صالون المنتدي .....

في تصريح لي واحد من المسئولين قال إنو الشاحنة دي كان مليانة بي ناس من أريتريا والصومال وأثيوبيا يعني مهربين عشان يمشوا السعودية ، واسرائيل ضربت تلك الشاحنة ظنا منها إنها مليانة أسلحة لغزة .
والوضع في صالحنا يعني نحن الآن نطالب بالتحقيق في هذه الضربة .

الريال فك اللي ياخي حكايتك شنو كرهتنا الشيشه والله العظيم نسوي فيك المقلب الكنا مسونو في الليبي روق عليك الله خلينا نكلم الجماعة ديل .
الوضع في صالحنا كيف والحكومة ما اتخذت ولا خطوة يعني اكان عندك حق كنته تقول ونحنى عارفين انو وقع علينا ظلم لكن وين الرد وين رادارات البتكشف العدو البشق السودان طول وعرض ومافي زول جايب ليه خبر والله انا قايل انو اهون من ضربنا مافي صراحة وللأمانة والدلايل كتيرة من مصنع الشفى والاذاعة زمان ودخول المرتزقه ام درمان في الشهور الماضية الله يكون في العون امسك اللي ده نشفتها غير الحجر وهب النار النمش السوق اخيط الكدارة دي للتمرين شد حيلك يا الواثق الليله ملاقنكم .

شنو يابوجاسم الناس ديل معلنين الحداد
شيشى لا كورة لا
الريال دا حلف طلاق بضرب بالدانة القنابل قال
البلد مستهدفة قال
وهو قاعد يحضر في الكورة

لي شنو البفكو يا أبو جاسم ؟
إت الظاهر عليك ما قريت البوست دا كويس ، ولكن عزانا إنو أبو سلطان لفت انتباهك للحاجة دي .
علي بالطلاق الدانة في كتفي تاني تجيب سيرة الشيشة دي أكان تشربها في جهنم .

نعم اتفق معك على إنو السودان سهل الاختراق ونحن لم نبلغ الدرجة التي نكشف بها الطائرات وربما الرادار لا يكشفها .
البلد حاليا في حالة تنمية وبقليل من الصبر إن شاء الله نكون من الدول التي يعمل لها ألف حساب ، بس أمريكا وإسرائيل يخلونا في حالنا .

ابدا من حيث انتهي الريال علي بالطلاق ما بخلونا في حالنا البلد دي مستهدفه من كل النواحي اقتصاديا و
عسكريا واعلاميا يعني كل ما نحن عملنا مشروع تكون هنالك عقوبات مفروضه علبنا (شفتو كيف )
الاستهداف تجاه السودان مخطط ليهو من زمان ولكن تختلف وسيله التنفيذ فمثلا زمان عملو حظر اقتصادي
مانفع (البشير كتلا ليهم في حنانهم )وبقينا نصدر بترول (ما في رجاله اقتصاديه اكتر من كدا )
وبعد داك ................................. يا خي ما تقاطعني يا ابو جاسم هسع بتكلم في الكوره وانته براك شايف الزول الشايل الدانه داك بفرطقها في راسك

شتتتتتتتتتتتتتتتتتتتتتتتتتتتتتره
البريدو تايه يا حليل البريدنا

إنتو ياجماعة ودعجيب وين ليه فترة ماشفناه اوعى يكون مع الجماعة ديل
كدي الواثق افقد الزول
وادمن دا الريال من جاب فيها قنابل ودانات ماشفناه تاني