ما هو سر عدم المحبة للسريحه؟؟؟؟

Admin كتب:: ا هشام مشيت وين انت وولعت النار فى هذا البوست وشايف العكاكيز يضاربن ولا دخلت ولا قلت باركوها يا جماعة فالمفروض انت فتحتها بسلام لازم تقفلها بسلام حتى لو كان سلام نيفاشا

عزيزي بساطي البوست كان عبارة عن قصيده و ندمته إني وضعتها و انا معليش لسه واصل الشغل و إثناء كتابتك للرد الأخير ان كنت بكتب في رد و الله و ربنا ما يسوي حريقه في منتدى السريحه.

يا زرقاء اليمامة انا بديت أحس انك مريخابيه حقوا تبقي حمراء اليمامه هههههههههههههههههههههههههههه
لأنو موقفك ده بشبه ناس المريخ!!!!!!!!!!!!!!!!!!..................

بالمناسبه دى انا كده اتاكدت انها هلالابيه 100x100 لانو انتو بتاعين حركات
وبقول ليها مامشكله اعملى اى حركه ازعلى (مازعلك ) حلو وافرحى (ما فرحك) هو البفرحنا

حمد الله ألف على السلامة و الله أثبتي إنك من السريحه.

اهلي قبيلتي اصدقائ فى منتدى السريحة
لا اقدر ان اعبر مدى شوقي للقياكم وكم كانت هذه الساعات التى فارقت فيها المنتدى كانها سنينا عجافا احسب لها الثانية بالثانية وكل مرة اغالط تفسي واقول لماذا انا اخذت هذا الموقف وهو كان نابع من احساس داخلي بان لابد لاخوات مهيرة من صوت يجلل ويدوي ويسمع كل الحاضرين وكان هذا عن اقتناع تام مني ان اشارك فى جميع المواضيع وبشتى السبل وممكن تجدني لا اعرف شيئ عن الرياضة او اشياء اخرى الا انيي لا استسلم لذلك بل ارجع لمن هو يملك المعلومة واجمعها من هنا وهنا حتى صارت عندي ملكية فكرية ممكن اجاري بها شباب المنتدى وكنت فخورة جدا بذلك الا انني وجدت هناك اشارات وغمزات لم افهم محتواها الا عندما باح بها زاد الشجون للعلن انه لا يمكن ان تكون هناك امراة تملك كل هذه الجراءة والمعلومات فكان هذا سقوطي من قمة النشوة الى الدرك الاسفل من الاحباط ولكن بالرغم من ذلك قاومت بشدة وكان ذلك نتاجه ان ردت الى كرامتي فالشكر لكم اعزائ والشكر لود العجيب الذى بكلماته العطرة ازال عني هواجس مخيفة والشكر موصول ايضا الى هشام السريحة الذى لزم الصمت حتى ظهرت العدالة فكتب واوجز ثم الشكر اخيرا للادمن وزاد الميعاد على تأخرهم فى هذا الاعتذار الذي كلفني الكثير الكثير وهو الشوق الى المنتدى ............. فلتحيا السريحة ولتحيا السريحة فكلنا جنود لها ولا صغيرة ولا كبيرة بتفرقنا
من غير ميعاد ما اجمل اللقية فى المنتدى بلا انتظار
صحيت فى نفسي الوجود ورجعتي لسريحتى النهار
:D :D :D :D :D :D :D

كلكم بقيتو زى جو السودان فى اليوم الواحد اربعه فصول زاد الميعاد مرة يطلب من ودعجيب ان لايهتم بالاسماء ومرة ان يبرد نفسه ثم ياتى نفسه ناسيا او متناسيا هذه القيم
زرقاء اليمامه من السريحه للصومال ومن السريحه للصومال وما عارفين الحاصل شنو
اما ابوسبعين داك امره غريب والله ما عرفناه
التحيه لود عجيب (خط سيره ) واضح ودايما ما يجمع الشتات وكذلك التحيه ل (بله) وهو عارف نفسو (بله دقه الرقم جله) يارائع
وينك ياادمن انت الروعه وانت حاجات كتيييييييييييره كلها سمحه
اقول لود عجيب ماتتعب نفسك مع الجماعه اياهم خليهم براهم بصالحو لوالوجعه بتهمهم

الملثم كتب:: كلكم بقيتو زى جو السودان فى اليوم الواحد اربعه فصول زاد الميعاد مرة يطلب من ودعجيب ان لايهتم بالاسماء ومرة ان يبرد نفسه ثم ياتى نفسه ناسيا او متناسيا هذه القيم
زرقاء اليمامه من السريحه للصومال ومن السريحه للصومال وما عارفين الحاصل شنو
اما ابوسبعين داك امره غريب والله ما عرفناه
التحيه لود عجيب (خط سيره ) واضح ودايما ما يجمع الشتات وكذلك التحيه ل (بله) وهو عارف نفسو (بله دقه الرقم جله) يارائع
وينك ياادمن انت الروعه وانت حاجات كتيييييييييييره كلها سمحه
اقول لود عجيب ماتتعب نفسك مع الجماعه اياهم خليهم براهم بصالحو لوالوجعه بتهمهم

التحية لك أيها الملثم.
بله ده منو بقى في أسرار في المنتدى.

اهلا اهلا
اول حاجة يا اخوى ( زح اللثام ده) عشان تشوف كويس وتقرا زاد الشجون وليس زاد الميعاد وابعشرين وليس ابو سبعين قال مثلم قال (ملثم شنو في الحر ده) يا خوي Smile

زاد الشجون كتب:: اهلا اهلا
اول حاجة يا اخوى ( زح اللثام ده) عشان تشوف كويس وتقرا زاد الشجون وليس زاد الميعاد وابعشرين وليس ابو سبعين قال مثلم قال (ملثم شنو في الحر ده) يا خوي

هههههههههههههههههههههههههههههههههههههههههههه
lol!

زاد الشجون كتب:: اهلا اهلا
اول حاجة يا اخوى ( زح اللثام ده) عشان تشوف كويس وتقرا زاد الشجون وليس زاد الميعاد وابعشرين وليس ابو سبعين قال مثلم قال (ملثم شنو في الحر ده) يا خوي

عاجبنى راسك المتل الضريسه ده

والله انا ما عارف سر عداوتكم انت وابو الشوش لراسي
هو يقول فيهو تسعة صويفات وانت تقول زي الضريسة
انا خايف لو قبلت عليكم وشفتو وشيء ما اظن في زول يفض في المنتدى
يعدين يا اخوانا (كل زول عاجبو الصارو)

وانت صارى شنو اوع تكون عينك ياساتر تبقى شيييييييييين عديل كده لاشعر لاعيون

الملثم كتب:: وانت صارى شنو اوع تكون عينك ياساتر تبقى شيييييييييين عديل كده لاشعر لاعيون

الصارو يعني رأسه
ده كلمه خرطومية هههههههههههههههههههههههههههههههههههههه

يا الملثم الناس الصارين عينهم عديييل كدة وباينة الصرة في صورتهم لاي واحد
ما اشتغلتهم تشتغلني انا لي شنو
( اياك اعني يا .....)

دى زرقاء اليمامه صاره وشها زى فلان الفلانى اقول ليها انتى من غير تصريها شينه

يا شيرين انت اذا كنت ممتحنه الاساس فهو ظهرت نتيجته اما اذا كنت ممتحنه الشهادة السوداينة فلسع النتيجة ما طلعت والله يستر ما تقدي عربي فغير هذه لا توجد امتحانات :D :D

شيرين : موضوع الظلط اتكلمنا فيهو ( وزرقاء اليمامة ) خلتنا ( ننعل سنسفيل اليوم الخلانا نفكر في النقاش) وتصدى لها ايضا ود عجيب وخالك ابو ناجي والاحرار من المنتدى ، اضم صوتي الى صوتك واكرر ( كل زول عاجبو الصارو) انا عن نفسي لا اقبل اي نقصان لقريتي لكن ليس على حساب كمال القرى الاخرى
زرقاء اليمامة : انتي قايلة القراية اساس وثانوي بس والله صدق ابعشرين انت ( قادة) مش عربي قادة معلومات عامة Smile

شيرين كتب:: يا اخوانا انا براه راسي مسخن من القرايه
خليكم ناس ظريفين وما في داعي للمواضيع الهدامه دي
بالعكس عندكم حاجات اهم خشو عليها
الظلط الي ما عايز يمشي لقدام
وتبرعات المدارس بتاعة الاساس
والوضع الصحي السيء للمنطقه ووووووو
ولكم مني خالص تحياتي

ردك الأول كان جميل و مقنع لكن جيتي بوزطتي الدنيا بردك التاني،
المواضيع الهدامة !!!!!!!!!!!!!!!!!!!!!!!!!!!!!!!!!!!!!!!!!

قلنا من الأول أنو في مشكلة و نحن بصدد حلها و البحث في أسبابها،،،
وشكراً ليك يا بت السريحه ..................!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

شيرين كتب:

زرقاء اليمامة كتب:: يا شيرين انت اذا كنت ممتحنه الاساس فهو ظهرت نتيجته اما اذا كنت ممتحنه الشهادة السوداينة فلسع النتيجة ما طلعت والله يستر ما تقدي عربي فغير هذه لا توجد امتحانات :D :D

يا زرقاء انا كده يدوووووب اتأكدت انك بت
ولعلمك انا شهاده عربيه ومعرفه بنفسي
ده لو ما اغلب الناس عارفاني
انت منوووووووووووووو؟؟؟؟؟؟؟؟؟؟؟؟؟؟؟؟؟

هو غير ناس الشهادة العربية القلل من مستوى الجامعات شنو
واحدة تجيب 100×100 وتدخل طب ومن اول سنة تربت ده تقولي عليه شنو
وبرضو شهادة عربية

طيب ما دام متفوقين كده ليش بعادلوا نسبتهم بماينس -11
اما بالنسبة لعدم قدرتهم على التالقم مع جو السودان فهذا دلع زايد من اسرهم وهم دخلوا لينا عادات غريبة فى الجامعات وكذلك عملوا تفرقة بين الاغنياء والفقراء فظر القبول الخاص وظهرت الداخليات الخاصة والمساكين ليهم الله Mad

شنو يا جماعه ما تراعوا لينا،،
المنتدى ده للإلفة و التسامح ما ساحة قتال،،،
أهدو و صلوا على النبي عليه الصلاة و السلام،،
و ما تغيروا راينا في بنات السريحه ،،
و لو عرفتوا راينا فيهم بترفعوا راسكم فوق فوق؛ وما بتشتغلوا بتوافه الأمور،،
ولا كيف يا أخواتي؟؟؟؟؟؟؟؟؟؟
أخوكم المحب.

عينك للفيل وتطعن في ( شيرين)
انا زمان قلت ليكم وتاني بقول ليكم ( الزولة دي ) لو ما شلعت المنتدى ما بترتاح
ياخي دي نسخة من عجوبا الخربت الراكوبة عفوا الخربت سوبا