صالون المنتدي .....

بسم الله الرحمن الرحيم والصلاه والسلام علي اشرف المرسلين سيدنا محمد (ص)
بعد تحيه الحب والاحترام وكل عبارات الشكر نحن اجتمعنا هنا يا جماعه
عشان عندي ليكم فكره انشاء الله تنال اعجابكم وتحوزه
* ها زول ماتقول شحتفتنا عديل كدا ذي شحتفت الجماعه البهناك ديل
*كدي اصبر شويه يا حاج عمر بتعرف الموضوع شنو
* نحن ياجماعه عارفين اهميه تجمع الشباب وتبادل الاراء ومناقشه المواضيع المهمه
*يا زول علي بالطلاق يا تخش في موضوعك ولا بقوم احرض عليك المحكمه
* خلاص انا بخش في الموضوع انا عندي فكره نعمل لبنا صالون في المنتدي يكون بتاع ونسه
والناس تتلاقي فيهو تشرب القهوه والشاي وتاخد ليها عشره (ونسه) وتسال من الحاصل واخبار
الاعضاء واخبار السريحه يعني برنامج بتاع ونسه جماعيه وبدل دفتر الحضور الناس تجي خاش الصالون
وتشوف الفي منو والمافي منو وتتفقد الناس
* ها زول انته يعني بدور تسوي لينا ديوان فوق المنتدي دا
* اي يا حاج عثمان بس ان خايف شويه
*خايف من شنو يا ود الناس داير قروش عشان تبني الديوان ولا شنو
* لا يا حاج القصه ما قصه قروش
* عاد القصه شنو نططه عينيك ذي كشافات استاد المريخ الجديده
ولا يكون ديوانك دا فيهو مرق مشقوق وخايفوا يقع في الجماعه ديل
* لا لا من الناحيه دي اطمن دا مسلح ومبني ذي الطابق التاني بتاع المريخ
* خلاص انا بقول وتوكلته عليك يا الله (انا خايف من الجماعه بكره يرفعوا فيني قضيه في المحكمه
ويقولوا اني بحرض الشباب علي العطال وانته عارفك براك انو القاضي ما حا يصدق وهب هاك يا محاكم)
رايكم شنو نبني الديوان يا جماعه

شتتتتتتتتتتتتتتتتتتتتتتتتتتتتتتتره
بدور اجيك هناك ضاقت بي يومه هنا

الله يديك العافية حبيبي الواثق والله ذكرتني البرنامج الشهير دكان ود البصير والذي يؤلفه الأستاذ عبد المطلب الفحل .
فكرتك دي بتنفع معاي للآخر ويا ريت توفروا لينا فيهو الشيشة . أصلو صاحبك بتاع مزاج وكيف وما عندي شغلة مع الجبنة .
شتتتتتتتتتتتتتتتتتتتتتتتتتتتتتتتتتترة
فنجان جبنة بي شمالو يسوا الدنيا بي هالو

انته يا الريال عملنا ليك حاجه خاصه كدا (باستيشن 2) وجبنا ليك مثني وحنضله وامير
عشان تتم الناقصه فت مره وتاخد راحتك ع الاخر.
يا ولد جيب معاك واحد قهوه ل ابو جاسم دا
شتتتتتتتتتتتتتتتتتتتتتتتتتتره
وبمشي معاك

ما تقلب علينا المواجع يا الواثق .
نحنا ما ناقصين .
يا حليلنا نحن .
أتورطنا وجينا للغربة دي والله ديك كانت أيام جميلة ويا ريت نرجع تاني ونلقى نفس الوجوه الطيبة والقلوب الحنينة .
هييييييييييييييييييييييييييييييييييه يا الواثق والله فتحت ليك باب يصعب سدو .

(ون و تو و ثري) مهيد فاهمني، والله الفكرة جميلة و عطرة و البوست كان كان من الممكن يكون أجمل من كده، بس أسحبو منه كلمة مريخ لأنها بصراحة كدا بتضرس لما أسمعها.

طيب وانحنا نمشى وين !!!!!!!!!!!!
والله دى عنصرية ذيادة عن اللزوم ..
وفرز عيشة .......

والله فكرة حلوة يا الواثق تكون عبارة عن

بوست دردشة وتناقش في نفس الوقت

وبنطلب رقعة شطرنج وقهوه تركيه خليني

اغلب هشام ده كم قيم كده واقبل ليك

لوعندكم طاولة بلياردو صدقوني ما بطلع

من البوست ابداً وكرت شوتايم والجزيرة

و ART نكمل العطال مره واحدة وعلى

فكرة ممكن نعمل منافسة في البوست

ده على نظام لعبة فلاش تحدي يعني

هل ممكن أم لا ؟

هشام السريحه كتب:: (ون و تو و ثري) مهيد فاهمني، والله الفكرة جميلة و عطرة و البوست كان كان من الممكن يكون أجمل من كده، بس أسحبو منه كلمة مريخ لأنها بصراحة كدا بتضرس لما أسمعها.

فاهمك يا هندسة وأنا بطلب من أخينا الواثق يضم الباشمهندس هشام ومعاهو أب شرا ومعاهو عمر ود الدحيش لي شلة البليستيشن عشان يكون الدوري قوي والمنافسة محتدمة .
والفكرة كلها كانت من طرف الواثق وكلمة المريخ دي كتبها الواثق وكلنا نعلم إنو الواثق من الهلالاب المتشددين وما فيها حاجة لو ضرب المثل بي سيد البلد .

انا موافق و بالمناسبة يا مهيد أبشرة معاك في السعودية و ده رقمه : 00966545205228
سلم لي عليه شديد.

الأخ العزيز / الواثق

الفكرة جميلة جداً ، و جدير بالتوقف عندها و مساندتها ، أتوقع أن يكون هـذا البوست ناجحاً .

اقتباس :

ناندا كتب:: طيب وانحنا نمشى وين !!!!!!!!!!!!
والله دى عنصرية ذيادة عن اللزوم ..
وفرز عيشة .......

الأخت العزيزة / ناندا

لا داعي للقلق ، لابد أن يكون هـناك نظام و ترتيب يضمن وجود حواء بكل هـدوء و راحة ،

نرجو من القائمين على الأمر ، التوضيح و الإيضاح .

ها ناس انتو فطرتو وشربتو القهوه وخليتوني ما جميله منكم
اها الفطور كان كيف الجابو منو ،صحن الفول دا كان تزحوا من التربيزه بتاعت الكوتشينه دي
ابو جاسم رسلته ليك قهوه تركيه تركيبه عجيبه مره هشام ما جابها ليك ،
هشام الدحيش دا منتظرك من قبيل قال الا يقلبك جيم وست
الريال عليك الله انته من امس ماسك يد الشغلانيه دي اوعه تقول لي مقلوب باقي لي هشي عجيب في البلستيشن
بالمناسبه يا ابو جاسم الهدهد قال بجيب الكرت بكره (كده كيف )
الناندا ساعدينا بالمويه البارده ،
باقي الجماعه قالوا بجو بعدين ومعاهم صحن فته من دكان التيمان (زمان )

شتتتتتتتتتتتتتتتتتتتتره
الكنته فاكروا فات من زمان رجعتوا ...............

يا جماعه خليكم قاعدين انا ماشي التمرين وجاي في الميدان الورا قالوا ليك التمرين مسخن
ابو الحسن ودسعد متحدي منجد ود عبد الوهاب ومتشارطين بالبارد ،اي خلاص يا ادمن يمكن اجازف ليكم
قزازتين تلاته ـــــــــــــــــــــــــــــــــ الناندا دي ما جابت المويه البارده لسع

شتتتتتتتتتتتتتتتتتتتتتتتتتتتتتتتتره
نحن اهل الفرحه جينا لا المدامع وقفتنا ولا الحكايا الحزينه
(القدال )

والله يا الواثق ما قصرت خدمات 5 ستار عديل كده
بالمناسبة القهوه لقيته ما بتنوصفف قمه في الروعة
دسيته وطلعته براه الصالون شربتها كلها قبل ناس
الريال ما يقولو دايرين والهدهد دقه فينا مقلب
شال الكرت ومشى حضرة براه عن ناس عمو يعني
عمل خيانه .

معقوله يا ابوجاسم ونحن في ديك الساعه لمن نخدم حضرتك (حنك سنين مش كدا)

ما وريتكم الحصل في الميدان شنو ولا اقول ليكم بكره في الفطور بوريكم ما تفطرو ا تخلوني ذي قبيل
اها قبلي ما انسي الهدهد تلفزيون عمو طلع بشتغل بوصله ما جاكات عشان كدا جابو راجع اكان دايرنو المفتاح
عند عمك ادمن والريال دا قال ماشي وجاي ، تصبحو علي خير لبكره كان الله مده في العمر

شتتتتتتتتتتتتتتتتتتره
الي لقــــــــــــــــــــــــــــــــــــاء (علي طريقه ..............)

هلا بيك يالواثق .. والله الواحد نفسو فى عصيدة بتقلية حارة كده لما ياكل اصابعو كلها .. خلاص ملينه من الاكل الافرنجى دا.....

اسه البوست ما أخطر من بوست عودة للمساطيل، و إحنا قاعد نتكلم في المساطيل!!!!!!
والله صحي الجمل ما بشوف عوجة رقبته.....
الرائعون لكم التحية و انتم تدبون في المنتدى روح الحياة و مياه الشباب و النضارة...
الواثق أنا قهوتي خالي سكر تاني ما تطعموها خلي السكر بره، مهيد أمس كسرت اليد خلاص انا بكرة بجيب معاي يد بلاستشين جديدة و كمان فايبريشن، يا كي ما بالغته عشان قربته تتغلب تسرق الحصان و تركبه تمشي بيه البيت كويس و تاني نجيب حصان من وين و لا الشطرنج ده نبطلو، ويا الواثق دايرين كرت شوتايم خلي الموضوع قيد الدراسة عشان الكور و كده.

انا تعبت اليوم كله شاى وقهوة .. شاى وقهوة ... لسة ما طلعنا بى حاجة مفيدة من الصالون دة !!
افتحو لينا موضوع نتناقش فيه ...

يا هشو يا خي الحصان وقع واحنا بنشوف

هجمه مرتدى للبرشا من ايتو لكن براعة

كاسياس صدها وجات في العارضة وبعدين

كده كده انته مغلوب ناقص وزير وطابيه

وبيدق وعاوز تغلب ارمي الملك احسن ليك

اتعبناك يا ناندا خلاص كلها كم يوم وحنجيب

ليك واحده تستلم منك زمام الامور في الشاي

والقهوه وممكن لو بتعرفي شطرنج قيمك بعد

هشام لانه مقلوب لا محاله .

اخوانا نصلي ونجي تاني وعازمكم الليلة الغداء

علي اختارو انتو من اي مطعم تحبو مافي زول اتغداء

وما داير اعذار اخونا ياسر طلب تقليه اسه دي يجيبوها

من وين ؟

يا هشام إنت حركاتك لسة ما داير تخليها !
ليه تشيل اليد الكويسة وتديني اليد الخربانة وإتجاهاتها كلها ما شغالة والX حقتها معلقة ، لكن ما مشكلة بكمل معاك القيم دا بالدائرة بس .
وين الشيشة يا الواثق ؟
ما تقول لي معسل مافي ؟ أمش جيبو من دكان الرضي ، بس أمير ود النقي ما يشوفك . وخلي حنضلة يجيب النار من دكان عبد الرحيم عشان نمخمخ الجمجمة دي .

يا اخي انا اعمل معاكم شنو ما قلته ليكم فرشوا الملايات ديل الليله جاينا زول مهم ولازم نستقبلوا بمظهر كويس ، هشام جيب معاك اليد وتعال ،معليش الليله اتاخرنا عليكم اصلو انا كنته في السوق انتو عارفين الليله الاربعاء وخشيت ليكم علي صلاح محمد عبد الله جبته معاي كيلو لحم عشان الحله بعدين وغشيت(بكسر غ) ابو سنهوري كنته داير اجيب معاي فواكه لكن لقيتها غاليه جبته موز جوافه بس، اي يا ابو جاسم مشيت دكان حاج الفاضل مع انو مافاضل فيهو غير الرفوف جبته معاي بن وسكر لزوم الجبنه يعني ،الادمن شراكم امبارح وما جاي قول ليهو كويس ، الهدهد دا نايم لحدي هسع مالو امبارح مساهر في كوره ولا شنو

شتتتتتتتتتتتتتتتتتتتتتره
يا قسيم الريد تعال لي تعال لي وتعال

يا جماعه انتو مقيلين وين ما شايف لي زول ـ
بصراحه شديده انا عندي مشكله تقنيه بسيطه في تحميل الصور وداير انزل لي توقيع زمان كنته عارفه لكن هسع نووووووووووووو
بليززززززززززززززززز الخطوات بالتفصيل الممل اعتبروني جديد كرت عرفتو كيف
في الخاص لو امكن ولا اقول ليكم هنا عشان تعم الفائده ضروري يا شباب ،مشكورين

شتتتتتتتتتتتتتتتتتتتتره
الشال منام عيني وفوادي جارحو انشاء الله يلاقيني وبهواي اصارحو

أدخل على قائمة التحكم من شريط القوائم وبعدين تجيك قوائم فرعية اختار قائمة التوقيع وأكتب توقيعك وظبطو كويس بحجم الخط والميل .
والله يا الواثق إنت كبير ولا حياء في العلم وإثنان لا يتعلمان متكبر ومستحي وعشان كدا إنت كبرت في نظري والكمال لله وحده وأنا أيضا عندي مشكلة كبيرة في تنزيل الصور والفلاشات والمواقع وصورة من موقع معين ويا ريت ود بساطي والمهندس هشام وأبو جاسم يورونا الطريقة بالتفاصيل المملة .