني من العذاب ألوان
اعيش في الليل بذكراهن، وحيد بينهن انا الانسان
اشيل الليل ضنى وتفكير، وفي بحر الهموم غرقان
اتوه في الظلمة شارد البال، اسافر في الخيال سرحان
واحلم بالهدف مرة، اكاد اصحى واطير فرحان
وتصبح شمس يوم باكر، اعود لمرارة الحرمان

مناي ياهدفي تتحقق وارجع للوطن ظافر
* * *
صبرت على الهدف سنوات صبر أيوب علي قليل
أشيـِّد في الخيال آمال وأبني قصور في مجرى السيل
وارجع تاني من أول أعيد نفس البنيتو قبيل
ويرجع من جديد السيل شديد بالحيل يهد ويشيل
أظن يا دنيا بختي قليل وسوء الحظ قصدني عليل
ومهما تعاكس الأيام، تجدني تملي جـَمـَل الشيل
* * *
أنا مهما جنيت علي يا زمان وجارت قسوة الاقدار
أنا عندي إرادة ما بتلين، عزيمة قوية بي إصرار
أنا خبرتك يا زمن عشتك عرفتك للضعيف غدَّار
بديت يادوب صراعي معاك مشيت يا دوب فرد مشوار
انت ياما بكرة تخضع لي وتزرع دربي فل وأزهار
مادام يا هدفي أنا مؤمن بيك ، أكيد تتجاوب الأقدار
*************************

شكلك كده ما بترجع قريب يا ريال مدريد و المفروض بعد ده تكوس اللوتري ساي يا أخوي.

abu Jasim كتب:: خلينا يا الريال من هلال ومريخ انته ما سمعته
الاغنيه البتقول الناس عندهم مردونا ونحن اولادنا
ديل مرضونا .
عاوز اقول ليك حاجه لمن تمشي اجازه كتر من الكلام
ده / اشفيك - حياك الله - وين الربع - البزوره - يعني
سعودي بقولو على طول الزول ده رويان طبعاً خليها
وهمه ولمن يسألوك عن الهدايا اعمل فيها رايح اش تقولون
وبين انك ما عارف حاجة

لقيتك حريييييييييييف يا ابو جاسم !!!!!!!!!!!!

الحيا يا ناندا علمتنا متين نصمد ومتين نزوغ

[i][b]الاخ ريال مدريد أري موضوعك طال مادري من وين نازل من القمر ماتنزل وتفكنا من الموضوع 0[/b][/i]

الاخ هشام قد أكون خرجت من بلدي وعمري عشره سنوات وظليت في الغربه سته عشر

عام لم ينتابني الشعور علي كل حال ياخ ريال لوفيك ثلاثه سنوات ننزل مع بعض وهداياك جميعها علي وارسلي

جوالك علي مركز الرسائل وشكرا المشكله أتحلت والسلام0

والله حليتيها يا روز المشكلة بعد كده

كل الناس حتقول نازلة وبرسلو ليك

تلفوناتهم.

[img]

الصمود في وجه الزمن - صفحة 3 F7up-82b3b24940

[/img]

والله فعلا دا الصمود !
ولكن هل الصمود يكفي ؟
أليس هناك شيء أفضل من الصمود ، كتحسين الصورة مثلا .
المدرسة على نفس الحال منذ عشرات السنين ، ونفس شجر العشر ونفس الكتر ( بكسر الكاف والتاء )

مدرسة عريقة وصامدة طول الزمن ده كلو

ولسه جاياها سنوات وسنوات لكن السؤال

المحير فعلاً هي ما محتاجة ناس يرعوها

بعد ما كبرت وهرمت لازم يكون في علاج

انشاء الله موضعي المهم يطول عمرها

اكتر واكتر !!

انت يا ابو جاسم تشبه ود عجيب فى صورتك دى !!!!!!!

لي عظيم الشرف يا ناندا اني اشبه

اسطورة في المنتدى العريق ده