نجم النجوم( شد حيلك يا الهدهد) على كرسي الاعتراف

يالا يا ناندا

اختاااااااااااااااااااااري

العمل فى مجال السياحةفيه نوع من الشكليات والمظاهر هل تتعاملين به ؟

لازم اتعامل فى اوقات طويلة بطريقة المظاهر والشكليات ... ولكن بالقدر الذى لا ينقص قيمتى كمسلمة ..

هل لكى صلة رحم بالسريحة ؟

ليس لى صلة رحم ... لكن كنت اتمنى ان تكون لى صلة رحم .. عشان امشى واجى كل يوم

ريال مدريد كتب:

ناندا كتب:

خوجلابي كتب:: العفوة فــــــــــــــــــــــــى العيافة يســــــــــــــــــــاوى شنـــــــــــــــــــــــــــــــــــــــــو :&&&:

انا بالجد محتاجة لترجمة السؤال دة !!!!!!!!!!!!!!!

اطلب الاستعانة بصديق

يكون قصدو العفو في العافية ؟؟؟؟؟؟؟؟؟؟؟؟؟؟

شكرا على الترجمة يا ريال .......... ولله والرسول يا خوجلابى !!!!!!!!!

ارشح هشام مبارك عبد الرحمن

أيش هذا يا ناندا ، والله سارح شوية ما قريت البوست ده ، الله يخليك شوفي زول غيري !

اعتذر بشدة يا شيخنا ,, ولكن اتمنى ان تجلس على الكرسى وتقول لنا ما تريدا ان نعرفه ... ولك الاختيار .

الشيخ وافق على الجلوس على الكرسى ... فلنستعد لاستجوابه Laughing

وين الشيخ ؟؟ أقعد يا شيخ

أنا عندي ليك أسئلة كتيرة بس بعد ما تتوهط تب في الكرسي .

والله منك خوف كتيرخلاص يا الريال !!

هشااااااااااااااااااااااام يا ويلكم يا ويلكم بيك ع الكرسي

أنت البيك يا عم سقراط ، دا أنت فيك الخير و البركة يا عم ، والمنتدي بدونك ما يسوي حاجة ، و هذه ليست رشوة مني لكي تريحني في الأسئلة !!!!

هشام مبارك عبد الرحمن كتب:: أنت البيك يا عم سقراط ، دا أنت فيك الخير و البركة يا عم ، والمنتدي بدونك ما يسوي حاجة ، و هذه ليست رشوة مني لكي تريحني في الأسئلة !!!!

انت قايل الرشوة دى الا قروش ؟؟؟؟؟؟؟؟؟؟ هى دى ذاتها الرشوة

أيوووووووووووة

داير تكتل حيلو بالكلام دا ، لكن ما مشكلة لو كان دا قصدك أنا بقول ليك في غيرو مية ، بس إنت خليك صنديد وأركز ما تبطبط زي الجماعة .

يا الناندا و الريال بدينا خلاص ولا شنو ؟ لكن يا الريال ح تعرفني صنديد ولا لا ؟ أنا كمامي إنت عارف براك بركز ولا لا ؟، نحن ناس البطان و السوط !!

دا شنو يا كمامي ؟؟

دايرين تعملوا ليكم أمجاد على حسابنا ؟
بطان شنو البتعرفو ؟
إقد عيني ما شفت لي كمامي إنجلد ليهو في بطان .
في بعض التحفظات علي ود كزوم .

البركة اللي اتذكرت ود كزوم ده !! عاد نسيت كرار عمي ، والقاسم ود نورالدائم و الخ ...، بس ما تغلط معاهم أنا بكللللم !!

أنا قلت ليك إقد عيني ، يعني ما شفتهم .

وأنا إن شاء الله ما أغلط مع أي واحد .
ودا كلو عبارة عن مزحة للكمامة وربنا يديهم الصحة والعافية .
المهم يا أخوي كدي خلينا في الكرسي ، بالمناسبة إن شاء الله يكون مريح ، ولو فيهو أي حاجة قول لي عشان أغيرو ليك بي واحد تاني .

امانة ما وقع رااااااااااااااااااااااجل
1- البطاقة الشخصية
2- المراحل الدراسية
3- ما معنى كلمة كمامي فى اللغة وعند الكمامة واصولها وجزورها
4- لو رجع بك الزمن وخيروك بأن تكون كمامي ولا دفعلابي ايهما تختار
5- لماذا نجد فريق الكمامة دائما متشددين فى كل شيئ وقد تركوا عادات ابائهم واجدادهم
6- عندما توفى والدك اين كنت
7- وهل تحملت المسؤولية ولا كنت لسع حمل وديع
8مدرسة السريحة المتوسطة 000 ما هو اجمل شيئ عجبك فى تلك الفترة
واسوأ شيئ كذلك
9- من الذي سرق كراس تحضير الجغرافيا من معاوية (قليلة) وقد عوقبتم بالحبس فى الفصل حتى الساعة 5 مساء
10- مباراة كانت فى الذاكرة بين فريق وره وفريق الكمامة وكنت انا حينها هداف فريق ورا وكنت انت حارس مرمى فريق الكمامة وقد احرزت فيك هدفا رائعا ... صف لي شعورك وانت تتذوق طعم الهزيمة حينها

أجمل ذكرياتك في حنتوب ؟؟؟؟؟؟

هل كنت ملتزما أم طائشا قبل أن تنضم إلى الجماعة ؟
متى كان إنضمامك للجماعة ؟
لمن يرجع الفضل في دخولك إلى الجماعة ؟
حكمة تعمل بها

ريال مدريد كتب:: أنا قلت ليك إقد عيني ، يعني ما شفتهم .

وأنا إن شاء الله ما أغلط مع أي واحد .
ودا كلو عبارة عن مزحة للكمامة وربنا يديهم الصحة والعافية .
المهم يا أخوي كدي خلينا في الكرسي ، بالمناسبة إن شاء الله يكون مريح ، ولو فيهو أي حاجة قول لي عشان أغيرو ليك بي واحد تاني .

يا ريال معليش كنت بعيد شوية ، و ياخي والله كلنا بنمزح ، ويديك العافية إنت كمان ، وكرسيك والله حار الظاهر الكان قاعد فيهو صدعت بيهو أرجو أن تغيره لي !!

Admin كتب:: امانة ما وقع رااااااااااااااااااااااجل
عاد يتخارجو من الأدمن ده كيف ، نقول يا رب يا ستير الحال تستر ! آآميين .
1- البطاقة الشخصية
هشـام مبار عبد الرحمن أحمد دفع الله أبريش ناصر حداد
2- المراحل الدراسية
السريحة الإبتدائية ثم السريحة المتوسطة ثم حنتوب الثانوية ، ثم جامعة الخرطوم -كلية القانون
3- ما معنى كلمة كمامي فى اللغة وعند الكمامة واصولها وجزورها
كمامي مشتقة من حبوبتن لينا وهي أم أم الوالد عليه رحمةالله إسمها (كميم) وهي تعني من كم الشيئ إذا صره و جعله مكموما هذا من باب أم الوالد و هي جعلية الأصل ، ولكن من الباب الأصلي باب والد الوالد دفعلابي و أصله رفاعي ، و غالبية الأصول موجودين بالبشاقرة الشرقية ، ولكن جري تغليب أسم الكمامة علي أصولنا الموجودة بالسريحة .
4- لو رجع بك الزمن وخيروك بأن تكون كمامي ولا دفعلابي ايهما تختار
أيه الإحراج ده يا أدمن ،، الإجابة دفعلابي طبعا !
5- لماذا نجد فريق الكمامة دائما متشددين فى كل شيئ وقد تركوا عادات ابائهم واجدادهم
هه ها ها، ياخي تشددهم جعل كل الناس في السريحة تصبو للتزواج معهم ، ألا تري أنه لا توجد كمامية الآن في سن الزواج ، شطبناهم كلهم و لله الحمد ! وتركوا عادات أجدادهم يعني بقوا أنصار سنة ولا شنو قصدك يا أدمن ، طيب ياخي العبرة بالدليل و الدوران مع الحق أينما كان ، وما أعتقد أن الأباء كانوا علي إختلاف كبير معنا لذلك كان التحول السريع !
6- عندما توفى والدك اين كنت
كنت ألازمه في سرير المرض بمستشفي الخرطوم ، حيث كان مصاب بالسكري عليه رحمة الله و جميع أمواتنا و أموات المسلمين
7- وهل تحملت المسؤولية ولا كنت لسع حمل وديع
نعم والحمد لله ، ولكن الفضل بعد الله سبحانه و تعالي يرجع لأعمامي و عماتي الذين تكفلوا بي ألا أن تخرجت من الجامعة و يممت وجهي شطر المملكة .
8مدرسة السريحة المتوسطة 000 ما هو اجمل شيئ عجبك فى تلك الفترة
واسوأ شيئ كذلك
أجمل ما كان في تلك الفترة إهتمام جميع المدرسين بالمستوي الأكاديمي التحصيلي للطلاب و خصوصا الأستاذ / علي محمد حماد و الذي لا نستطيع أن نوفيه حقه في هذه السانحة -أسوأ شيئ الضعف المادي في المدرسة حيث كنا نعاني من مشاكل التأسيس حيث كانت المدرسة في بداياتها ، وكثيرا ما كنا نعاني من قطوعات الكهرباء ، والحمد لله رغم ذلك كان هناك عدد لا بأس به من دفعتنا نالوا حظا من التعليم العالي .
9- من الذي سرق كراس تحضير الجغرافيا من معاوية (قليلة) وقد عوقبتم بالحبس فى الفصل حتى الساعة 5 مساء
سؤال حرج جدا ، ولعله إلي الآن تصيبنا الرعشة عندما نذكر عقاب أستاذ علي حماد علي تلك الفعلة ، فكان أن حبسنا إلي العصر في المدرسة حتي لحقتنا الأمهات والإجابه هو إبن عمتي العزيز ( عماد سعد )
10- مباراة كانت فى الذاكرة بين فريق وره وفريق الكمامة وكنت انا حينها هداف فريق ورا وكنت انت حارس مرمى فريق
الكمامة وقد احرزت فيك هدفا رائعا ... صف لي شعورك وانت تتذوق طعم الهزيمة حينها

مرارة قاسية جدا ، ولولا تذكرت أنك إبن عمتي لحرشت عليك عصبة الكمامة و أنت براك عارف أيه كان الي يمكن يحصل ، لذلك لعلكم لذتم بالفرار مبكرين بمجرد صافرة النهاية

ريال مدريد كتب:: أجمل ذكرياتك في حنتوب ؟؟؟؟؟؟
الله عليك يا ريال رجعتني إلي أجمل أيام حياتي ، أجمل ذكرياتي دائما أساتذتي المبدعين ، وهم كثر ، و أكثر ما أذكر تفردهم في طريقة التدريس
هل كنت ملتزما أم طائشا قبل أن تنضم إلى الجماعة ؟
لم أكن ملتزما بمعني الكلمة ، وممكن تقول ربع طائش
متى كان إنضمامك للجماعة ؟
عند أول يوم دخلت فيه الجامعة بتاريخ 5/4/1992 م
لمن يرجع الفضل في دخولك إلى الجماعة ؟
العم / عادل عبد الرحمن أحمد دفع الله
حكمة تعمل بها
من يعمل المعروف لا يعدم جوازيه .. لن يضيع معروف بين الله و الناس

هشام مبارك عبد الرحمن كتب:

أنت البيك يا عم سقراط ، دا أنت فيك الخير و البركة يا عم ، والمنتدي بدونك ما يسوي حاجة ، و هذه ليست رشوة مني لكي تريحني في الأسئلة !!!!

يا باشا انت الكبير نورت الكرسي

وانا ما داير اسالك

لاني شايف الرجالة ما صدقوا تقعد

سيبني انا للاخر

والخير ربه كريم

[quote="هشام مبارك عبد الرحمن"]
وكرسيك والله حار الظاهر الكان قاعد فيهو صدعت بيهو أرجو أن تغيره لي !![/size

والله ما تتخيل ضحكت قدر شنو ولو ما مسكت الكرسي ما عارف كان البحصل شنو .

الحمد لله جات سليمة ، بس مصاريني ما متأكد منهن .

حاتم سقراط كتب:

هشام مبارك عبد الرحمن كتب:

أنت البيك يا عم سقراط ، دا أنت فيك الخير و البركة يا عم ، والمنتدي بدونك ما يسوي حاجة ، و هذه ليست رشوة مني لكي تريحني في الأسئلة !!!!

يا باشا انت الكبير نورت الكرسي

وانا ما داير اسالك

لاني شايف الرجالة ما صدقوا تقعد

سيبني انا للاخر

والخير ربه كريم

الله يعطيك العافية يا عم سقراط !