ما هو سر عدم المحبة للسريحه؟؟؟؟

يا جماعه في حاجه محيراني هنا في الإمارات العربية المتحدة بدبي،،
حيث يوجد الكثير من أهل التكينه،، و لاحظت أنهم لا يكنون الود إطلاقاً لأهل السريحه..
فما السر في ذلك ،،،،،


أرجو أن تفتوني في الموضوع؟؟؟؟؟؟؟؟

ده حاجه غريبة المفروض التواصل يقوي العلاقة مش يعقده و يضعفه،،
وهل صحيح هناك علاقة قربى بين أهل السريحه و التكينه.

نعم يا اخي انا المشكلة عارفاها كويس وعارفة جذورها وهى بدات منذ نشأت السريحة وسببها الاساسي ان ناس التكينة يكونوا دائما ضد كل شيئ حديث فممكن نقول عليهم رجعيين فمثلا عندك اهل السريحة يحبون الطرب وكل يوم تلقى فى فنان كبير جاي لعرس ولا حاجة اخرى كاحتفال فهم عندهم هذا الشيئ من المحرمات وكذلك عندهم عقدة من حاجة اسمها بنات او اي حرمة يعني زي نظام القصيم فى السعودية فهناك المرأة عندهم فقط للبيت ولا شيئ غير بيتها لا تشارك ولا تخرج ولا تتكلم ولا تتناقش مع رجال فاختلاف المجتمعين فى السريحة والتكينة مجتمع منفتح والآخر نقيضه تماما جعل هناك غيرة او تهكم من اهل التكينة على اهل السريحة وبالمناسبة الموضوع ده هم شغاليين بيه شديد عكس ناس السريحة لا يهتمون بهذه المقارنة ابدا وكذلك سرعة التطور التى حصلت فى السريحة بالرغم من حداثتها جعلت هناك غيرة اكثر حتى يقال ان ناس التكينة قالوا ان الفلوس التى بنيت بها مستشفى السريحة اساسا طالعة باسم توسعة مستشفى التكينة ولكن عشان الوالي عاوز يناسب الجماعة (طبعا ده كان زمان) تحولت الفلوس لبناء هذا المستشفى ارضاء للنسايب الجدد... فشوف كيف منطقهم وهناك مفارقات كتيرة سارجع لها مرة اخرى؟؟؟؟؟؟؟

تسلمي يا زرقاء اليمامه على التوضيح،،
كده الموضوع باين وواضح.
والله غالب.

كما اسلفت يا ود بساطي الامر لا يخرج من كونه مجرد مزح من العيار الثقيل
زرقاء اليمامة :
نرجو الابتعاد عن التجريح والاعتماد على النقد الموضوعي والبناء
الغناء لدينا ايضا من المحرمات فان كان كرههم نابع من ذلك فهذا كره يحبه الله ورسوله لكن انا اعلم انهم ايضا يحبون الطرب على مستوياته ولديهم فنا يقلد عثمان حسين وسبق ان استضافه التلفزيون القومي
بالنسبة لعلاقة لنظرتهم للبنت وانها ( مرة للبيت ) الوقائع تخالف ذلك وفتياتهم تضج بهن الجامعات السودانية ولديهم دكتورة في جامعة الخرطوم لا يحضرني اسمها الان
فرؤيتي ان الموضوع ليس بهذه الغتامة ولكن فقط لملء الفراغ ولا يتعداه لابعد من ذلك مثلهم ومثل البشاقرة والسريحة او مثل الذي يحدث بين فريق واخر في السريحة وحتى على مستوى الفريق الواحد في القرية بين قبيلة واخرى باختصار انا لا اعرف منزل في السريحة ليس له صلة قرابة بالتكينة

زاد الشجون كتب:

كما اسلفت يا ود بساطي الامر لا يخرج من كونه مجرد مزح من العيار الثقيل
زرقاء اليمامة :
نرجو الابتعاد عن التجريح والاعتماد على النقد الموضوعي والبناء
الغناء لدينا ايضا من المحرمات فان كان كرههم نابع من ذلك فهذا كره يحبه الله ورسوله لكن انا اعلم انهم ايضا يحبون الطرب على مستوياته ولديهم فنا يقلد عثمان حسين وسبق ان استضافه التلفزيون القومي
بالنسبة لعلاقة لنظرتهم للبنت وانها ( مرة للبيت ) الوقائع تخالف ذلك وفتياتهم تضج بهن الجامعات السودانية ولديهم دكتورة في جامعة الخرطوم لا يحضرني اسمها الان
فرؤيتي ان الموضوع ليس بهذه الغتامة ولكن فقط لملء الفراغ ولا يتعداه لابعد من ذلك مثلهم ومثل البشاقرة والسريحة او مثل الذي يحدث بين فريق واخر في السريحة وحتى على مستوى الفريق الواحد في القرية بين قبيلة واخرى باختصار انا لا اعرف منزل في السريحة ليس له صلة قرابة بالتكينة

تسلم يا زاد الشجون على الرد الجميل
ولكني متأكد تماماً أن زرقاء اليمامة لم تقصد التجريح ربما خانها التعبير فقط،،
وانا لم أضع الموضوع و التساؤل لزيادة حدة الموضوع بل لمعرفة سببه و إمكانية علاجه..

لك الشكر كل التقدير..

مشكور يا ابو الشوش
لكن اكاد اجزم انها هي الحقيقة بنسبة 90%

يا زاد الشجون انا بتكلم عن التكينة والسريحة فى الثمانينات فعلا كان فى التكينة ممنوع فى الحفلات حتى لو تذكر عندما جات حنان بلوبلو السريحة وغنت مين اللخرب الحفلة هم ناس التكينة كذلك لما جات فرق مسرحية او زواج يكون فيه فنان كبير تجد اول الحاضرين شباب التكينة وانا معاك فى ان اناس التكينة ساخرين جدا وخاصة عنهم سواق بكسي على ما اعتقد اسمه مصعب دائما يشتم فى التكينة ويشكر فى السريحة لزوم الفكاهة

زرقاء اليمامة كتب:

يا زاد الشجون انا بتكلم عن التكينة والسريحة فى الثمانينات فعلا كان فى التكينة ممنوع فى الحفلات حتى لو تذكر عندما جات حنان بلوبلو السريحة وغنت مين اللخرب الحفلة هم ناس التكينة كذلك لما جات فرق مسرحية او زواج يكون فيه فنان كبير تجد اول الحاضرين شباب التكينة وانا معاك فى ان اناس التكينة ساخرين جدا وخاصة عنهم سواق بكسي على ما اعتقد اسمه مصعب دائما يشتم فى التكينة ويشكر فى السريحة لزوم الفكاهة

شفته يا زاد الشجون ما قلته ليك،،

الان ايقنت يا زرقاء اليمامة انك ولد بنسبة100%
ياخي ما عيب عليك تسمي نفسك باسم مرة ، يعني لو اصلو عاجبك الاسم كان تضيف عليه صفة الذكورة مثلا عاشق زرقاء اليمامة او اخو زرقاء اليمامة وهكذا
خليتنا ( نشوت ود عجيب ) لما حاول يكشفك شكلو اقتنع بس يا ويلك منو اذا قراء هذا البوستفعلا ... ( ليس هنالك جريمة مكتملة )
بالله عليك بتعرف مصعب ( الاخت عفوا الاخ كمساري)
نرجع لموضوعنا في الثمانينيات اكثر رواد حفلة حنان بلوبلو كانو من التكينة بشهادة احدهم وهذا يدحض كلامك انهم ليسو اصحاب بهجة

زاد الشجون كتب:

الان ايقنت يا زرقاء اليمامة انك ولد بنسبة100%
ياخي ما عيب عليك تسمي نفسك باسم مرة ، يعني لو اصلو عاجبك الاسم كان تضيف عليه صفة الذكورة مثلا عاشق زرقاء اليمامة او اخو زرقاء اليمامة وهكذا
خليتنا ( نشوت ود عجيب ) لما حاول يكشفك شكلو اقتنع بس يا ويلك منو اذا قراء هذا البوستفعلا ... ( ليس هنالك جريمة مكتملة )
بالله عليك بتعرف مصعب ( الاخت عفوا الاخ كمساري)
نرجع لموضوعنا في الثمانينيات اكثر رواد حفلة حنان بلوبلو كانو من التكينة بشهادة احدهم وهذا يدحض كلامك انهم ليسو اصحاب بهجة

معقولة يا زاد الشجون البتقول فيه ده كلام عاقل وكنت احسبك كذلك ولكن ما مهم اعتبرني زي ما تعتبرني ولعلمك انا لما اكون عاوزة اكتب فى موضوع بسال كثيرا واسم مصعب هذا ورد من ضمن الاستفسارات وهذا للتوضيح لا اكثر
اما نجي لموضوعنا ان ناس التكينة دائما يتهكمون فى اهل السريحة والادله على ذلك كثيرة سارجع لها مرة اخرى وللعلم انا معظم اهلى من التكينة....... قال راجل قال

زاد الشجون كتب:

الان ايقنت يا زرقاء اليمامة انك ولد بنسبة100%
ياخي ما عيب عليك تسمي نفسك باسم مرة ، يعني لو اصلو عاجبك الاسم كان تضيف عليه صفة الذكورة مثلا عاشق زرقاء اليمامة او اخو زرقاء اليمامة وهكذا
خليتنا ( نشوت ود عجيب ) لما حاول يكشفك شكلو اقتنع بس يا ويلك منو اذا قراء هذا البوستفعلا ... ( ليس هنالك جريمة مكتملة )
بالله عليك بتعرف مصعب ( الاخت عفوا الاخ كمساري)
نرجع لموضوعنا في الثمانينيات اكثر رواد حفلة حنان بلوبلو كانو من التكينة بشهادة احدهم وهذا يدحض كلامك انهم ليسو اصحاب بهجة

زاد الشجون انت بتتكلم جد؟ : لو فعلا طلع الموضع ده صاح يا زرقاء اليمامة سوف يكون عقابك قاسي جدا جدا

اقتباس :

زاد الشجون انت بتتكلم جد؟ : لو فعلا طلع الموضع ده صاح يا زرقاء اليمامة سوف يكون عقابك قاسي جدا جدا

_________________
حتى انت يا ادمن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالمناسبة انا اكتشفت ان مجتمع السريحة الذكوري وبالاخص الموجود فى المنتدى واخصص كمان ادمين وزاد الميعاد وود عجيب وودعشرين ده كلهم على ما اعتقد لا يحبون ان تكون هناك امراة فى المنتدى بهذه الجراءة تناقش وتحاور وتجادل عاوزين فقط حاضر نعم وايوه وكذلك لان اساس تربيتهم مبني على ذلك وهو اقصاء العنصر النسوي فبدل ما القى التشجيع والثناء اجد من يشكك فى انوثتي فعلى العموم انا لو وجدت اعتذار يليق بمقدار الاهانة دي تاني ما حتشوفو وشي وبكررها تاني ما حاتشوفو وشي

ده واحد عبقري مشارك باسميـــــــــــن رايكم شنو يا زرقاء اليمامة علشان ادي سيطان صاح للزول البغلط

طيب يا ود عجيب ( ما تندفق ) ادينا فرصة نرد ونبرر
اقول ليك حاجة كلامك ده وغزلك الصريح ده والاندياح ( الخلاك تمرق من علبك )
اكد لي مليون% انو كلامي صاح وارفعو القضية للادمن وعقلاء المنتدى لو كلامي طلع غلط انا مستعد لاي جزاء مهما كان
ويا زرقاء اليمامة الحمد لله ابواتنا ربونا تمام وعلمونا ان للمراة ما للرجل وهذا حق كفله لها رب العباد ولنا في رسول الله الاسوة الحسنة فقد قال ( خياركم خياركم لنسائكم وانا خياركم لنسائي) وكذلك سيدنا عمرحين قال( اخطا عمر واصابت امراة) ، بعد ده كلو بتقولي انو ابواتنا ما ربونا صاح واننا مجتمع ذكوري ؟؟؟ بس نعمل شنو( قبل كده قلت ليك ) كلامك زي البليلة الفيها (حصحاص)

ود عجيب لك (شولات ) من الود و( دكتين ) محبة والف فدان شوق
يا ادمن : المحيرني في الزول(ة) زرقاء اليمامة بيعرف تفاصيل دقيقة جدا عن الكورة والخلا والمواصلات ولقيط القطن والمناوشات بين فريق واخر وده الخلاني( ادق صدري واقيف وسط البلد واهتف زرقاء ولد ) لكن لو المسالة فيها زعل وترك للمنتدى نعتذر وبالخط العريض ( واقيف مرة واحدة ضد قناعاتي الشخصية ) وكلو من اجل السريحة عشان ما نفقد عضو مميز عبرك ارسل اعتذاري ممهور بثقة اكبر انو ( اختلاف الراي لا يفسد ود محبتنا والقضية ) ( طابت لكم الحياة )

من علّمنا أن الاعتذار ضعفٌ وإهانةٌ ومنقصة ؟؟

من علّمنا أن نقتل بداخلنا هذه الصفة النبيلة ؟؟

من علّمنا أن في الاعتذار جرحٌ للكرامة والكبرياء ؟؟

حقا الاعتذار من أنبل الصفات الانسانية .

هو دليل نقاء القلب وصفاء النفس .

وحلاوة الروح .

وليتنا نكن متسامحين مع أنفسنا ابتداءً

ومع الآخرين انتهاءً .

عندها لن نجد في عالمنا هذا ذرةٌ من خلاف

** فاصلة **
قد أخطئ أنا أو تخطئ أنت

وقد نتقاسم الأخطاء

ولكن خيرنا من يبدأ بالسلام



ود بساطى ان زرقاء اليمامه محقه والله الموضوع ماعايز مشؤرة اعتذر انت وانت خير العارفين
والله مافيها حاجه وانا بدورى للمرة الثانيه بقدم اعتذارى لاختنا العالى مقامه

ا هشام مشيت وين انت وولعت النار فى هذا البوست وشايف العكاكيز يضاربن ولا دخلت ولا قلت باركوها يا جماعة فالمفروض انت فتحتها بسلام لازم تقفلها بسلام حتى لو كان سلام نيفاشا

يا جماعه صلوا على النبي؛ عليه الصلاة و السلام،،، زيدوه صلاة,,
أحييك يا ود عجيب على روح التسامح و حرصك على المنتدى و أهلوا،
أرفع لك القبعه يا زاد الشجون تحية لمقدرتك على الوقوف في وجه ذاتك و كل ذلك حرصاً على المنتدى،،
أحييكم يا ذكور المنتدى على حرصكم على إناثه ؛؛؛؛

يا زرقاء اليمامة و أحسبني أخاطبك دائماً بصيغة الأنثى،، لا يكون إتخاذ الموقف و القرارات السريعه بدون حسابات بهذه الصورة:صواب بل هو الخطأ بعينه،
يعني عشان زعلتي من واحد أو أتنين حتسيبي المنتدى، أنا ما قلته إنو من ما حقك ما تزعلي؛ بل تزعلي و تزعلي و تزعلي و الباقيين كمان بزعلوا معاك، بس لكن ما تنسي إنو المصاريين في البطن بتتشاكل،، و منتدى السريحه ده المفروض يكون وطن ،، انا شخصياً بالنسبه لي وطن و ما حأفرط فيه حتى لو طردت منو فما بالك أقوم أنسحب منو ،، حقو تراجعي نفسك،، أنا عارف انو كلام زعل ما بتقصدوا....الخ

الى كل أهل المنتدى:
جينا شايلين ليك فرحنا كان عشمنا تزيدوا حبه ترا ناس فاقدين عيونك بوراك ما خلوا غربه، قلنا ننسى تعب سفرنا الليالي معاك أحبه و الله شوقنا رجعنا بيه وما ندمنى علي سلامك..
خلوا المنتدى راحه لينا من غربتنا و تعب سفرنا ووحشتنا وأشوقنا لي أهلنا هنا و هناك و ........ بعزكم جميعاً.
مع كل حبي لكل أهل السريحه أو من يدعي حب السريحه.