صالون المنتدي .....

والله ما عاملة تقيلة لكن مشغولة شديد ... من بكرة تجو تلقو الفطور جاااااااااااااااااهز

والله لكن ما قصرتي يا ناندا جبتي الفطور وفطرنا (معقوله بس ) هسع مصطفي ود عبد الرحمن دا جاي
وما لقي فطور نقول ليهو شنو ولا كامل احرجتينه مع الجماعه .
خلاص ما عندكم مشكله انا عازمكم شاي لبن كارب بتاع عذابه رايكم شنو طبعا يا ابوجاسم اول زول
لكن ريال مدريد قالو ما بشرب اللبن وهشام قال داير لبن نيدو (دا يجيبوه من وين ) خلاص اضرب لي ادمن خلي يجيبوه معاو والهدهد دا قال بجيب جردل زلابيه ههههههههههه.

[img][/img]

صالون المنتدي ..... - صفحة 3 F7up-afe28275bc

شتتتتتتتتتتتتتتتتتتتتتتتتتره
ايه الحصل تكتب جواب مضمونو انته تزمنه ما قلته في ساعه ا لوداع مافي امل حا يلمنه (محمود عبد العزيز)

القال ليك منو أنا ما بشرب شاي اللبن .
ويا ريت لو يكون لبن ضان .
بالله عليك يا الواثق خليهو مقنن .
أيوه ما شاء الله عليك يا ناندا ريحة القنانة ضاربة وماليه الجو .
تسلم أيديك .
لكن زلابية الهدهد دي مالها محرقة .

ريال مدريد كتب:: القال ليك منو أنا ما بشرب شاي اللبن .
ويا ريت لو يكون لبن ضان .
بالله عليك يا الواثق خليهو مقنن .
أيوه ما شاء الله عليك يا ناندا ريحة القنانة ضاربة وماليه الجو .
تسلم أيديك .
لكن زلابية الهدهد دي مالها محرقة .

بسم الله الرحمن الرحيم

الأخ العزيز / ريال مدريد

يا زول قبال ما تفتح الجردل و تشيل الغتاية تقول الزلابية محرقة ... أكان صادق في كلامك خليها ما تهبشا ...
يا زول نحن تعبانين عليها تعب شديد ، دي حاجه تمام ... اكل ساي و خلي الكلام الكتير .

أخليها كيف ما أهبشا ؟
معقولة دي يا الهدهد ؟ والله أكان بقت زي الفحم ما أخليها .
دايرين تاكلوها براكم وأنا أعاين فيكم .
والله كويس !
كدي زح أيدك دي خلينا نتريق قبال الشاي ما ينتهي .

ريال مدريد كتب:: أخليها كيف ما أهبشا ؟
معقولة دي يا الهدهد ؟ والله أكان بقت زي الفحم ما أخليها .
دايرين تاكلوها براكم وأنا أعاين فيكم .
والله كويس !
كدي زح أيدك دي خلينا نتريق قبال الشاي ما ينتهي .

يا أخي أنا متأسف جداً ،،، نسيت اجيب معاي السكسكانية .... غايتو الشفقة إن شاء الله تطير ...

إن شاء الله السكسكانية تكون جاهزه في جلسة بكره .

سكسكانية حته واحده والله يا الهدهد تكون ماقصرته سكسكانية
ياخي أنا ما مصدق كدي أمش ماتجيبها بكره أكان ما خليت الجماعة
قلبو عليك وطلبوك في الكرسي الانته خابروه أكون أنا ما أبوجاسم
لانك شهيتنا ليها وانا لي زمن طويل جداً ماشفتها ولا شميت ريحتها
يمكن عشر سنوات .... كدي طمني الزمن عمل فيها شنو اتغيرت
كبرت في العمر عجزت ......الخ وخلي الريال ينهز الزلابيه براه . الواثق
شاييك ده شاي أهل الكهف لينا خمسه ساعات لسه ما فار ولا كديسه .

والله ياجماعة (خوش) فكرة والواحد اهو يعرف بالمرة الحاصل شنو في البلد بدل التلفونات الكتيرة

شنو يا الريال مليان زيت كدا مالك كنته وين اوعه تقول لي كملته الزلابيه خساره لو كملت
السكسكانية دي خلوها هسع انا عندي ليكم حادجه جديده وكاربه وانا عارف انكم بتموتو
وحا يحصل قتال شرس عرفتوها ولا اقول ليكم خلاص خلاص ما تفكروا كتير انا جايب ليكم (بليله عدسي )
برضو يا هشام ما بتاكل فيها مشكله دي

ممكن خدمه يا ابو جاسم شرح طريقه تنزيل وصله صوت في المنتدي عشان عندي ليكم حاجه جميله جدا

شتتتتتتتتتتتتتتتتتتتتتتتره

البعذابنا بتنتشي كلم قليبك يختشي (احمد الصادق)

والله ياجماعة حاجة تمام شاي بلبن وزلابية وسكسكانية وبليلة عدسي والله زكرتونا حاجات كتيرة شاي بلبن وزلابية إتذكرنا الختمة الفي الجامع الكبير اما السكسكانية دي ما عاشرتها كويس اما البليلة إتذكرنا صلاة الجمعة والباقي عارفنوا طبعا

الليلة الفطور ملاح ام دقوقة ... والتحلية قمح باللبن

دا شنو يا ناندا ممكن توضحي لينا فطورك دا مكوناتا شنو

سياب انت ماسوداني مابتعرف ام دقوقة وام تكشو وام بقبق

[quote="فكري عصام"]سياب انت ماسوداني مابتعرف ام دقوقة وام تكشو وام بقبق[/quote والله ياعزيزي فكري الكذب خيبة انا بعرف ام تكشو بس اما باقي الحاجات دي اول مرةاسمع بيهم

يا عزيزي ام بقبق دي البامية

شنو يا جماعه الحاصل شنو مالو الصالون دا مغبر كدا التقول ما فيهو زول
كدا قوم يا الريال النرش الصالون دا ونرتبو شويه انته ما عارف انو الصيف جا والناس دايره تقيل بدل الصنايه البره دي .
ابو جاسم اطلع صلح المروحه كويس ما تقوم تقع فوق الهدهد تعمل لينا جريمه àادمن دا عارفو بتاخر كدا مالو
مشي يجيب العصير ويجي ولاشنو الدحيش شغل معاك التلفزيون النشوف الحاصل في الدنيا دي
ها جماعه مسولين من الخير انتو هشام شريف وين لمده ماشفتو لازم تجيب لينا خبرو يا ابو جاسم الزول دا دايرنو

شتتتتتتتتتتتتتتتتتتتتره
تجربه خطيره جد و..............................

البلد في حالة استنفار وما في واحد فاضي للمقيل وقعاد الواطة ، نحن مستهدفين في ثروتنا وفي هويتنا وفي أهدافنا وفي مستقبلنا وما عندنا أي وكت عشان نقعد ونشرب في الشاي والزلابية وناكل ملاح أم دقوقة .
نحن ما عارفين عدونا ناوي علي شنو ونقعد نلعب ونشرب في الشيشة ودوري وما دوري وأديني نفس .
أقفلوا الصالون دا وأمرقوا لا برة وأحموا بلدكم ورئيسكم .

الصالون دا لابد منه يا ريتال حتى فى اوقات المعركة لانه فيهه نتفاكر ونضع الخطط لمهاجمة العدو فى عقر داره
لكن انا خايف يفطنوا لخطورة الصالون ويقوموا يقذفوه با ار بي جي!!!!!!!!!!!!!

أخي أبو ناجي :
والله ضحكتني شديد بحكاية القذيفة دي .
أصلو دا صالون وللا نادي الخريجين ؟
طيب نشوف فائدة الصالون في ظل التداعيات الحالية ودوره الوطني تجاه بلدنا ؟
علي بالطلاق أشوف لي كشتينة وللا ضمنة وللا شيشة أكان أفك فيهو دانة .

ياريال براحة علينا دانة شنو وصاروخ شنو
استهدي بالله يازول

ها ناس دا كلام شنو دا
انا حالتى دى خليت دقيقى لى موسى فى طاحونة وركال وقلت امش انجم شويه فى صالنكم دا لكن من سمعت صوت الدانات والاربجى قلت ارجع احسن لى صوت سير الطاحونه من المدافع دى
فقدابى

والله ماعارف افقدابي0ابو ناجي والريال خلو الصالون زي مركز تنظيم ال.......

يا جماعة ما تخافوا !
الصالون آمن وما فيهو حاجة .
كدي أدخلوا لا جوة وأرقدوا في السراير ديك لغاية ما أمش الطاحونة وأجيب دقيق فقدابي دا وأعمل ليكم عصيدة بي طماطم مفرومة بي زيت السمسم الأخضر .

والله يا جماعة صالونكم ده صالون عرب تب ، و فيهو خيمة شبه خيمة الحاردلو ، ربنا يجعلوا صالون كرم و شهامة و مرتبع فحاوة ، آآآميين ! لكن علي ذكر طاحونة جدي ( أوركال) و الدانات و ما الدانات ، نحكي ليكم نكته عن جدنا (أوركال ) وأوركال للما بعرف اللقب ده هو جدنا حاج أبراهيم وحمد ود الغابة نسأل الله أن يمتعه بالصحة والعافية آآآمييين ، يوم من الأيام جدنا أوركال شاف إبن عمنا فقاد يوسف بدرب في الشباب و عامل جلالات في البلد وعامل شغل وزحمة فقام سألو يا فقاد ده شنو البتسو فيهو ده ،رد ليهو فقاد وقال ليهو ديل نحن ناس الدفاع الشعبي ، فقام جدنا أوركال رد ليهو عاي طول وقال ليهو : أيووووه يعني يا فقاد إذ كان جون قرنق جي بي جاي للترعة دي ح ترجعو لينا ؟؟

امن شنو يازول البلد قالو امنة
وضربوها بصواريخ
انا خايف الجماعة إقولو إنتو الفكيتو الصواريخ