نجم النجوم( شد حيلك يا الهدهد) على كرسي الاعتراف

انور التكينه كتب:: اتفضل يا الهدهد ... الضيافة واجبة

الأخ العزيز / أنور التكينة

أنا لا أستغرب الكرم منك أبداً ،،، و الضيافة مقبولة ،،، و مشكور على هـذا الكرم الحاتمي الفياض ،،،

لكنني أخشى يكون تحت هـذه الضيافة المغرية : أخشى أن يكون تحتها الشرك الذي توعد به الأخ / ريال مدريد ، توعد به الهـدهـد .... ألا تراه يسعى جاهـداً للإيقاع بالهـدهـد في الشرك .... لكن في الحقيقة ، هـو ليس شركاً واحداً ، هـي مجموعة من الشراك و الشباك ... كلها منصوبة و موضوعة لاصطياد الهـدهـد المسكين ...

والله يا الهدهد لما تقول ( الهدهد المسكين ) أنا بحن في حالك وأقرب أمش أقع أنا في الشرك بدل منك .
أرجوك ثم أرجوك ثم أرجوك لا تستدر عطف الأعضاء بهذه الكلمات التي تفتت الصخر .
مسكين كيف وإنت ليك أكتر من أربعة شهور ما قادرين نطلع منك بي حق وللا باطل .
والله أنا خايف نلقاك كاتل الجدادة وخامي بيضها ، وزي ما بيقولوا موية من تحت تبن .

ريال مدريد كتب:: والله يا الهدهد لما تقول ( الهدهد المسكين ) أنا بحن في حالك وأقرب أمش أقع أنا في الشرك بدل منك .
أرجوك ثم أرجوك ثم أرجوك لا تستدر عطف الأعضاء بهذه الكلمات التي تفتت الصخر .
مسكين كيف وإنت ليك أكتر من أربعة شهور ما قادرين نطلع منك بي حق وللا باطل .
والله أنا خايف نلقاك كاتل الجدادة وخامي بيضها ، وزي ما بيقولوا موية من تحت تبن .

الأخ العزيز / ريال مدريد

و الله الهـدهـد مسكين بحق و حقيقة ... و الغنماية تأكل عشاه ...

لا يوجد بين أعضاء المنتدى الكرام من الإخوة و الأخوات من تعرض لمطاردة مثل هـذه المطاردة التي تعرض لها الهـدهـد المسكين ، لكن الله كريم .

عمر الهـدهـد في المنتدى ليس أربعة أشهر ، عمره : ثلاثة شهور و عشرة أيام فقط لا غير ... يعني ضيف و لا يستحق كل هـذه المطاردة .

أعلم شخصاً واحداً لو كان موجوداً ... اعتقد أنه كان سيدافع عني ، لكن للأسف غائب عن المنتدى ، و لا حولة و لا قوة إلا بالله العلي العظيم .

العزيز الغالي الأخ الهدهد لا هد الله لك رأياً،

مالك يا عزيزي تراوغ و تحاور و تأبى الجلوس على ذلك الكرسي الذي جلس فيه غيرك دون أي إعتراض من أصحاب الاسماء الاصلية و المستعارة أيضاً الكل سواء، فيجب عليك الجلوس على الكرسي و إن رايت سؤال يكشف شخصيتك فامتنع عن الاجابة عليه، فالكل يريدك على ذلك الكرسي لتعم الفائدة و لسبر أغوار عقلك و لمعرفة أفكارك اكثر و طريقة فهمك للحياة فأرجو الإستجابة الى طلب الاعضاء و انا منهم و معهم.

يا باشمهندس لو الهدهد ما داير يقعد على الكرسي عشان ما يكشف شخصيته فأنا أقول ليك وليهو شخصيتك يا الهدهد مكشوفة وأنا عارفك من زمان وما داير اتكلم ، أحسن ليك تقعد في الكرسي قبل ما أفت الشمار في المنتدى كلو .
عندما سجل الهدهد في المنتدى كان لدي فضول كبير لمعرفة شخصيته وقد أثمرت متابعاتي لمساهماته وردوده على تخمين شخصية الهدهد الحقيقية ، وقد ذكرت ذلك في مساهمة سابقة قبل أكثر من ثلاثة أشهر .
والله أنا فتشت السريحة فريق فريق وبيت بيت ما لقيت غير ..................... يمكن أن يكون الهدهد .

ليلة القبض على الهدهد

نجم النجوم( شد حيلك يا الهدهد) على كرسي الاعتراف - صفحة 15 Alfaris_net_1235547622

يا الله يا الهدهد الجماعة شرككهم قبض هدهدين مش واحد لذلك الحق قبل ما يطيلك الشرك

ريال مدريد كتب:: يا باشمهندس لو الهدهد ما داير يقعد على الكرسي عشان ما يكشف شخصيته فأنا أقول ليك وليهو شخصيتك يا الهدهد مكشوفة وأنا عارفك من زمان وما داير اتكلم ، أحسن ليك تقعد في الكرسي قبل ما أفت الشمار في المنتدى كلو .
عندما سجل الهدهد في المنتدى كان لدي فضول كبير لمعرفة شخصيته وقد أثمرت متابعاتي لمساهماته وردوده على تخمين شخصية الهدهد الحقيقية ، وقد ذكرت ذلك في مساهمة سابقة قبل أكثر من ثلاثة أشهر .
والله أنا فتشت السريحة فريق فريق وبيت بيت ما لقيت غير ..................... يمكن أن يكون الهدهد .

بسم الله الرحمن الرحيم

الأخ العزيز / ريال مدريد .

أيها الأخ الحبيب العزيز ... .... لا أقول إلا كما القائل :

لا تأخذني بأقوال الوشاة ***** و إن كثرت في الأقاويل

انور التكينه كتب:: ليلة القبض على الهدهد

الأخ العزيز / ريال مدريد

عاجبك كده ... ليس أمام الهـدهـد بعد هـذا إلا أن يطلب حق ....

والله بصراحة ما عاجبني .
أنا داير بعد ما يمسكوك يزعمطوا ليك ريشك دا عشان تاني ما تطير وكلما تقوم ليك ريشة ينتفوها ، ويرموك في أقرب صفيحة في بيت الحمام ويدخلوا معاك كديس نمراوي عيونو زي ضراب البلي .
تعبتني وقطعت نفسي وأنا لسه نفسي قائم من الجري وراك .

]

نجم النجوم( شد حيلك يا الهدهد) على كرسي الاعتراف - صفحة 15 Bsmlh_f4c5a44df4

يا ادمن ديل اربعة مش اتنين : الهدهد الفنان / الهدهد الراقى / الهدهد الانسان / الهدهد حبيب الكل

Admin كتب:: يا الله يا الهدهد الجماعة شرككهم قبض هدهدين مش واحد لذلك الحق قبل ما يطيلك الشرك

الأخ العزيز / Admin

أين الدفاع عن هـذا الهـدهـد المسكين ؟؟؟

الهـدهـد يعمل معكم و تحت إدارتكم فلماذا لا تقفوا معه ضد هـذا الهجوم الشرس ؟؟؟

يعني قضايا المنتدى و المشاكل التي يتعرض لها الأعضاء من المسؤول عنها ،؟؟؟ أليست إدارة المنتدى هـي المسؤولة عن ذلك ؟؟؟

أم أن في المسألة خيار و فقوس ؟؟؟ ( رغم أنني لا أعرف ما هـو الفقوس ) .

انور التكينه كتب:: ]

يا ادمن ديل اربعة مش اتنين : الهدهد الفنان / الهدهد الراقى / الهدهد الانسان / الهدهد حبيب الكل

الأخ العزيز / Admin

أين الدفاع عن هـذا الهـدهـد المسكين ؟؟؟

الهـدهـد يعمل معكم و تحت إدارتكم فلماذا لا تقفوا معه ضد هـذا الهجوم الشرس ؟؟؟

يعني قضايا المنتدى و المشاكل التي يتعرض لها الأعضاء من المسؤول عنها ،؟؟؟ أليست إدارة المنتدى هـي المسؤولة عن ذلك ؟؟؟

أم أن في المسألة خيار و فقوس ؟؟؟ ( رغم أنني لا أعرف ما هـو الفقوس ) .

ريال مدريد كتب:: والله بصراحة ما عاجبني .
أنا داير بعد ما يمسكوك يزعمطوا ليك ريشك دا عشان تاني ما تطير وكلما تقوم ليك ريشة ينتفوها ، ويرموك في أقرب صفيحة في بيت الحمام ويدخلوا معاك كديس نمراوي عيونو زي ضراب البلي .
تعبتني وقطعت نفسي وأنا لسه نفسي قائم من الجري وراك .

بسم الله الرحمن الرحيم

الأخ العزيز / ريال مدريد .

كديس مرة واحدة ، و كمان كديس نمري ، دي موصيبة شنو الوقعنا فيها ...

الله يستر من المنتدى بتاعكم ده ،،، أنا قبيل كنت مبسوط ، و عايش كافي خيري شري ، الوداني للمشاكل دي شنو أنا ما عارفو ...

يا زول عاد بعد الكلام ما جاب ليهـو كدايس ، اخير الواحد يعمل حسابو ، و اشوف ليهـو طريقة تانية ، اقل حاجة اطلب ليهـو اجازة من المنتدى ، عشان على الأقل يرتاح من الجري و الرحيح الكتير ده ... يرتاح ليهـو شوية .

رأيك شنو في فكرة الاجازة دي ؟؟؟ ظنيتا فكرة كويسة ... !!!

إمكن لما تدخل المنتدى مرتين تلاته ، وما تلقى الهـدهـد ارجع قلبك احن و تقول : يا هـدهـد ارجع و ليك الأمان .... خالص يا الهـدهـد صافيه لبن ....

اللهم سلم الهـدهـد للمنتدى و أهـل المنتدى ،،، اللهم سلم المنتدى و أهـل المنتدى ... آمين يا رب العالمين .

.

استودعك الله يا ريال مدريد ... رغم كديسك النمري أو النمراوي ،،، و رغم أمنياتك بنتفش ريشي ،،، رغم أمنياتك أن يزعمطوا الهـدهـد و يقصوا ريشو ،،، برضو انت ريال مدريد العزيز على الهـدهـد ....

انت يا زول ما سمعت بي الحب البكون من طرف واحد ، و لا ما سمعت بي المثل البقول ال... بريد خانقو ...

هوي يا ناس المنتدى نصيحة مني ليكم ( الهدهد دا ما بتقدروا عليهو وأخير تختوا دربو ) دحين خلوهو في حالو .
أنا غايتوا بعد الكلام القالوا دا ما ظنيتني تاني جريت وراهو .
علي بالطلاق إلا يجيني براهو ويقول لي شبيك لبيك الهدهد بين إيديك والدايرو فيني أعملوا .

الهدهد
كيف حالك

يا أحوى خلى الشيطنة .... جريتنا لى حاجات جانبية ... قبض و معيط و كدايس ... و انجرف وراك ريال مدريد دون ان يفطن لخطتك الجهنمية و هى الهروب من الجلوس على كرسى الاعتراف .

يا اخوى لا بنعرف مسكنة و لا بنحن و لا البكائيات التى تدبجها هروبا من الامتثال لطلب الاعضاء الذين رشحوك ضيفا عزيزا عليهم ... يسبرون اغوارك و ينقبون دواخلك لاستخراج ما يعينهم على معرفة ثقافتك و اتجاهات تفكيرك و هذا هدف نبيل ...
نهايتو .... عاوز تستجيب و تجلس على الكرسى معززا مكرما ؟؟؟ و لا قلت الروب عشان ننساك و نشوف غيرك ؟؟؟؟
سيبك من تنميق العبارات و ادينا اجابة محددة لو سمحت .

ريال مدريد كتب:: هوي يا ناس المنتدى نصيحة مني ليكم ( الهدهد دا ما بتقدروا عليهو وأخير تختوا دربو ) دحين خلوهو في حالو .
أنا غايتوا بعد الكلام القالوا دا ما ظنيتني تاني جريت وراهو .
علي بالطلاق إلا يجيني براهو ويقول لي شبيك لبيك الهدهد بين إيديك والدايرو فيني أعملوا .

بسم الله الرحمن الرحيم

الأخ العزيز / ريال مدريد .

جزاك الله خيراً ... و كثر الله من أمثالك في هـذا المنتدى الراقي ...

لابد للمرء من الاستماع إلى صوت العقل ، و لابد للمرء من أن يعذر الإخوان في المواطن و المواقع التي ينبغي فيها العذر ... هـذا شيء طيب و تفكير سليم ...

اليوم أنا في غاية السعادة و قمة الفرحة بعد كلامك الأخير هـذا ...

أتمنى أن يقتدي بك الغير ، من أعضاء المنتدى من الإخوة و الأخوات ...

أكرر الشكر و التقدير على هـذا القرار الشجاع ....

و آخر قولي ... مثل ما قلت من قبل :

اللهم سلم الهـدهـد للمنتدى و أهـل المنتدى ،،، اللهم سلم المنتدى و أهـل المنتدى ... آمين يا رب العالمين

انور التكينه كتب:: الهدهد
كيف حالك

يا أحوى خلى الشيطنة .... جريتنا لى حاجات جانبية ... قبض و معيط و كدايس ... و انجرف وراك ريال مدريد دون ان يفطن لخطتك الجهنمية و هى الهروب من الجلوس على كرسى الاعتراف .

يا اخوى لا بنعرف مسكنة و لا بنحن و لا البكائيات التى تدبجها هروبا من الامتثال لطلب الاعضاء الذين رشحوك ضيفا عزيزا عليهم ... يسبرون اغوارك و ينقبون دواخلك لاستخراج ما يعينهم على معرفة ثقافتك و اتجاهات تفكيرك و هذا هدف نبيل ...
نهايتو .... عاوز تستجيب و تجلس على الكرسى معززا مكرما ؟؟؟ و لا قلت الروب عشان ننساك و نشوف غيرك ؟؟؟؟
سيبك من تنميق العبارات و ادينا اجابة محددة لو سمحت .

الأخ العزيز الأستاذ / أنور التكينة

• أولاً: كلامك صحيح مائة بالمائة ، ( 100 % ) ، يجب أن نأخذ الموضوع و نحمله على محمل الجد ، و أن يكون الكلام و النقاش فيه جاداً ...

• ثانياً : نريد من الشخص الذي يكون ضيفاً على المنتدى ، نريده أن يكون شخصاً يستفيد منه الإخوة و الأخوات من أعضاء و زوار المنتدى و ذلك من خلال المداخلات و الأسئلة التي تطرح عليه .

• ثالثا : أجمع أو طلب الكثير من الإخوة أن يكون الضيف ، هـو الأستاذ / أنور التكينة ... من هـؤلاء الإخوة الذين طلبوا هـذا الطلب : الأخ / الطيب الطاهـر ، الأخ / أبو جاسم ، و الهـدهـد ...

• رابعاً : الشيء الذي لا شك فيه سوف يكون الجميع سعداء لو تكرمت و قبلت أن تكون ، ضيف المنتدى ، ولك مقدماً جزيل الشكر و التقدير .

• خامساً : في ظني و اعتقادي أن الأستاذ / أنور التكينة ، هـو الرجل المناسب في المكان المناسب ، و هـو الرجل الذي يجب أن يستضاف في المنتدى ... أرجو أن تستجيب و تحقق رغبة الإخوة و الأخوات أعضاء المنتدى .

ختاماً لشخصكم الكريم جزيل الشكر و التقدير و فائق الاحترام .

الاخ الهدهد
مساك الله بالخير
يا أخوى بطل زوغانات و اثبت يا راجل .
انا و الله يشرفنى ان أكون ضيف المنتدى و هى قلادة فخر ان انال هذه الثقة ، لكننى ارفض رفضا تاما ان يكون ذلك تغطية لهروبك و تهربك من الجلوس .
يا اخوى نحن واضحين ما بنغطى وشنا ... لكن تدثرك خلف اسم مستعار و انت تحمل كل هذه الروعة هو ما يجعلنا نصر و نلح ان تستجيب لرغبة الاخوة الاعضاء .
و لا مانع لدى ان اتشرف بالجلوس على الكرسى بعدك مباشرة .

اهو يا الهدهد الراجل ما قصر وصرح انه سيكون بعدك مباشرة ، يا الله ألعن الشيطان واتوهط فى احدى كراسي الواثق الوثيرة

وأول سؤال بعد ما تقعد انت جيت طاير من وين
والدخلك المنتدى دا منو ؟؟؟؟؟؟؟؟؟؟
وما لقيت ليك عش ولا جحر عشان تتلم فيهو بدل منتدانا دا
ولا امكن جو الهدو والامان واللقيتو ما في في البرية اللكنت
عايش فيها غايتو على العموم يا الهدهد خليك حزر من الهجمات المرتدة
عشان كدة ما ترقد قفا
ام عن نفسي فانا متعهد بالدفاع عن الهدهد ولكن اولا عليه تقديم
مذكرة تفاهم لي يشرح فيها احواله واسبابه التي ادت به الى دخول المنتدى
وبعد داك نشوف الحاصل شنو فما اظنك ترفض التحالف معاي!!!!!!!
ولا................
شفت الكديس النمري القالوا ليك الريال انا بجيبو ليك جو المنتدى
مع العلم انو المنتدى ما فيهو شرطة ولا حراس الاشرطة المحبة
بين الاعضاء فهي اقوى شرطة لو توفر شرطها الاساسي
وهو المحبة وهذا ما ادعو اليه معك..........