ما هو سر عدم المحبة للسريحه؟؟؟؟

زرقاء اليمامة كتب:

يا ناس مسؤولين من الخير شيرين طفشت وين ماله ما قدرت تستحمل ولا الفي راسها كمل ما ياهم ديل بنات المعتربين اقل هبشة تلقاهم جروا ... وكمان اعتذرت ليها وبرضو ما شايفاها يانس البعرفها يجيبها عشان ما نفقد عضوة فعاله

والله انت عضو مميز يا زرقاء اليمامة
يعني في بوست واحد تفلقي و تداوي
ههههههههههههههههههههههههههههه
الله ما يحرمنا منك.
مع مودتي.

يا ابو الشوش رغم مساختها وغرضمتها ( وتخريماتها ) برضو يتعرف الواجب وبتسال عن الاعضاء بصورة مستمرة
ملاحظة :
انا ملاحظ اني بديت اتوافق مع زرقاء اليمامة ياربي يكونو سقوني محاية وانا ما عارف ( الله يكضب الشينة ) !!!

افو ...
انا بهرش
(انا للرجال فرنيب وانا للضرس عرديب)
انا دابي الليل البخم الرجال خفيف وتقيل
انا ضل الضحي للتعبان فراش ومقيل
انا اللسد البصارع الفيل
انا الفنجري ركاب ضهور الخيل
انا كان لميت فيك يمكن ادخلك بي خرم برميل
يا تقول توبة ولا تقول الرووووب عديل
**وليدة اللحظة الا كان اتحركت ليها واتوهطت في الجابرة بقول ليك كلام يحنضل عليك المنتدى الا المسامح كريم
** ( اعوذ بالله من كلمة انا ) لكن انتو تخلو الزول يمرق من علبو

جميل جدا يا اخوة هذا التناغم
كم تمنيت ان انظم القوافي ( دوبيت ) او ( فصحى ) لكن تاتي الرياح بما لا تشتهي السفن
ربنا لا يحرمنا من المبدعين والمحفزين للابداع ( مع محبتي )

زاد الشجون كتب:

افو ...
انا بهرش
(انا للرجال فرنيب وانا للضرس عرديب)
انا دابي الليل البخم الرجال خفيف وتقيل
انا ضل الضحي للتعبان فراش ومقيل
انا اللسد البصارع الفيل
انا الفنجري ركاب ضهور الخيل
انا كان لميت فيك يمكن ادخلك بي خرم برميل
يا تقول توبة ولا تقول الرووووب عديل
**وليدة اللحظة الا كان اتحركت ليها واتوهطت في الجابرة بقول ليك كلام يحنضل عليك المنتدى الا المسامح كريم
** ( اعوذ بالله من كلمة انا ) لكن انتو تخلو الزول يمرق من علبو

ممكن تترجم او احمد من ناس المنتدى يترجم لي اصلو الكلام سمح بس ما فاهماو

خير الكلام ماقل ودل
الما بتلحقوا جدعوا

الي كل اعضاء الكرام .....

لكم مني كل الود والاحترام " لقد لاحظت ومن خلال متابعتي للمنتدي ان هذا البوست او المقال هو الاكثر ردوداعلية مما يحتويه من اوجه مقارنة بين السريحة والتكينة وارجو من القراء والاعضاء لكي لا ياخذ حيز الحساسية والشد بين الاهل ارجو ان لا نتناول الموضوع بحساسية وان لا نصرف الي المواضيع الغير هادفة والهدف من المنتدي هو لم الشمل واستقطاب اكبر عدد من الناس وليست التفريق بينهم (كل الناس اهل) والهدف الاستراتيجي هو بناء وتنمية السريحة بسواعد اهلها .... قف .. ومرحبا باي شخص يريد الانتماء الي البيت ...

ا اخ عبد العطيم لك الشكر هذا هو الحل وانا اوافق الرى

فارس الاحساس كتب:

بسم الله الرحمن الرحيم
ا الاخ هشام والاخت زرقاء اليمامة اذا كنتى فعلاً انثى والاخ زاد الشجون لكم التحية وانتم تزكرون
ماتسمونه بالكراهيه بين السريحة والتكينة ومعاها شتم كمان من الاخت زرقاء اليمامة واسمك على فكره لايدل
على انك من اللواتى يشتمنا اهلهنا ابداً وها انتى تنعتى اهل التكينة بالرجعين ؟؟؟؟؟
وللاسف معكى شباب من الموئدين الى الفكرة التى اتا بها الاخ هشام من خارج السودان لكى يخلق فتنه
بين السريحة والتكينة ياخى مثل هذه الدعابات موجودة حتى داخل السريحه فريق كد هن كد وكد وفريق كد
ناس متخلفين وديل رجعين بس انت كمان ماتطلع شديد لدرجت تتجراء امره وتشتم اهل التكينة ؟؟؟
يااخى هشام شكلك بقول استاذ فمافى داعى انك تعكس مايدور بينك وبين الاخوان الموجدين مع فى المهجر
الى الاهل الطيبين ولكم التحية ايها الرائعين؟؟؟؟؟؟؟؟

العزيز فارس الاحساس، أولاً أقرأ الموضوع جيداً ثم علق عليه و أرجو أن تخبرني من أين أستشفيت إحساس أني عاوز أولع نار الفتنه بين السريحة و التكينه، ده بعمله واحد متنكر و ما خاشي و مسجل بإسمه الحقيقي أقرأ الموضوع تاني و أفهمه كويس يا حبوب انا أصحابي كتار من التكينه.

هشام السريحه كتب:

يا جماعه في حاجه محيراني هنا في الإمارات العربية المتحدة بدبي،،
حيث يوجد الكثير من أهل التكينه،، و لاحظت أنهم لا يكنون الود إطلاقاً لأهل السريحه..
فما السر في ذلك ،،،،،


أرجو أن تفتوني في الموضوع؟؟؟؟؟؟؟؟

اخى هشام افهم شنو لو عندك زول بفهم خلى يرد على عبارة (لايكنون الود اطلاقاً لاهل السريحه)

فارس الاحساس كتب:

هشام السريحه كتب:

يا جماعه في حاجه محيراني هنا في الإمارات العربية المتحدة بدبي،،
حيث يوجد الكثير من أهل التكينه،، و لاحظت أنهم لا يكنون الود إطلاقاً لأهل السريحه..
فما السر في ذلك ،،،،،


أرجو أن تفتوني في الموضوع؟؟؟؟؟؟؟؟

اخى هشام افهم شنو لو عندك زول بفهم خلى يرد على عبارة (لايكنون الود اطلاقاً لاهل السريحه)

زاد الشجون كتب:
كما اسلفت يا ود بساطي الامر لا يخرج من كونه مجرد مزح من العيار الثقيل
زرقاء اليمامة :
نرجو الابتعاد عن التجريح والاعتماد على النقد الموضوعي والبناء
الغناء لدينا ايضا من المحرمات فان كان كرههم نابع من ذلك فهذا كره يحبه الله ورسوله لكن انا اعلم انهم ايضا يحبون الطرب على مستوياته ولديهم فنا يقلد عثمان حسين وسبق ان استضافه التلفزيون القومي
بالنسبة لعلاقة لنظرتهم للبنت وانها ( مرة للبيت ) الوقائع تخالف ذلك وفتياتهم تضج بهن الجامعات السودانية ولديهم دكتورة في جامعة الخرطوم لا يحضرني اسمها الان
فرؤيتي ان الموضوع ليس بهذه الغتامة ولكن فقط لملء الفراغ ولا يتعداه لابعد من ذلك مثلهم ومثل البشاقرة والسريحة او مثل الذي يحدث بين فريق واخر في السريحة وحتى على مستوى الفريق الواحد في القرية بين قبيلة واخرى باختصار انا لا اعرف منزل في السريحة ليس له صلة قرابة بالتكينة


تسلم يا زاد الشجون على الرد الجميل
ولكني متأكد تماماً أن زرقاء اليمامة لم تقصد التجريح ربما خانها التعبير فقط،،
وانا لم أضع الموضوع و التساؤل لزيادة حدة الموضوع بل لمعرفة سببه و إمكانية علاجه..

لك الشكر كل التقدير..